完整藏文原文 · 德格版页 当前仅加载第 65 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་འདས་ཤིང་ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། སྲུང་བ་དང་། བསྙེན་བཀུར་བྱེད་པར་འགྱུར་རོ། །དེ་ལ་ཇི་ལྟར་ན་ཤེས་རབ་ཀྱི་
D239.065.0229a01.01གོ་ཆ་ཆེན་པོའི་འཁོར་ལོ་ཞེ་ན། རིགས་ཀྱི་བུ་བྱང་ཆུབ་སེམས་དཔའི་ཤེས་རབ་ལ་ནི་རྣམ་པ་གཉིས་ཏེ། འཇིག་རྟེན་གྱི་དང་འཇིག་རྟེན་ལས་འདས་པའོ། །དེ་ལ་ཇི་ལྟར་ན་བྱང་ཆུབ་སེམས་དཔའི་འཇིག་རྟེན་པའི་ཤེས་རབ་ཅེ་ན། འདི་ལྟ་སྟེ། བྱང་ཆུབ་སེམས་དཔའ་རྣམས་ཐེག་པ་
D239.065.0229a02.01གསུམ་གྱི་དམ་པའི་ཆོས་ཀློག་པ་དང་། འདོན་པ་དང་། གླེགས་བམ་དུ་འདྲི་བ་དང་། ཉན་པ་དང་། ཕ་རོལ་ལ་སྟོན་ཅིང་འཆད་པ་འབའ་ཞིག་ལ་རྟེན་ཏེ། སེམས་ཅན་ཐམས་ཅད་ཀྱི་མ་རིག་པའི་མུན་པ་སེལ་བར་འདོད་པ་དང་། སེམས་ཅན་ཐམས་ཅད་ཀྱི་ཤེས་རབ་ཀྱི་སྒྲོན་མ་
D239.065.0229a03.01འབྱུང་བའི་ཕྱིར་དེ་བཞིན་གཤེགས་པས་བསྟན་པའི་ཉན་ཐོས་ཀྱི་ཐེག་པ་དང་ལྡན་པའི་ཆོས་ལ་ཤིན་ཏུ་འབད་པའི་བརྩོན་འགྲུས་ཀྱིས་ཀློག་པ་དང་། འདོན་པ་དང་། ཉན་པ་དང་། གླེགས་བམ་དུ་འདྲི་བ་དང་། གཞན་དག་ལ་རྒྱས་པར་སྟོན་ཅིང་འཆད་པ་དང་། ཡང་དག་པའི་བརྩོན་
D239.065.0229a04.01འགྲུས་ཀྱིས་ནན་ཏན་བྱེད་པ་དང་། དེ་བཞིན་གཤེགས་པས་བསྟན་པའི་རང་སངས་རྒྱས་ཀྱི་ཐེག་པ་དང་ལྡན་པའི་ཆོས་ལ་ཀློག་པ་དང་། འདོན་པ་དང་། ཉན་པ་དང་། གླེགས་བམ་དུ་འདྲི་བ་དང་། གཞན་དག་ལ་རྒྱས་པར་སྟོན་ཅིང་འཆད་པ་དང་། ཡང་དག་པའི་བརྩོན་འགྲུས་ཀྱིས་
D239.065.0229a05.01ནན་ཏན་དུ་སྤྱོད་དོ། །དེ་བཞིན་གཤེགས་པས་བསྟན་པའི་ཐེག་པ་ཆེན་པོ་དང་ལྡན་པའི་ཆོས་ལ་བརྩོན་འགྲུས་སུ་ཀློག་པ་དང་། འདོན་པ་དང་། ཉན་པ་དང་། གླེགས་བམ་དུ་འདྲི་བ་དང་། གཞན་ལ་ཡང་རྒྱས་པར་སྟོན་ཅིང་འཆད་པ་དང་། ཡང་དག་པའི་བརྩོན་འགྲུས་ཀྱིས་ནན་ཏན་བྱེད་
D239.065.0229a06.01པ་སྟེ། འཕགས་པའི་ཟག་པ་མེད་པའི་ལམ་གྱི་ཡན་ལག་ཚོལ་བ་མ་ཡིན། འཕགས་པའི་ལམ་ཚོལ་བ་མ་ཡིན། འཕགས་པའི་ལམ་དུ་གཏོགས་པའི་རྣམ་པར་གྲོལ་བ་ཚོལ་བ་མ་ཡིན། རབ་ཏུ་ཞི་བ་ཡང་དག་པའི་ཤེས་རབ་ལ་ནན་ཏན་བྱེད་པ་མ་ཡིན་ཏེ། རྟག་ཏུ་ལྟ་
D239.065.0229a07.01