完整藏文原文 · 德格版页 当前仅加载第 65 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
བརྩོན་འགྲུས་ཀྱིས། །མཆོད་པ་དམ་པ་བཅོམ་ལྡན་འདས་ལ་དབུལ། །རྒྱ་མཚོ་ཡེ་ཤེས་སེམས་ཅན་སྡུག་བསྔལ་སྒྲོལ། །འཇིགས་པ་མེད་པས་སྲིད་པའི་ཕ་རོལ་ཕྱིན། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་འདུག་པ་ལས་ལངས་ནས་བཅོམ་ལྡན་འདས་ལ་འདི་
D239.065.0114b01.01སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཆུ་བོ་བཞི་ལས་སྒྲོལ་བའི་བཅོམ་ལྡན་འདས་ཀྱི་ཉེ་གནས་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ལ་སོགས་པ་དྲན་པ་འཕེལ་བ་དང་། བསྲུང་བའི་དྲན་པ་འཕེལ་བ་དང་། འཚོ་བ་འཕེལ་བ་དང་། ལུས་བདེ་
D239.065.0114b02.01བ་འཕེལ་བ་དང་། ནད་མ་མཆིས་པ་འཕེལ་བ་དང་། གཟུགས་དང་སྟོབས་འཕེལ་བ་དང་། གྲགས་པ་འཕེལ་བ་དང་། འཚོ་བའི་ཡོ་བྱད་འཕེལ་བ་དང་། གཉེན་བཤེས་འཕེལ་བ་དང་། སློབ་མ་འཕེལ་བ་དང་། ཚུལ་ཁྲིམས་འཕེལ་བ་དང་། མང་དུ་ཐོས་པ་འཕེལ་བ་དང་། སྦྱིན་པ་
D239.065.0114b03.01འཕེལ་བ་དང་། ཏིང་ངེ་འཛིན་འཕེལ་བ་དང་། བཟོད་པ་འཕེལ་བ་དང་། ཐབས་མཁས་པ་འཕེལ་བ་དང་། བྱང་ཆུབ་ཀྱི་ཡན་ལག་དག་དང་། འཕགས་པའི་བདེན་པ་འཕེལ་བ་དང་། ཐེག་པ་ཆེན་པོའི་ཡང་དག་པའི་ལམ་ལ་གཞོལ་བའི་འཕེལ་བ་དང་། ཆོས་ཀྱི་སྒྲོན་མ་འཕེལ་བ་དང་།
D239.065.0114b04.01སེམས་ཅན་ཡོངས་སུ་སྨིན་པར་བགྱི་བ་འཕེལ་བ་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་འཕེལ་བ་དང་། རྣམ་པར་དཀར་བའི་ཆོས་འཕེལ་བ་དང་། ཁམས་གསུམ་དུ་གྲགས་པ་འཕེལ་བ་དང་། ཁམས་གསུམ་དུ་ཆོས་ཀྱི་ཆར་འཕེལ་བ་དང་། ས་ཆེན་པོ་ཐམས་ཅད་ཀྱི་རོ་བྲོ་བ་
D239.065.0114b05.01འཕེལ་བ་དང་། སེམས་ཅན་ཐམས་ཅད་ཀྱི་མདངས་དང་དགེ་བའི་ལས་འཕེལ་བ་དང་། ཆོས་ཀྱི་དགའ་བ་དང་དགེ་བ་སྤྱོད་པ་འཕེལ་བ་དང་། ཤེས་རབ་ཀྱི་འོད་འཕེལ་བ་དང་། ཕ་རོལ་ཏུ་ཕྱིན་པ་དྲུག་འཕེལ་བ་དང་། སྤྱན་ལྔ་འཕེལ་བ་དང་། དབང་བསྐུར་བ་འཐོབ་པ་དང་།
D239.065.0114b06.01ལྷར་སྐྱེ་བ་དང་། མྱ་ངན་ལས་འདའ་བ་འཕེལ་བ་ལ་སོགས་པ་ཐོབ་པར་བྱེད་པ་ནས། འདི་ལྟ་སྟེ། མེ་དང་ཆུར་ལྡན་པ་དང་། བཀྲ་ཤིས་ཀྱི་འོད་སྣང་བ་དང་། ཐོས་པ་འཛིན་པའི་རིག་སྔགས་ཆེན་པོ་དང་། གཟུངས་ཀྱི་ཚིག་འདི་བདག་གིས་འདས་པའི་སངས་རྒྱས་བཅོམ་ལྡན་འདས་
D239.065.0114b07.01