完整藏文原文 · 德格版页 当前仅加载第 65 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་རིན་པོ་ཆེ་དེ་དག་རེ་རེ་ལས་ཀྱང་རིན་པོ་ཆེ་རྣམ་པ་སྣ་ཚོགས་ཆར་བཞིན་དུ་འབབ་པར་མཐོང་ངོ་། །གཞན་ཡང་ནོར་བུ་རིན་པོ་ཆེ་དེ་དག་ལས་འོད་ཟེར་རྣམ་པ་སྣ་ཚོགས་སུ་བྱུང་སྟེ། འོད་ཟེར་དེ་དག་གི་དབང་གིས་སེམས་ཅན་དེ་དག་སོ་སོ་ནས་ཕྱོགས་བཅུའི་
D239.065.0101a01.01ཆུ་ཀླུང་གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཞིང་ཡང་མཐོང་ངོ་། །ཡང་འོད་ཟེར་དེ་དག་གི་དབང་གིས་སངས་རྒྱས་ཀྱི་ཞིང་དེ་དག་ན་དེ་བཞིན་གཤེགས་པ་དེ་རེ་རེ་ལ་ཡང་འཁོར་མང་པོ་ཚད་མེད་པས་བསྟི་སྟང་དང་བཅས་ཏེ་ཡོངས་སུ་བསྐོར་བར་མཐོང་ངོ་། །གཞན་
D239.065.0101a02.01ཡང་འོད་ཟེར་དེའི་དབང་གིས་སངས་རྒྱས་ཀྱི་ཞིང་དེ་དག་ན་སེམས་ཅན་གང་ནད་ཀྱིས་གཟིར་བ་ཐམས་ཅད་ཀྱང་འོད་ཟེར་དེ་དག་གིས་རེག་མ་ཐག་ཏུ་ནད་ཀྱི་སྡུག་བསྔལ་དང་བྲལ་བར་གྱུར་ཏོ། །གང་བསད་པ་ལ་ཐུག་པ་དང་། བཙོན་དུ་བཟུང་ཞིང་བཅིངས་པ་དག་ཀྱང་འོད་
D239.065.0101a03.01ཟེར་དེ་དག་གིས་རེག་མ་ཐག་ཏུ་དེ་དག་ལས་ཡོངས་སུ་ཐར་བར་གྱུར་ཏོ། །གང་ལུས་དང་ངག་དང་ཡིད་མི་བདེ་བར་སྤྱོད་པའི་གནས་ངན་ལེན་ལྕི་བ་དག་ཀྱང་འོད་དེའི་དབང་གིས་ཤིན་ཏུ་ཡང་ཞིང་རྣམ་པར་དག་པར་གྱུར་ཏོ། །གང་བཀྲེས་ཤིང་སྐོམ་པ་དག་ཀྱང་འགྲངས་
D239.065.0101a04.01ཤིང་ངོམས་པར་གྱུར་ཏོ། །གང་བསད་པ་དང་། ཆད་པ་རྣམ་པ་སྣ་ཚོགས་ཀྱིས་ཉོན་མོངས་པར་གྱུར་པ་དག་ཀྱང་འོད་ཟེར་དེ་དག་གིས་རེག་མ་ཐག་ཏུ་སྡུག་བསྔལ་བ་དང་བྲལ་བར་གྱུར་ཏོ། །གང་བགོ་བ་དང་། རིན་པོ་ཆེའི་རྒྱན་དང་། དབྱིག་དང་། ནོར་རྫས་ཀྱིས་བྲེལ་ཅིང་
D239.065.0101a05.01ཕོངས་པ་དག་ཀྱང་བསམས་པ་བཞིན་དུ་འབྱོར་ཅིང་ལྡན་པར་གྱུར་ཏོ། །སེམས་ཅན་གང་སྲོག་གཅོད་པ་ལ་དགའ་ཞིང་མོས་པ་ནས་ལོག་པར་ལྟ་བའི་བར་དུ་དགའ་ཞིང་མོས་པ་དག་ཀྱང་འོད་ཟེར་དེས་རེག་མ་ཐག་ཏུ་སྲོག་གཅོད་པ་ཡོངས་སུ་སྤོང་བ་ལ་དགའ་ཞིང་མོས་
D239.065.0101a06.01པ་ནས་ལོག་པར་ལྟ་བའི་བར་དུ་ཡོངས་སུ་སྤོང་བ་ལ་དགའ་ཞིང་མོས་པར་གྱུར་ཏོ། །སེམས་ཅན་གང་འདོད་པ་མི་རྙེད་པ་རྣམ་པ་སྣ་ཚོགས་ཀྱིས་སྡུག་བསྔལ་བར་གྱུར་པ་དག་ཀྱང་འོད་ཟེར་དེས་རེག་མ་ཐག་ཏུ་ཇི་ལྟར་རེ་བ་བཞིན་དུ་རྙེད་པར་གྱུར་ཏོ། །གཞན་ཡང་འོད་
D239.065.0101a07.01