完整藏文原文 · 德格版页 当前仅加载第 65 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
ན་ཏིང་ངེ་འཛིན་ཡོངས་སུ་མི་འགྲུབ་བོ། །ཇི་སྟེ་སྔར་གྲུབ་ན་ཡང་དེ་མ་ཐག་ཏུ་སྟོར་ཅིང་ཉམས་པར་འགྱུར་རོ། །བཅུ་གང་ཞེ་ན། འདི་ལྟ་སྟེ། ལས་སུ་བྱ་བའི་དངོས་པོ་ལ་དགའ་ཞིང་ཆགས་པ་དང་བྲེ་མོའི་གཏམ་ལ་དགའ་ཞིང་ཆགས་པ་དང་། གཉིད་ཀྱིས་ལོག་པ་ལ་དགའ་
D239.065.0137b01.01ཞིང་ཆགས་པ་དང་། ཟང་ཟིང་ཚོལ་བ་ལ་དགའ་ཞིང་ཆགས་པ་དང་། གཟུགས་བཟང་པོ་ལ་དགའ་ཞིང་ཆགས་པ་དང་། སྒྲ་སྙན་པ་ལ་དགའ་ཞིང་ཆགས་པ་དང་། དྲི་ཞིམ་པོ་ལ་དགའ་ཞིང་ཆགས་པ་དང་། རོ་ཞིམ་པོ་ལ་དགའ་ཞིང་ཆགས་པ་དང་། རེག་བྱ་འཇམ་
D239.065.0137b02.01པོ་ལ་དགའ་ཞིང་ཆགས་པ་དང་། རྟོག་པ་དང་དཔྱོད་པ་ལ་དགའ་ཞིང་ཆགས་པའོ། །ཚངས་པ་ཆེན་པོ་དེ་ལྟར་ཤེས་པར་བྱ་སྟེ། གནས་པ་དང་སྤྱད་པར་མི་བྱ་བའི་ཆོས་རྣམ་པ་བཅུ་པོ་དེ་ཏིང་ངེ་འཛིན་སྒོམ་པ་དག་སྤྱོད་པ་ངན་པ་འདི་ལས་འགའ་ཞིག་དང་ལྡན་ན་ཡང་ཏིང་ངེ་
D239.065.0137b03.01འཛིན་དག་ཡོངས་སུ་མི་འགྲུབ་བོ། །ཇི་སྟེ་སྔར་གྲུབ་ན་ཡང་དེ་མ་ཐག་ཏུ་སྟོར་ཅིང་ཉམས་པར་འགྱུར་རོ། །གལ་ཏེ་ཏིང་ངེ་འཛིན་མ་བསྒྲུབས་ན་དགེ་བའི་ཚོགས་གཞན་ཅི་བསགས་ཀྱང་དེ་ནི་དོན་དུ་མི་འགྱུར་ཏེ། གང་བདག་གི་ལོངས་སྤྱོད་དང་། དང་བས་སྦྱིན་པ་བསྒྲུབ་པའི་
D239.065.0137b04.01ཕྱིར་སེམས་དང་སེམས་ལས་བྱུང་བའི་ཆོས་ངན་པ་སྐྱེ་བར་འགྱུར་རོ། །དེའི་རྐྱེན་གྱིས་རྒྱལ་པོ་དང་། བློན་པོ་ཆེན་པོའི་ཁྲིམས་དང་ཡང་འགལ་བར་བྱེད་དེ། ཁ་ཅིག་ལ་ནི་གཤེ་ཤིང་སྤྱོ་བ་ཡང་བྱེད་དོ། །ཁ་ཅིག་ལ་ནི་ལྕག་གིས་གཞུ་བ་དང་། ཁ་ཅིག་ལ་ནི་ལུས་ཀྱི་ཡན་ལག་
D239.065.0137b05.01དང་ཉིང་ལག་གཅོད་ཅིང་གཅོད་པར་ཡང་བྱེད་དོ། །དེའི་རྒྱུ་དེའི་རྐྱེན་གྱིས་ནད་དྲག་པོས་འདེབས་ཤིང་ཡུན་རིང་པོར་སྡུག་བསྔལ་མྱོང་བ་དང་། ཚེ་ཐུང་བ་དང་། འཆི་འཕོས་ནས་ཀྱང་ངན་སོང་གསུམ་གང་ཡང་རུང་བ་ཅིག་གི་ནང་དུ་སྐྱེ་བ་ནས་མཚམས་མེད་པའི་སེམས་ཅན་དམྱལ་
D239.065.0137b06.01བའི་བར་དུ་ལྟུང་བར་འགྱུར་ཏེ། ཀུ་ད་ཀ་དང་། ཨ་ར་ད་ཀ་དང་། དེ་ཤུ་ཀུ་པ་ལ་ཀི་དང་། ལྷས་སྦྱིན་ལ་སོགས་པ་དང་འདྲ་བར་བསམ་གཏན་ལས་ཉམས་པ་དང་། མཚམས་མེད་པའི་སེམས་ཅན་དམྱལ་བའི་བར་དུ་ལྟུང་ཞིང་རྣམ་པ་ཚད་མེད་པ་སྙེད་ཀྱི་སྡུག་བསྔལ་ཆེན་པོ་མི་
D239.065.0137b07.01