完整藏文原文 · 德格版页 当前仅加载第 65 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱ་སྟོང་ས་ཆེན་པོ་འདི་ཡང་རབ་ཏུ་གཡོས་སོ། །དེ་ལྟར་སངས་རྒྱས་ཀྱི་འཁོར་ལོ་རྣམ་པ་བཅུ་པོ་འདི་བཤད་པའི་ཚེ། འཁོར་གྱི་དཀྱིལ་འཁོར་དེའི་ནང་ན་བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་ཁྲག་ཁྲིག་བརྒྱད་ཅུ་རྩ་བཞི་སྙེད་ཀྱིས་མི་སྐྱེ་བའི་ཆོས་ལ་བཟོད་
D239.065.0135b01.01པ་ཐོབ་བོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མེད་པ་སྙེད་ཀྱིས་གཟུངས་དང་། ཏིང་ངེ་འཛིན་དང་། གཞན་ཡང་སེམས་ཅན་ཚད་མེད་གྲངས་མེད་པ་སྙེད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ་ཕྱིར་མི་ལྡོག་པར་
D239.065.0135b02.01གྱུར་ཏོ། །གཞན་ཡང་སེམས་ཅན་ཚད་མེད་གྲངས་མེད་པ་སྙེད་ཀྱིས་འབྲས་བུ་ཐོབ་པར་གྱུར་ཏོ། །འདུས་པ་ཆེན་པོ་ལས་བྱང་ཆུབ་སེམས་དཔའ་སེམས་དཔའ་ཆེན་པོའི་སའི་སྙིང་པོ་འཁོར་ལོ་བཅུ་པ་ཞེས་བྱ་བ་ལས་འཁོར་ལོ་བཅུའི་ལེའུ་སྟེ་གཉིས་སོ།། །།
D239.065.0135b03.01བམ་པོ་གསུམ་པ། དེ་ནས་འཁོར་གྱི་དཀྱིལ་འཁོར་དེའི་ནང་ན་ཚངས་པ་ཆེན་པོ་ལྷའི་སྙིང་པོ་ཞེས་བྱ་བ་དགེ་བའི་རྩ་བ་ཤིན་ཏུ་བསྐྱེད་པ། ས་བཅུ་ནོན་པ་བྱང་ཆུབ་སེམས་དཔའ་སེམས་དཔའ་ཆེན་པོའི་ཡོན་ཏན་དང་ལྡན་པ་ཞིག་སྟན་ལས་ལངས་ནས་ཐལ་མོ་སྦྱར་ཏེ་བཅོམ་
D239.065.0135b04.01ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་ཚིགས་སུ་བཅད་པ་འདི་དག་སྨྲས་སོ། །ཤེས་རབ་རྒྱ་མཚོ་ཡོན་ཏན་མཛོད་ཅན་ལ། །བདག་གིས་ཐེ་ཙོམ་ཞུ་ཞིང་གསོལ་བར་བགྱི། །ཤེས་རབ་རྒྱ་མཚོ་ཐུགས་རྗེས་སྐབས་ཕྱེ་སྟེ། །བདག་གི་རྟོག་པའི་ཐེ་ཙོམ་བསལ་
D239.065.0135b05.01བར་གསོལ། །བདག་ཅག་སྐོམ་གྱིས་ཤིན་ཏུ་གདུངས་པ་ལྟར། །ཡོན་ཏན་སྙིང་པོ་མཆོག་གི་ཆོས་རོ་དང་། །ཕུལ་དུ་གྱུར་པའི་དོན་དམ་ཆོས་ཀྱི་རོ། །འཁོར་དུ་གྱུར་པ་ཐམས་ཅད་ཐོས་པར་སྨོན། །བཅོམ་ལྡན་འདས་ཀྱིས་ཚངས་པ་ཆེན་པོ་ལྷའི་སྙིང་པོ་ལ་འདི་སྐད་
D239.065.0135b06.01ཅེས་བཀའ་སྩལ་ཏོ། །ཁྱོད་ཀྱིས་དེ་བཞིན་གཤེགས་པ་ལ་ཅི་དང་ཅི་འདོད་པ་དྲིས་ཤིག་དང་། ངས་དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །ཚངས་པ་ཆེན་པོས་གསོལ་པ། བཅོམ་ལྡན་འདས་དེ་ལྟར་བགྱིའོ་ཞེས་གསོལ་ནས་ཚིགས་སུ་བཅད་དེ་
D239.065.0135b07.01