完整藏文原文 · 德格版页 当前仅加载第 65 函德格 175b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་ཕན་པ་དང་བདེ་བའི་དོན་གྱི་ཕྱིར་ཐེག་པ་གསུམ་གྱི་དམ་པའི་ཆོས་ལས་རྣམ་པར་ཕྱེ་སྟེ་བཤད་དོ། །དེ་ལྟ་བས་ན་དེ་ལ་འཕྱ་ཞིང་སྐུར་པ་དང་། བར་ཆད་དང་། བགེགས་དང་། ཆུང་ངུ་ན་ཚིགས་སུ་བཅད་པ་གཅིག་ཙམ་ཡང་འཆབ་པར་མི་བྱའོ། །དེ་
D239.065.0175b01.01ལ་རྟག་ཏུ་བཀུར་སྟི་དང་བཅས་པས་ཀློག་པ་དང་། འདོན་པ་དང་ཉན་པར་ཤིན་ཏུ་བརྟན་པའི་ཡི་དམ་བཅའོ། །རིགས་ཀྱི་བུ་འདི་ལྟར་ཐེག་པ་གསུམ་པོའི་དམ་པའི་ཆོས་འདི་ནི་འདས་པ་དང་། མ་འོངས་པ་དང་། ད་ལྟར་བཞུགས་པའི་སངས་རྒྱས་བཅོམ་ལྡན་འདས་
D239.065.0175b02.01ཀླུང་གང་གཱའི་བྱེ་མ་དང་མཉམ་པ་ཐམས་ཅད་ཀྱིས་འཐུན་པར་གསུངས་ཏེ། བྱིན་གྱི་རླབས་ཀྱིས་ཐམས་ཅད་བྱིན་གྱིས་རློབ་བོ། །སེམས་ཅན་ཐམས་ཅད་འཁོར་བའི་སྡུག་བསྔལ་ཆེན་པོ་ལས་གདོན་ཅིང་བསྒྲལ་བ་དང་། དཀོན་མཆོག་གསུམ་གྱི་གདུང་རྒྱུན་མི་
D239.065.0175b03.01འཆད་པར་བྱ་བའི་ཕྱིར་ཡོངས་སུ་གཟུང་བ་ཡིན་ནོ། །དེ་བས་ན་ཐེག་པ་གསུམ་གྱི་དམ་པའི་ཆོས་ལ་ཐམས་ཅད་ཀྱིས་དད་ཅིང་བཀུར་སྟི་བྱའི། དེ་ལ་འཕྱ་ཞིང་སྐུར་པ་འདེབས་པ་དང་། བར་ཆད་དང་། བགེགས་མི་བྱ་སྟེ། ཐེག་པ་གསུམ་གྱི་དམ་པའི་ཆོས་ལས་
D239.065.0175b04.01ཚིགས་སུ་བཅད་པ་གཅིག་ཙམ་མེད་པར་བྱས་ན་གདོན་མི་ཟ་བར་མཚམས་མེད་པའི་སེམས་ཅན་དམྱལ་བར་ལྟུང་བར་འགྱུར་རོ། །རིགས་ཀྱི་བུ་གཞན་ཡང་མ་འོངས་པའི་དུས་ན་སངས་རྒྱས་ཀྱི་ཞིང་འདིར་རྒྱལ་རིགས་གདོལ་པ་ཅན་དང་། བྲམ་ཟེ་གདོལ་པ་ཅན་དང་།
D239.065.0175b05.01བློན་པོ་གདོལ་པ་ཅན་དང་། ཁྱིམ་བདག་གདོལ་པ་ཅན་དང་། དགེ་སྦྱོང་གདོལ་པ་ཅན་དང་། ཚོང་དཔོན་གདོལ་པ་ཅན་དང་། རྗེའུ་རིགས་དང་དམངས་རིགས་གདོལ་པ་ཅན་གྱི་སྐྱེས་པའམ། བུད་མེད་དེ་དག་གཡོ་དང་སྒྱུས་འཚོ་ཞིང་གླེན་པ་གཏི་མུག་ཅན་ཅུང་ཟད་
D239.065.0175b06.01ཙམ་གྱི་ཤེས་པ་སྙེམས་པ། རང་བཞིན་གྱིས་གཏུམ་པ་ཁྲོ་བ། སྤྲོ་ཐུང་བ་བརླང་བ། འཇིག་རྟེན་ཕྱི་མའི་སྡུག་བསྔལ་གྱི་འབྲས་བུ་ལ་འཇིགས་པར་མི་ལྟ་བ། སྲོག་གཅོད་པ་ལ་དགའ་བ་ནས་ལོག་པར་ལྟ་བ་དང་། སེར་སྣ་དང་། ཕྲག་དོག་དང་། འཇུངས་
D239.065.0175b07.01