完整藏文原文 · 德格版页 当前仅加载第 65 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཉོན་མོངས་པས་གཟིར་ཏེ། མི་དགེ་བ་སྤྱོད་ཅིང་གླེན་པའི་རང་བཞིན་ཅན་དུ་གྱུར་ནས། ཤིན་ཏུ་གདུལ་དཀའ་བ་རྒྱལ་རིགས་གདོལ་པ་ཅན་དང་། བློན་པོ་གདོལ་པ་ཅན་དང་། ཁྱིམ་བདག་གདོལ་པ་ཅན་དང་། ཚོང་དཔོན་གདོལ་པ་ཅན་དང་། བྲམ་ཟེ་གདོལ་
D239.065.0147b01.01པ་ཅན་དེ་དག་ལ་སོགས་པ་དགེ་བའི་རྩ་བ་ཆུང་བ། དད་པའི་སེམས་མ་མཆིས་པ། གཡོ་དང་སྒྱུས་འཚོ་བ། གླེན་པ་དག་ཤེས་པ་བསྙེམས་ཤིང་། འཇིག་རྟེན་ཕྱི་མའི་སྡུག་བསྔལ་གྱི་འབྲས་བུས་མི་འཇིགས་པ་དང་། དགེ་བའི་བཤེས་གཉེན་སྤོང་བ།
D239.065.0147b02.01མཚམས་མེད་པའི་སེམས་ཅན་དམྱལ་བ་ལ་འཇུག་ཅིང་འབབ་པ་དེ་དག་ཁེ་དང་རྙེད་པའི་ཕྱིར། ཚུལ་ཁྲིམས་ཉམས་པ་སྡིག་པ་བགྱིད་པའི་དགེ་སློང་དང་སྟེན་ཅིང་། ཆོས་མ་ཡིན་པ་ལ་སྤྱོད་པའི་གྲོགས་སུ་གྱུར་ནས། ཐམས་ཅད་གདོན་མི་ཟ་བར་མཚམས་མེད་
D239.065.0147b03.01པའི་སེམས་ཅན་དམྱལ་བ་ལ་འཇུག་ཅིང་འབབ་པའི་གནས་དེ་དག་ཏུ་བདག་མཆིས་ཏེ། སངས་རྒྱས་བཅོམ་ལྡན་འདས་ཀྱི་ཆོས་ཀྱིས་སེམས་ཅན་དེ་དག་ལ་ཕན་པ་དང་། བདེ་བ་དང་། དབུགས་དབྱུང་བའི་སླད་དུ་བླ་ན་མེད་པའི་བདུད་རྩི་ལྟ་བུའི་དམ་པའི་ཆོས་ཐབས་ཀྱིས་
D239.065.0147b04.01བསྟན་ཅིང་དྲངས་ཏེ། དེ་ལ་སྤྱོད་དུ་གཞུག་པ་དང་། རྒྱལ་རིགས་གདོལ་པ་ཅན་ནས་བྲམ་ཟེ་གདོལ་པ་ཅན་གྱི་བར་དུ་མཚམས་མེད་པའི་སེམས་ཅན་དམྱལ་བར་ལྟུང་བ་ལས་རྣམ་པར་བཟློག་པར་བགྱིའོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་
D239.065.0147b05.01ཆེན་པོ་སའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་ཕྱི་མ་མ་འོངས་པའི་དུས་ན། སངས་རྒྱས་ཀྱི་ཞིང་འདིར་སེམས་ཅན་དག་ཉོན་མོངས་པས་ཡོངས་སུ་གདུངས་ནས་སྡིག་པ་སྤྱོད་ཅིང་། བྱིས་པ་གཏི་མུག་ཅན་གདུལ་དཀའ་བར་གྱུར་པ་གང་
D239.065.0147b06.01རྒྱལ་རིགས་གདོལ་པ་ཅན་དང་། བློན་པོ་གདོལ་པ་ཅན་དང་། ཁྱིམ་བདག་གདོལ་པ་ཅན་དང་། ཚོང་དཔོན་གདོལ་པ་ཅན་དང་། དགེ་སྦྱོང་གདོལ་པ་ཅན་དང་། བྲམ་ཟེ་གདོལ་པ་ཅན་ལ་སོགས་པ་དགེ་བའི་རྩ་བ་ཆུང་བ། དད་པའི་སེམས་མེད་པ། གཡོ་དང་
D239.065.0147b07.01