完整藏文原文 · 德格版页 当前仅加载第 65 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱའོ། །མི་གནས་པ་དང་། མི་བྱ་བའི་ཁ་ན་མ་ཐོ་བ་ཆེན་པོའི་ལས་ངན་པ་འདི་དག་བྱས་པའི་གང་ཟག་ནི་ལུས་འདི་ཉིད་ལ་ཉོན་མོངས་པ་ཟད་པར་བྱེད་མི་ནུས་སུ་ངེས་ཏེ་ཏིང་ངེ་འཛིན་ཡང་མི་འགྲུབ་ན་ཡང་དག་པ་མི་འགྱུར་བ་ལ་ཞུགས་པ། ཐོབ་པ་ལྟ་ཅི་སྨོས་ཏེ། ཚེ་འཕོས་མ་ཐག་ཏུ་གདོན་མི་ཟ་བར་
D239.065.0143b01.01སེམས་ཅན་དམྱལ་བར་སྐྱེ་ཞིང་སྡུག་བསྔལ་ཆེན་པོ་མྱོང་བར་འགྱུར་རོ། །ཚངས་པ་ཆེན་པོ་གཞན་ཡང་རིགས་ཀྱི་བུའམ། རིགས་ཀྱི་བུ་མོ་གང་གིས་བསམ་པ་དག་པས་ངའི་བསྟན་པ་ལ་དད་ནས་ཉན་ཐོས་ཀྱི་ཐེག་པ་ལ་ཞུགས་སམ། རང་སངས་རྒྱས་ཀྱི་ཐེག་པ་ལ་ཞུགས་སམ། ཐེག་པ་ཆེན་པོ་ལ་
D239.065.0143b02.01ཞུགས་ཏེ་ངས་བསྟན་པ་ལ་དད་པས་ཁྱིམ་ནས་ཁྱིམ་མ་ཡིན་པར་རབ་ཏུ་ཕྱུང་སྟེ་བསྙེན་པར་རྫོགས་པར་བསླབ་པའི་གནས་མང་པོ་ལ་ཤིན་ཏུ་བཀུར་སྟི་དང་། རིམ་གྲོར་བྱ་བ་དང་། རྩ་བའི་སྡིག་པ་བཞི་བསྲུང་བ་ལ་ཤིན་ཏུ་འབད་པའི་བརྩོན་འགྲུས་ཆེན་པོ་བརྩམ་པར་བྱའོ། །གང་ཟག་དེ་ལ་ནི་རྟག་
D239.065.0143b03.01ཏུ་ལྷ་དང་། མི་དང་མི་མ་ཡིན་པ་ལ་སོགས་པ་རྗེས་སུ་འབྲང་ཞིང་སྲུང་སྟེ་དེ་ནི་ལྷ་དང་། མི་ལ་སོགས་པའི་མཆོད་པ་ཡང་ཆུད་མི་ཟའོ། །ཐེག་པ་གསུམ་གང་ལ་སྤྲོ་ཞིང་དགའ་བ་བཞིན་དེ་མ་ཐག་ཏུ་མཐའི་གནས་བྱེད་པར་འགྱུར་རོ། །དེ་བས་ན་ཡང་དག་པ་མྱ་ངན་ལས་འདའ་བར་འདོད་པ་
D239.065.0143b04.01དག་ལུས་དང་སྲོག་སྟོར་ཀྱང་སླའི་ཆོས་རྣམ་པ་དེ་བཞི་ཉམས་པར་མི་བྱའོ། །དེ་ཅིའི་ཕྱིར་ཞེ་ན། སོ་སོའི་སྐྱེ་བོ་དག་ནི་རྒྱུ་རྣམ་པ་འདི་གསུམ་གྱིས་མྱ་ངན་ལས་འདའ་བའི་བདེ་བ་ཐོབ་པར་འགྱུར་བའི་ཕྱིར་རོ། །གསུམ་གང་ཞེ་ན། དེ་བཞིན་གཤེགས་པ་ལ་བརྟེན་པའི་རྒྱུ་དང་། འཕགས་
D239.065.0143b05.01པས་བསྟན་པ་ལ་བརྟེན་པའི་རྒྱུ་དང་། ངའི་ཉེ་གནས་ལ་བརྟེན་པའི་རྒྱུ་སྟེ་གསུམ་མོ། །སོ་སོའི་སྐྱེ་བོ་དག་རྒྱུ་རྣམ་པ་འདི་གསུམ་ལ་བརྟེན་ཏེ་བརྩོན་འགྲུས་སུ་ནན་ཏན་བྱས་ན་མྱ་ངན་ལས་འདའ་བའི་བདེ་བ་ཐོབ་པར་འགྱུར་རོ། །གང་ཟག་གང་གིས་ཆོས་རྣམ་པ་དེ་བཞི་ཉམས་ན་ང་ཡང་དེའི་
D239.065.0143b06.01སྟོན་པ་མ་ཡིན་ལ། དེ་ཡང་ངའི་ཉན་ཐོས་མ་ཡིན་ནོ། །གང་ཟག་གང་གིས་ཆོས་རྣམ་པ་དེ་བཞི་ཉམས་ན་དེ་ནི་ངས་བསྟན་པའི་ཤིན་ཏུ་ཟབ་པ། རྒྱ་ཆེ་བའི་མི་རྟག་པ་དང་། སྡུག་བསྔལ་བ་དང་། སྟོང་པ་ཉིད་དང་། བདག་མེད་པ་དང་ལྡན་པ་སེམས་ཅན་ཐམས་ཅད་ལ་ཕན་པ་དང་བདེ་
D239.065.0143b07.01