完整藏文原文 · 德格版页 当前仅加载第 65 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
བུའི་ཡེ་ཤེས་ཀྱི་ཉི་མས་ཕྱིན་ཅི་ལོག་བཞིའི་མུན་པ་ཡོངས་སུ་བསལ་ཏེ། འདས་པའི་དུས་ཀྱི་སྡིག་པ་མི་དགེ་བའི་ལས་ཀྱི་ལྷག་མས་གཉེར་ཏེ་ངན་འགྲོ་མནར་མེད་པ་དང་། གཞན་ཡང་སྲིད་པ་དང་འགྲོ་བ་རྣམས་སུ་འཁོར་བར་འཁོར་བའི་ལས་ཐམས་ཅད་ལྷག་མ་མ་ལུས་
D239.065.0237a01.01པར་ཡོངས་སུ་སེལ་ཏེ། རྣམ་པར་སྨིན་པའི་འབྲས་བུ་མྱོང་བར་མི་བྱེད་དོ། །གཞན་ཡང་དེའི་དབང་གིས་སངས་རྒྱས་ཀྱི་ཆོས་རྣམས་ལ་དབང་ཐོབ་པ་དང་། ཕྱིར་མི་ལྡོག་པར་འགྱུར་ཏེ། སྡིག་པའི་གྲོགས་པོའི་དབང་དུ་མི་འགྲོ་ཞིང་རྗེས་སུ་མི་སྤྱོད་པ་དང་། རྟག་ཏུ་སངས་རྒྱས་མཐོང་
D239.065.0237a02.01བ་དང་མི་འབྲལ་བ་དང་། བྱང་ཆུབ་སེམས་དཔའ་དང་། ཉན་ཐོས་ཀྱི་ཉེ་གནས་མཐོང་བ་དང་མི་འབྲལ་བ་དང་། ཆོས་ཐོས་པ་དང་མི་འབྲལ་བ་དང་། དགེ་འདུན་ལ་མཆོད་པ་དང་བསྙེན་བཀུར་བྱེད་པ་དང་མི་འབྲལ་བ་དང་། ཡོན་ཏན་ཐམས་ཅད་ལ་སེམས་མི་ངོམས་པ་ནས་བྱང་
D239.065.0237a03.01ཆུབ་ཀྱི་བར་དུ་རྒྱུན་མི་འཆད་དེ། རྟག་ཏུ་སངས་རྒྱས་རྗེས་སུ་དྲན་པ་དང་མི་འབྲལ་བ་ནི་ཆུང་ངུ་ན་རྨི་ལམ་དུ་ཡང་བར་ཆད་མེད་པར་འགྱུར་རོ། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཚིག་སོ་སོ་ཡང་དག་པར་རིག་པས་ནམ་མཁའི་དབྱིངས་དང་མཉམ་པ།
D239.065.0237a04.01ཚད་མེད་པ། མཐའ་ཡས་པ། ཡངས་ཤིང་རྒྱ་ཆེ་བ་དང་ལྡན་པས་ཇི་སྙེད་སངས་རྒྱས་ཀྱི་ཆོས་ཐམས་ཅད་དེ། ཏིང་ངེ་འཛིན་རྣམས་དང་། གཟུངས་རྣམས་དང་། ཤིན་ཏུ་བརྟན་པའི་བཟོད་པའི་གོ་ཆ་ཆེན་པོའི་འཁོར་ལོ་འདྲེན་པར་འགྱུར་ཞེ་ན། འདི་ལྟ་སྟེ། བྱང་ཆུབ་སེམས་
D239.065.0237a05.01དཔའ་རྣམས་བསམ་གཏན་དང་པོ་ནས་བསམ་གཏན་བཞི་པའི་བར་དུ་སྙོམས་པར་འཇུག་པ་དང་། ནམ་མཁའ་མཐའ་ཡས་སྐྱེ་མཆེད་ནས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་དུ་སྙོམས་པར་འཇུག་པ་དང་། འདུ་ཤེས་དང་ཚོར་བ་འགོག་པའི་ཏིང་ངེ་འཛིན་ལ་སྙོམས་པར་
D239.065.0237a06.01འཇུག་པའི་ཏིང་ངེ་འཛིན་འདི་ལ་གནས་ན་ཚོར་བ་རྣམ་གསུམ་དང་། འདུ་བྱེད་གསུམ་པོ་ཡོངས་སུ་བཅད་དེ། མངོན་པར་འདུ་བྱེད་པ་དང་། གཡོ་བའི་སེམས་ཀྱི་སྤྱོད་པ་མེད་པ། ཚོར་བ་དང་། འདུ་ཤེས་དང་། སེམས་པ་དང་། རིག་པ་དང་། ཡིད་ལ་བྱེད་པ་ལ་སོགས་པ་ཀུན་
D239.065.0237a07.01