完整藏文原文 · 德格版页 当前仅加载第 65 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དང་། ཡིད་དང་། རྣམ་པར་ཤེས་པ་ལས་སྐྱེས་པའི་ཚོར་བ་རྣམ་གསུམ་སྟེ། བདེ་བ་དང་། སྡུག་བསྔལ་དང་། བདེ་བ་ཡང་མ་ཡིན་སྡུག་བསྔལ་བ་ཡང་མ་ཡིན་པར་ཚོར་བ་ལ་སེམས་རྟག་ཏུ་ཞི་ཞིང་ཆགས་པ་མེད་དོ། །དུས་གསུམ་གྱི་ཕུང་པོ་དང་།
D239.065.0236a01.01ཁམས་དང་། སྐྱེ་མཆེད་རྣམས་ཀྱི་རྣམ་པ་ཐམས་ཅད་ལ་ལེན་པ་མེད་པ། སེམས་ཀྱི་སྤྱོད་པ་མེད་པའོ། །གང་ཇི་སྙེད་ཁམས་གསུམ་དང་། འདུ་བྱེད་གསུམ་དང་། རེག་བྱ་གསུམ་དང་། ཚོར་བ་གསུམ་དང་། དབང་པོ་གསུམ་དང་། ཐེག་པ་གསུམ་དང་། སྡོམ་པ་གསུམ་དང་།
D239.065.0236a02.01རྣམ་པར་གྲོལ་བ་གསུམ་དང་། རྣམ་པ་དེ་དག་ཐམས་ཅད་ལ་སེམས་རབ་ཏུ་ཞི་བ། གནས་མེད་པ། མཚན་མ་མེད་པ། ལེན་པ་མེད་པས་མཉམ་པ་ཉིད་དུ་གནས་སོ། །གང་ཇི་སྙེད་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་།
D239.065.0236a03.01ཤེས་རབ་དང་། ཕ་རོལ་ཏུ་ཕྱིན་པ་ཐམས་ཅད་ལ་སེམས་ཀྱི་སྤྱོད་པ་མེད་པ་རབ་ཏུ་ཞི་བར་གནས་སོ། །དེ་བཞིན་དུ་དྲན་པ་ཉེ་བར་གཞག་པ་བཞི་དང་། ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་
D239.065.0236a04.01ལག་བདུན་དང་། འཕགས་པའི་ལམ་ཡན་ལག་བརྒྱད་པ་ལ་ཡང་སེམས་ཀྱི་སྤྱོད་པ་མེད་པ་རབ་ཏུ་ཞི་བར་གནས་སོ། །གང་ཇི་སྙེད་དགུ་མཐར་གྱིས་གནས་པའི་སྙོམས་པར་འཇུག་པ་ལ་ཡང་སེམས་ཀྱིས་སྤྱོད་པ་མེད་པར་རབ་ཏུ་ཞི་བར་གནས་སོ། །གཞན་ཡང་མངོན་པར་
D239.065.0236a05.01འདུ་བྱེད་པ་གསུམ་དང་། ཆོས་ལ་སྒྲིབ་པ་མེད་པའི་ཡེ་ཤེས་དང་། ལམ་གྱི་ཡན་ལག་དང་། ལམ་གྱི་རང་བཞིན་འདྲེན་པར་བྱེད་པ་དག་ལ་ཡང་ལེན་པ་མེད་པ། སེམས་ཀྱི་སྤྱོད་པ་མེད་པ། ཀུན་གཞི་རྣམ་པར་ཤེས་པ་དང་། ཀུན་གཞི་རྣམ་པར་ཤེས་པ་མ་ཡིན་པ་དང་།
D239.065.0236a06.01ཉེ་བར་ལེན་པ་དང་བཅས་པ་དང་། ཉེ་བར་ལེན་པ་མེད་པ་དང་། ཟག་པ་དང་བཅས་པ་དང་། ཟག་པ་མེད་པ་དང་། ཚུ་རོལ་གྱི་མུ་དང་། ཕ་རོལ་གྱི་མུ་དང་། ཆུང་ངུ་དང་། ཆེན་པོ་དང་། ཚད་མེད་པ་དང་། བྱེད་པ་དང་། མི་བྱེད་པ་དང་། དགེ་བ་དང་། མི་དགེ་བ་དང་།
D239.065.0236a07.01