完整藏文原文 · 德格版页 当前仅加载第 65 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འཆི་བ་དང་། གང་ནི་རྒས་འཁོགས་ཏེ་འཆི་བ་པ་དང་། གང་ནི་དར་ལ་བབ་སྟེ་འཆི་བ་དང་། གང་ནི་གཞོན་ནུ་བྱིས་པའི་ཚེ་འཆི་བ་དང་། གང་ནི་དགེ་བའི་ལས་རྣམ་པ་མང་པོ་བྱས་ནས་འཆི་བ་དང་། གང་ནི་མི་དགེ་བའི་ལས་རྣམ་པ་མང་པོ་བྱས་ཏེ་
D239.065.0132a01.01འཆི་བ་དག་ཀྱང་རབ་ཏུ་ཤེས་སོ། །སེམས་ཅན་གང་ནི་དགེ་བ་སྤྱད་པའི་རྒྱུས་ཤི་ནའང་མཐོ་རིས་སུ་སྐྱེ་བར་འགྱུར་བའང་ཤེས་ཏེ། སེམས་ཅན་གང་ནི་མི་དགེ་བ་སྤྱད་པའི་རྒྱུས་ཚེ་འཕོས་ནས་ངན་སོང་དུ་སྐྱེ་བར་འགྱུར་བའང་རབ་ཏུ་ཤེས་སོ། །དེ་ལྟར་དངོས་པོ་དེ་དག་ཀུན་རབ་ཏུ་
D239.065.0132a02.01ཤེས་པས་འདི་སྙམ་དུ་བདག་ཀྱང་བརྩོན་པའི་སྦྱོར་བ་ལ་ལུས་དགེ་བ་དང་། ངག་དགེ་བ་དང་། ཡིད་དགེ་བ་ལ་སྤྱོད་པ་ལ་ཤིན་ཏུ་བརྩོན་པར་བྱའོ་སྙམ་དུ་སེམས་སོ། །བདག་གིས་ཐབས་རྣམ་པ་སྣ་ཚོགས་ཀྱིས་སྦྱིན་པ་ལ་གོམས་པར་བྱ་བ་དང་། ཞི་ཞིང་དུལ་བར་བྱ་སྟེ་ཚེ་འཕོས་
D239.065.0132a03.01ནས་གནས་བཟང་པོར་སྐྱེ་བར་བྱའི་ངན་སོང་དུ་ལྟུང་བར་མི་བྱའོ་སྙམ་དུ་སེམས་སོ། །དེ་ལྟར་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་དེ་ལྟ་བུའི་དངོས་པོ་བསམས་ནས་ཤིན་ཏུ་འབད་པའི་བརྩོན་འགྲུས་ཀྱིས་ལུས་དང་ངག་དང་ཡིད་གསུམ་གྱིས་དགེ་བ་
D239.065.0132a04.01སྤྱོད་པ་ལས་ཤིན་ཏུ་རྩོལ་ཏེ། རྟག་ཏུ་སྦྱིན་པ་སྤྱོད་པ་ནི་འདི་ལྟ་སྟེ། ཟས་དང་། སྐོམ་དང་། གོས་དང་། བལ་གླང་དང་། རྟ་དང་། བཞོན་པའི་ཐེག་པ་དང་། མལ་ཆ་དང་། ནད་ཀྱི་གསོས་སྨན་དང་། ཁང་ཁྱིམ་དང་། མར་མེ་དང་། སྒྲོན་མ་དང་། དེ་མ་ཡིན་པ་འཚོ་བའི་ཡོ་བྱད་
D239.065.0132a05.01ཐམས་ཅད་དང་། བྲན་དང་ལས་བྱེད་པའི་མི་དང་། གཞན་ཡང་རིན་པོ་ཆེ་དང་། ནོར་དབྱིག་རྣམ་པ་སྣ་ཚོགས་དང་། མགོ་དང་། མིག་དང་། ལག་པ་དང་། རྐང་པ་ནས་ལུས་དང་། སྲོག་གི་བར་དུ་ཕངས་པ་མེད་པར་ཐམས་ཅད་གཏོང་ངོ་། །སྲོག་གཅོད་པ་ཡོངས་སུ་སྤོང་བ་ནས་
D239.065.0132a06.01མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། {བརྫུན་,རྫུན་}དུ་སྨྲ་བ་དང་། ངག་རྩུབ་པོར་སྨྲ་བ་དང་། ཚིག་ཀྱལ་པ་དང་། ཕྲ་མ་དང་། འདོད་ཆགས་དང་། ཞེ་སྡང་དང་། ལོག་པར་ལྟ་བའི་བར་དུ་ཡོངས་སུ་སྤོང་ངོ་། །དེའི་རྒྱུ་དེའི་རྐྱེན་གྱིས་རྒྱལ་རིགས་རྒྱལ་
D239.065.0132a07.01