完整藏文原文 · 德格版页 当前仅加载第 65 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བློན་པོ་དང་། ཁྱིམ་བདག་དང་། དགེ་སྦྱོང་དང་། བྲམ་ཟེ་ལ་སོགས་པ་གདོལ་པ་ཅན་དེ་དག་ཐམས་ཅད་རིང་པོ་མི་ཐོགས་པར་བདག་གི་ལུས་དུམ་བུར་ཆད་པ་དང་། ཞག་མང་དུ་ལྕེ་ལྡིབས་པ་དང་། ཤིན་ཏུ་མི་བཟད་པའི་ན་བ་དང་ཚ་བའི་སྡུག་བསྔལ་ཆེན་པོ་མྱོང་བ་དང་།
D239.065.0158a01.01འཆི་འཕོས་ནས་ཀྱང་གདོན་མི་ཟ་བར་མཚམས་མེད་པའི་སེམས་ཅན་དམྱལ་བ་ཆེན་པོར་ལྟུང་བར་འགྱུར་རོ། །རིགས་ཀྱི་བུ་གཞན་ཡང་ཕྱི་མ་མ་འོངས་པའི་དུས་ན་སངས་རྒྱས་ཀྱི་ཞིང་འདིར་རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་། ཚོང་དཔོན་དང་། དགེ་སྦྱོང་དང་།
D239.065.0158a02.01བྲམ་ཟེ་ལ་སོགས་པ་གདོལ་པ་ཅན་སྡིག་པའི་བཤེས་གཉེན་ལ་སྟེན་པ་དགེ་བའི་རྩ་བ་ཞན་ཅིང་ཆུང་བ་ནས་དེ་བཞིན་དུ་རྒྱས་པར་འཇིག་རྟེན་ཕྱི་མའི་སྡུག་བསྔལ་གྱི་འབྲས་བུ་ལ་འཇིགས་པར་མི་ལྟ་བ་དག་ཕྱོགས་བཞིའི་དགེ་འདུན་ལ་ཕུལ་བའི་ནོར་དང་། གཙུག་ལག་ཁང་གི་ཞིང་འབྲོག་དང་། ནོར་
D239.065.0158a03.01ཕྱུགས་དང་། རིན་པོ་ཆེ་དང་། མེ་ཏོག་གི་ཤིང་དང་། འབྲས་བུའི་ཤིང་དང་། ཁ་དོག་གི་ཤིང་དང་། བསིལ་གྲིབ་དང་། བསུང་དང་། སྨན་གྱི་ཤིང་ལ་སོགས་པ་དང་། དེ་མ་ཡིན་པ་འཚོ་བའི་ཡོ་བྱད་རྣམ་པ་སྣ་ཚོགས་ལ་འཕྲོག་ཅིང་ངའི་སློབ་མ་ཚུལ་ཁྲིམས་དང་ལྡན་པ། ཡོན་ཏན་དང་
D239.065.0158a04.01ལྡན་པ། བརྩོན་འགྲུས་རྩོམ་པ། སློབ་པ་དང་མི་སློབ་པ་ལ་ནན་ཏན་བྱེད་པ་ནས་མཐའི་གནས་བྱས་པའི་འབྲས་བུའི་བར་དུ་ཐོབ་ཏུ་ཉེ་བའི་དགེ་སློང་ཡོངས་སུ་དག་པ་འབའ་ཞིག་གིས་སྤྱོད་དུ་དབང་བར་ཟད་ན། རྒྱལ་རིགས་གདོལ་པ་ཅན་དང་། དགེ་སྦྱོང་དང་། བྲམ་ཟེ་གདོལ་པ་ཅན་ལ་སོགས་
D239.065.0158a05.01པ་མཐུ་དང་དཔུང་བསྙེམས་ཏེ་ནན་གྱིས་ཕྲོགས་སམ། གཞན་འཕྲོག་ཏུ་བཅུག་གམ། བདག་སྤྱོད་དམ། གཞན་སྤྱོད་དུ་བཅུག་ཀྱང་རུང་། དེའི་རྒྱུ་དེའི་རྐྱེན་གྱིས་ཡུལ་སྲུང་བའི་ལྷ་དང་། ཀླུ་དང་། གནོད་སྦྱིན་ལ་སོགས་པ་དཀོན་མཆོག་གསུམ་ལ་བསམ་པ་དག་ཅིང་དད་པ་མི་ཕྱེད་པ་དག་
D239.065.0158a06.01རྒྱལ་རིགས་གདོལ་པ་ཅན་དང་། དགེ་སྦྱོང་དང་། བྲམ་ཟེ་གདོལ་པ་ཅན་ལ་སོགས་པ་ལ་ཁྲོས་ཏེ། ཞེ་སྡང་གི་སེམས་སྐྱེ་བ་ནས་དེ་བཞིན་དུ་རྒྱས་པར་རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་། ཚོང་དཔོན་དང་། དགེ་སྦྱོང་དང་། བྲམ་ཟེ་གདོལ་པ་ཅན་ལ་སོགས་
D239.065.0158a07.01