完整藏文原文 · 德格版页 当前仅加载第 65 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། རྒྱལ་པོ་དེ་ལ་དེ་བཞིན་དུ་གསོལ་ཏོ། །རྒྱལ་པོས་དེ་སྐད་ཅེས་ཐོས་ནས་དངངས་ཏེ་ངོ་མཚར་རྨད་དུ་གྱུར་ནས། མི་ཡོངས་ལ་དེང་ཕྱིན་ཆད་དཀོན་མཆོག་གསུམ་ལ་བསྟི་སྟང་གྱིས་ཤིག་པར་བཀས་བཏགས་སོ། །དེའི་རྒྱུ་དེའི་རྐྱེན་གྱིས་སྲོག་གཅོད་པ་ཡང་སྤངས་ཏེ་འཛམ་བུའི་གླིང་
D239.065.0156b01.01ལ་དབང་བྱེད་པར་གྱུར་ཏོ། །ལྟོས་རིགས་ཀྱི་བུ་དེ་ལྟར་འདས་པའི་དུས་ན་བལ་གླང་རྨིས་པ་བྱོལ་སོང་གི་སྐྱེ་གནས་སུ་གྱུར་པ་ཡང་ཆོས་གོས་ལ་གུས་པས་སྡིག་མི་བྱེད་ན། མ་འོངས་པའི་དུས་ན་རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་། ཚོང་དཔོན་དང་། དགེ་
D239.065.0156b02.01སྦྱོང་དང་། བྲམ་ཟེ་གདོལ་པ་ཅན་ལ་སོགས་པ་སེམས་གདུག་པ་ཅན་སྙིང་རྗེའི་སེམས་མེད་པ། བལ་གླང་རྨིས་པ་བས་ཐུ་བའི་སྡིག་པའི་ལས་བྱེད་དོ། །བུས་པ་གླེན་པ་ཅན་དེ་དག་ངའི་བསྟན་པ་ལ་རབ་ཏུ་བྱུང་བ་ཆོས་ཀྱི་སྣོད་དུ་གྱུར་པའམ། ཆོས་ཀྱི་སྣོད་མ་ཡིན་པའང་རུང་། སྐྲ་
D239.065.0156b03.01དང་ཁ་སྤུ་བྲེགས་ཏེ་གོས་ངུར་སྨྲིག་གྱོན་པ་ལ་དད་པ་དང་གུས་པ་མི་བྱེད་དེ། དེ་ལ་གནོད་པ་དང་། གཤེ་ཞིང་སྤྱོ་བ་དང་། གཞུ་ཞིང་འཚོག་པ་དང་། བཙོན་ར་ར་གཞུག་པ་དང་། འཚོ་བའི་དབང་པོ་དང་ཕྲལ་བའི་བར་དུ་བྱེད་པས་འདས་པ་དང་། མ་འོངས་པ་དང་། ད་ལྟར་བཞུགས་
D239.065.0156b04.01པའི་སངས་རྒྱས་བཅོམ་ལྡན་འདས་ཐམས་ཅད་ཀྱིས་བསྟན་པའི་ཁ་ན་མ་ཐོ་བ་ཆེན་པོ་དང་འགལ་བར་བྱེད་པས་དགེ་བའི་རྩ་བ་བསྲེགས་ནས་རྒྱུན་གཅད་པས་གདོན་མི་ཟ་བར་མཚམས་མེད་པའི་སེམས་ཅན་དམྱལ་བ་ཆེན་པོར་ལྟུང་བར་འགྱུར་བས་མཁས་པ་རྣམས་ཀྱིས་སྤང་བར་བྱའོ། །གལ་ཏེ་རྒྱལ་
D239.065.0156b05.01རིགས་གདོལ་པ་ཅན་ནས་དགེ་སྦྱོང་དང་། བྲམ་ཟེ་གདོལ་པ་ཅན་གྱི་བར་དུ་སྡིག་པའི་འཁོར་ལོ་གསུམ་པོ་འདི་དང་ལྡན་པས། དེའི་རྒྱུ་དེའི་རྐྱེན་གྱིས་ཡུལ་སྲུང་བའི་ལྷ་དང་། ཀླུ་དང་། གནོད་སྦྱིན་ལ་སོགས་པ་དཀོན་མཆོག་གསུམ་ལ་བསམ་པ་དག་ཅིང་དད་པ་མི་ཕྱེད་པ་ཐམས་ཅད་རྒྱལ་
D239.065.0156b06.01རིགས་གདོལ་པ་ཅན་ནས་དགེ་སྦྱོང་དང་། བྲམ་ཟེ་གདོལ་པ་ཅན་གྱི་བར་དུ་གདོལ་པ་དེ་དག་ལ་ཁྲོ་ཞིང་ཞེ་སྡང་བའི་སེམས་སྐྱེ་བ་ནས་གཞུང་དེ་བཞིན་དུ་རྒྱས་པར་རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་། ཚོང་དཔོན་དང་། དགེ་སྦྱོང་དང་། བྲམ་ཟེ་ལ་སོགས་
D239.065.0156b07.01