完整藏文原文 · 德格版页 当前仅加载第 65 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
བསལ་བ་དང་། འཇིགས་པའི་དངོས་པོ་ཆེན་པོ་དང་། གནོད་པར་འགྱུར་བ་ཐམས་ཅད་ཡོངས་སུ་བསལ་ཏེ། འོད་ཀྱི་སྣང་བ་ཆེན་པོ་འཐོབ་པ་དང་། གྲགས་པ་ཆེན་པོ་འཐོབ་པ་དང་། ཡང་དག་པ་ཇི་ལྟ་བ་བཞིན་དུ་ཐམས་ཅད་མཁྱེན་པའི་ཡེ་
D239.065.0188b01.01ཤེས་རྟོགས་པར་བྱ་བའི་ཕྱིར། གཞན་ལ་ཆོས་སྟོན་ཏོ། །ཉན་ཐོས་དང་། རང་སངས་རྒྱས་ནི། སྡོམ་པ་ཅུང་ཟད་ཀྱིས་བདག་གི་མ་རིག་པའི་མུན་པ་བསལ་བ་དང་། འོད་སྣང་བ་ཅུང་ཟད་འཐོབ་པ་དང་། གྲགས་པ་ཅུང་ཟད་འཐོབ་པ་དང་།
D239.065.0188b02.01ཡང་དག་པ་ཇི་ལྟ་བ་བཞིན་དུ། ཆོས་ཆུད་པའི་ཡེ་ཤེས་ཅུང་ཟད་རྟོགས་པར་བྱ་བའི་ཕྱིར། གཞན་ལ་ཆོས་སྟོན་ཏོ། །རིགས་ཀྱི་བུ་ཉན་ཐོས་དང་། རང་སངས་རྒྱས་ནི། གཞན་ལ་ཡང་དག་པར་དམིགས་པ་མེད་དོ། །གཞན་ལ་ཡང་དག་པར་
D239.065.0188b03.01སྙིང་རྗེ་བ་མེད་དོ། །གཞན་ལ་ཡང་དག་པར་མི་བརྙས་པའི་སེམས་མེད་དོ། །གཞན་ལ་ཡང་དག་པར་ཕན་པ་དང་བདེ་བར་བྱ་བའི་སེམས་མེད་དོ། །གཞན་ལ་ཡང་དག་པར་དཀྲོལ་ཞིང་སྒྲོལ་བའི་སེམས་མེད་དོ། །གཞན་ལ་ཡང་དག་པར་འདེག་པའི་
D239.065.0188b04.01སེམས་མེད་དོ། །གཞན་ལ་ཡང་དག་པར་བསྔགས་ཤིང་བསྟོད་པའི་སེམས་མེད་དོ། །ཕ་རོལ་ལ་ཡང་དག་པར་གཡོ་དང་སྒྱུ་མེད་པར་བསྟོད་པ་མ་ཡིན་ནོ། །གཞན་ལ་ཡང་དག་པར་བདག་གི་ལུས་ལ་མི་ལྟ་ཞིང་། གཞན་གྱི་ཕན་པ་དང་བདེ་བ་
D239.065.0188b05.01སྒྲུབ་པ་མ་ཡིན་ནོ། །གཞན་ལ་ཡང་དག་པར་ལུས་དང་། ངག་དང་། ཡིད་ཀྱི་ལས་མི་ཉམས་པ་མ་ཡིན་ནོ། །རིགས་ཀྱི་བུ་ཐེག་པ་ཆེན་པོ་ལ་གནས་པ་ནི། ཅི་ཡང་བདག་གིར་དམིགས་པ་གང་ཡང་ཡང་དག་པར་མེད་པ་ནས། དེ་བཞིན་དུ་
D239.065.0188b06.01རྒྱས་པར་ཕ་རོལ་ལ་ལུས་དང་། ངག་དང་། ཡིད་ཀྱི་ལས་གཞན་ལ་གནོད་པ་སྐྱེད་པ་གང་ཡང་མེད་དོ།། །།བམ་པོ་བདུན་པ། རིགས་ཀྱི་བུ་གཞན་ཡང་། སེམས་ཅན་གང་རང་བཞིན་གྱིས་གདུག་པ། ཚིག་བརླང་
D239.065.0188b07.01