完整藏文原文 · 德格版页 当前仅加载第 65 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་བཅུ་པོ་འདི་དག་དང་ལྡན་པས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བྱ་སྟེ། སྡིག་པ་ཐམས་ཅད་ལས་རྣམ་པར་གྲོལ་བ་དང་། དགེ་བའི་ཆོས་ཐམས་ཅད་ཡིད་བཞིན་དུ་རྫོགས་པ་དང་། མྱུར་དུ་མྱ་ངན་ལས་འདའ་བ་ཆེན་པོའི་རྒྱ་མཚོ་ཡོངས་
D239.065.0205a01.01སུ་འགེངས་པ་དང་། ཐབས་མཁས་པ་ཆེན་པོའི་ཡེ་ཤེས་ཀྱི་འོད་ཀྱིས་སྐྱེ་བོ་ཐམས་ཅད་ཡོངས་སུ་སྨིན་པར་བྱེད་ཅིང་ཐམས་ཅད་ལ་ཕན་པ་དང་། བདེ་བ་ཡོངས་སུ་ཐོབ་པར་བྱེད་དོ། །དེ་ཅིའི་ཕྱིར་ཞེ་ན། རིགས་ཀྱི་བུ་སྔ་མ་འདས་པའི་སངས་རྒྱས་བཅོམ་ལྡན་འདས་
D239.065.0205a02.01ཐམས་ཅད་ཀྱིས་ཀྱང་མི་དགེ་བ་བཅུའི་ལས་ཀྱི་ལམ་ཡོངས་སུ་སྤངས་ཏེ། དགེ་བ་བཅུའི་ལས་ཀྱི་ལམ་འདི་ལ་ཡོངས་སུ་བསྔགས་པས་འབྲས་བུ་ཐོབ་པར་གྱུར་ཏོ། །དེ་བས་ན་གང་གིས་དགེ་བ་བཅུའི་ལས་ཀྱི་ལམ་བཤད་པ་འདི་དག་ལས། འགའ་ཞིག་ནམ་འཚོའི་བར་དུ་མ་
D239.065.0205a03.01ཉམས་པར་སྲུང་ན་འབྲས་བུ་ཁྱད་པར་ཅན་མཆོག་ཏུ་འགྱུར་བ་ཐམས་ཅད་ཐོབ་པ་ནི་ཇི་ལྟར་བཤད་པ་བཞིན་ནོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་ནམ་འཚོའི་བར་དུ་སྲོག་གཅོད་པ་ཡོངས་སུ་སྤངས་ན་དེ་ཉིད་སེམས་ཅན་ཐམས་ཅད་ལ་
D239.065.0205a04.01མི་འཇིགས་པ་སྦྱིན་པ་ཡིན་ཏེ། སེམས་ཅན་དག་ལ་འཇིགས་ཤིང་བག་ཚ་བར་མི་བྱེད་པས་དེའི་འཇིགས་པའི་སྡུག་བསྔལ་མི་སྐྱེད་པའི་དབང་གིས་དགེ་བའི་རྩ་བ་ཐམས་ཅད་མྱུར་དུ་ཡོངས་སུ་རྫོགས་པར་འགྱུར་རོ། །ཐོག་མ་མེད་པའི་མཐའ་ནས་རྒྱུད་ལྔར་འཁོར་བའི་རྒྱ་
D239.065.0205a05.01མཚོར་བྱིང་བ། སྲོག་གཅོད་པའི་དབང་གིས་ལུས་དང་། ངག་དང་། ཡིད་ཀྱིས་སྡིག་པ་མི་དགེ་བའི་ལས་བདག་ཀྱང་བྱེད་ལ་གཞན་ཡང་བྱེད་དུ་འཇུག་ཅིང་མཐོང་བ་དང་། ཐོས་པའི་རྗེས་སུ་ཡི་རང་བ་ལས་བྱུང་བའི་ཉོན་མོངས་པའི་སྒྲིབ་པ་དང་། སེམས་ཅན་གྱི་སྒྲིབ་
D239.065.0205a06.01པ་དང་། ཆོས་ཀྱི་སྒྲིབ་པ་དང་། ཚེའི་སྒྲིབ་པས་བསྒྲིབས་པར་གྱུར་ཏོ། །འདི་ལྟར་སྲོག་གཅོད་པ་ཡོངས་སུ་སྤངས་པའི་འཁོར་ལོས་དེ་དག་ལྷག་མ་མ་ལུས་པར་ཡོངས་སུ་བཅོམ་ཞིང་(བརྙིལ་,བསྙིལ་)བས་རྣམ་པར་སྨིན་པའི་འབྲས་བུ་མི་མྱོང་བར་བྱེད་དོ། །ལུས་འདི་ཉིད་ལ་
D239.065.0205a07.01