完整藏文原文 · 德格版页 当前仅加载第 65 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་དང་། རང་སངས་རྒྱས་ནི། བདག་འབའ་ཞིག་གི་ཕུང་པོའི་ཉོན་མོངས་པའི་བག་ཆགས་ཀྱི་རྒྱུན་ལྷག་མ་མ་ལུས་པར་གཅད་པའི་ཕྱིར། གཞན་ལ་ཆོས་སྟོན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི། སྙིང་
D239.065.0188a01.01རྗེ་ཆེན་པོའི་འབྲས་བུ་བསྒྲུབ་པའི་ཕྱིར། སྙིང་རྗེ་ཆེན་པོས་རྒྱུ་བྱས་ཏེ། གཞན་ལ་ཆོས་སྟོན་ཏོ། །ཉན་ཐོས་དང་། རང་སངས་རྒྱས་ནི། སྙིང་རྗེ་ཆེན་པོའི་འབྲས་བུའི་ཕྱིར་སྙིང་རྗེ་ཆེན་པོས་རྒྱུ་བྱས་ཏེ། གཞན་ལ་ཆོས་སྟོན་པ་མ་ཡིན་ནོ། །
D239.065.0188a02.01བྱང་ཆུབ་སེམས་དཔའ་སེམས་དཔའ་ཆེན་པོ་ནི། སེམས་ཅན་ཐམས་ཅད་ལ་དམིགས་ཏེ། གཞན་ལ་ཆོས་སྟོན་ཏོ། །ཉན་ཐོས་དང་། རང་སངས་རྒྱས་ནི། སེམས་ཅན་རྣམས་ལ་དམིགས་པ་མེད་པར་གཞན་ལ་ཆོས་སྟོན་ཏོ། །བྱང་ཆུབ་
D239.065.0188a03.01སེམས་དཔའ་སེམས་དཔའ་ཆེན་པོ་ནི། སེམས་ཅན་ཐམས་ཅད་ཀྱི་སྡུག་བསྔལ་ཞི་བར་བྱ་བའི་ཕྱིར། གཞན་ལ་ཆོས་སྟོན་ཏོ། །ཉན་ཐོས་དང་། རང་སངས་རྒྱས་ནི། བདག་འབའ་ཞིག་གི་སྡུག་བསྔལ་ཞི་བར་བྱ་བའི་ཕྱིར། གཞན་ལ་ཆོས་
D239.065.0188a04.01སྟོན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི། སེམས་ཅན་ཐམས་ཅད་ལ་ཆོས་ཀྱི་རོས་ཁྱབ་པར་བྱ་བའི་ཕྱིར། གཞན་ལ་ཆོས་སྟོན་ཏོ། །ཉན་ཐོས་དང་། རང་སངས་རྒྱས་ནི། བདག་འབའ་ཞིག་ལ་ཆོས་ཀྱི་རོས་ཁྱབ་པར་བྱ་བའི་
D239.065.0188a05.01ཕྱིར། གཞན་ལ་ཆོས་སྟོན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི། སེམས་ཅན་ཐམས་ཅད་རྒྱལ་བའི་ཆོས་ཀྱི་འོད་ཐོབ་པར་བྱ་བའི་ཕྱིར། གཞན་ལ་ཆོས་སྟོན་ཏོ། །ཉན་ཐོས་དང་། རང་སངས་རྒྱས་ནི། བདག་འབའ་ཞིག་
D239.065.0188a06.01རྒྱལ་བའི་ཆོས་ཀྱི་འོད་ཐོབ་པར་བྱ་བའི་ཕྱིར། གཞན་ལ་ཆོས་སྟོན་ཏོ། །རིགས་ཀྱི་བུ་མདོར་ན། བྱང་ཆུབ་སེམས་དཔའ་སེམས་དཔའ་ཆེན་པོ་ནི། སྡོམ་པ་ཚད་མེད་པས། སེམས་ཅན་ཐམས་ཅད་ཀྱི་མ་རིག་པའི་མུན་པ་ཆེན་པོ་ཡོངས་སུ་
D239.065.0188a07.01