完整藏文原文 · 德格版页 当前仅加载第 65 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བཟོད་པས་སེམས་རབ་ཏུ་བརྒྱན་པ། བཙུན་མོ་དམ་པའི་སྲས་ཐུ་བོར་གྱུར་པ། སྤོས་དམ་པ་རྣམ་པ་སྣ་ཚོགས་རྣམ་པར་དག་པའི་ཆུས་ལུས་བཀྲུས་ནས། རིན་པོ་ཆེས་བརྒྱན་པའི་གོས་དམ་པ་སྤོས་ཀྱིས་བདུགས་པ་རྣམ་པ་སྣ་ཚོགས་གྱོན་ཞིང་། ནོར་བུ་རིན་པོ་ཆེ་སྤྱི་
D239.065.0120a01.01བོའི་གཙུག་ཕུད་ལ་བཏགས་པ། རིན་པོ་ཆེའི་མེ་ཏོག་གི་ཕྲེང་བས་བརྒྱན་པའི་གསེར་གྱི་ཅོད་པན་མགོ་ལ་ཐོགས་པ། རབ་ཏུ་ཡང་ལ་འཇམ་པའི་དར་གྱིས་བཅིངས་པ། གཞན་ཡང་ནོར་བུ་རིན་པོ་ཆེ་དང་། མུ་ཏིག་དང་། གསེར་དང་། དངུལ་ལ་སོགས་པ་རིན་པོ་ཆེ་རྣམ་པ་སྣ་ཚོགས་ལས་
D239.065.0120a02.01བྱས་པའི་རྣ་ཆ་དང་། སེ་མོ་དོ་དང་། དཔུང་རྒྱན་དང་། གདུ་བུ་ལ་སོགས་པ་ཐོགས་པ། རིན་པོ་ཆེ་རྣམ་པ་སྣ་ཚོགས་ལས་བྱས་པའི་ལྷམ་གྱིས་རྐང་པ་བཏེག་པ། རིན་པོ་ཆེ་རྣམ་པ་སྣ་ཚོགས་ལས་བྱས་པའི་གདུགས་ཀྱིས་སྟེང་གི་བླ་རེས་བྲེས་པ། སྔོན་ལྷ་དང་དྲང་སྲོང་ཐམས་ཅད་ཀྱིས་
D239.065.0120a03.01བསྲུང་ཞིང་འཛིན་པའི་ཁྲི་བཤམས་པ། བརྒྱ་བྱིན་ལ་སོགས་པ་ཐམས་ཅད་ཀྱིས་བསྲུང་ཞིང་སྐྱོབ་པ། བཟོ་ཤིན་ཏུ་མཁས་པས་ལས་སུ་བྱས་པའི་གཞལ་མེད་ཁང་ཆེན་པོར་སྔོན་རྒྱལ་པོ་སྔ་མ་འདུག་འདུག་པའི་ཁྲི་ལ་བཞག་ནས་རྒྱལ་པོར་བཅུག་གོ། །རྒྱལ་སར་ཞུགས་ནས་ལྷའི་དབང་པོ་
D239.065.0120a04.01དང་། ཀླུའི་དབང་པོ་དང་། གནོད་སྦྱིན་གྱི་དབང་པོ་དང་། ལྷ་མ་ཡིན་གྱི་དབང་པོ་དང་། གྲུལ་བུམ་གྱི་དབང་པོས་བསྲུང་ཞིང་འཛིན་པའི་དྲིལ་བུ་དང་། རྔ་ཆེན་པོ་བརྡུངས་ནས་དེའི་སྒྲས་ཡུལ་ཁམས་ཀུན་དུ་གྲགས་པར་གྱུར་ཏེ། རྒྱལ་རིགས་ལ་སོགས་པ་རིགས་ཆེན་པོ་བཞི་ལ་གཏོགས་
D239.065.0120a05.01པའི་མི་ཚད་མེད་པ་སྙེད་ལུས་ཡང་དག་པར་བཀྲུས་ནས་གོས་གཙང་མ་གྱོན་ཏེ། ལག་ན་རྣམ་པ་སྣ་ཚོགས་ཀྱི་རིན་པོ་ཆེའི་གདུགས་དང་། རྒྱལ་མཚན་དང་། བ་དན་དང་། ནོར་བུ་རིན་པོ་ཆེ་དང་། མུ་ཏིག་དང་། གསེར་དང་། དངུལ་དང་། དུང་དང་། མན་ཤེལ་དང་། བྱི་རུ་དང་། བཻ་དཱུརྱ་
D239.065.0120a06.01ལ་སོགས་པ་ཚད་མེད་པ་སྙེད་ཐོགས་ཏེ་རྒྱལ་པོ་དེ་ལ་ཕུལ་ལོ། །གཞན་ཡང་རིགས་མཐོ་ཞིང་བཙུན་པ་ཚངས་པར་སྤྱོད་པ། ཐོས་པ་དང་ལྡན་ཞིང་ཤེས་པ་ཆེ་བའི་བྲམ་ཟེ་ཐམས་ཅད་ཀྱིས་ཀྱང་ཚིགས་སུ་བཅད་པས་བསྟོད་པ་དང་། གླུ་དང་དབྱངས་དམ་པ་ཚད་མེད་པ་སྙེད་ཀྱིས་རྒྱལ་པོ་དེ་ལ་
D239.065.0120a07.01