完整藏文原文 · 德格版页 当前仅加载第 65 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་སྣོད་དུ་གྱུར་པ་དང་། ཆོས་ཀྱི་སྣོད་དུ་མ་གྱུར་པ་ཀུན་ལ་འཚེ་ཞིང་གནོད་པ་བྱེད་དེ་གཤེ་ཞིང་སྤྱོ་བ་དང་། འཚོག་པ་དང་། གཞུ་བ་དང་། བཙོན་རར་གཞུག་པ་དང་། འཚོ་བའི་དབང་པོ་དང་ཕྲལ་བའི་བར་དུ་བྱེད་དོ། །དེ་ནི་འདས་པ་དང་། མ་འོངས་པ་དང་། ད་ལྟར་བཞུགས་པའི་སངས་རྒྱས་
D239.065.0153b01.01བཅོམ་ལྡན་འདས་ཀྱི་དམ་ཚིག་ལས་འགལ་བའི་ཁ་ན་མ་ཐོ་བ་ཆེན་པོ་བྱེད་པ་སྟེ། གདོན་མི་ཟ་བར་མཚམས་མེད་པའི་སེམས་ཅན་དམྱལ་བ་ཆེན་པོར་ལྟུང་ངོ་། །དགེ་བའི་རྩ་བ་ཡོངས་སུ་བསྲེགས་ཏེ་རྒྱུན་བཅད་པས་མཁས་པ་ཐམས་ཅད་ཀྱིས་ཡོངས་སུ་སྤང་བར་བྱའོ། །དེ་དག་གིས་དེ་ལྟར་ཁ་ན་
D239.065.0153b02.01མ་ཐོ་བ་སྡིག་པ་ཆེན་པོ་བྱས་ཀྱང་གཡོ་དང་སྒྱུས་འཚོ་སྟེ། ང་རྒྱལ་གྱི་དབང་དུ་གྱུར་ནས་འཇིག་རྟེན་དག་བསླུ་བའི་ཕྱིར་དེ་དག་ཀྱང་སོ་སོ་ནས་བདག་ཅག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདོད་པ་ཡིན་ཏེ། བདག་ཅག་ནི་ཐེག་པ་ཆེན་པོས་མངོན་པར་འཚང་རྒྱའོ་ཞེས་ཟེར་རོ། །འདི་ལྟ་སྟེ་
D239.065.0153b03.01དཔེར་ན་མི་ཞིག་བདག་གི་མིག་ཕྱུང་ནས་ལོང་བར་གྱུར་པ་ཕ་རོལ་གཞན་གྱི་ལམ་མཚོན་པའི་ཕྱིར་རི་ཆེན་པོ་ལ་འཛེག་པ་ནི་གནས་མེད་དོ། །དེ་བཞིན་དུ་ཕྱི་མ་མ་འོངས་པའི་དུས་ན་རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་། ཚོང་དཔོན་དང་། དགེ་སྦྱོང་དང་། བྲམ་ཟེ་གདོལ་པ་ཅན་
D239.065.0153b04.01དག་ཀྱང་དེ་དང་འདྲ་སྟེ། ངའི་བསྟན་པ་ལ་སྐྱབས་སུ་སོང་ཞིང་རབ་ཏུ་བྱུང་བ་ཆོས་ཀྱི་སྣོད་དུ་གྱུར་པའམ། ཆོས་ཀྱི་སྣོད་མ་ཡིན་པའང་རུང་བའི་སློབ་མ་རྣམས་ལ་འཚེ་ཞིང་གནོད་པར་བྱེད་དེ། གཤེ་ཞིང་སྤྱོ་བ་དང་། བརྡེག་པ་དང་། བཙོན་རར་གཞུག་པ་དང་། འཚོ་བའི་དབང་པོ་དང་ཕྲལ་བའི་བར་
D239.065.0153b05.01དུ་བྱེད་དེ། དེ་ནི་འདས་པ་དང་། མ་འོངས་པ་དང་། ད་ལྟར་གྱི་སངས་རྒྱས་ཐམས་ཅད་ཀྱི་དམ་ཚིག་ལས་འགལ་བའི་ཁ་ན་མ་ཐོ་བ་ཆེན་པོ་བྱས་པས་དགེ་བའི་རྩ་བ་ཐམས་ཅད་བསྲེགས་ཤིང་རྒྱུན་བཅད་པས་གདོན་མི་ཟ་བར་མཚམས་མེད་པའི་སེམས་ཅན་དམྱལ་བ་ཆེན་པོར་ལྟུང་ངོ་། །དེ་བས་ན་
D239.065.0153b06.01མཁས་པ་རྣམས་ཀྱིས་སྤང་བར་བྱའོ། །དེས་དེ་ལྟར་ཁ་ན་མ་ཐོ་བ་ཆེན་པོ་བྱས་ཀྱང་གཡོ་དང་སྒྱུས་འཚོ་ཞིང་ང་རྒྱལ་གྱི་དབང་དུ་གྱུར་པ་འཇིག་རྟེན་བསླུ་བའི་ཕྱིར་བདག་ཅག་ནི་བླ་ན་མེད་པའི་བྱང་ཆུབ་ཚོལ་བ་ཡིན་ཏེ། བདག་ཅག་ཀྱང་ཐེག་པ་ཆེན་པོས་མངོན་པར་འཚང་རྒྱའོ་ཞེས་ཟེར་རོ། །དེ་དག་
D239.065.0153b07.01