完整藏文原文 · 德格版页 当前仅加载第 65 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ལྟ་བུ་དང་། སྨིག་རྒྱུ་བ་ལྟ་བུ་དང་། ཆུའི་ཟླ་བ་ལྟ་བུ་དང་། རྨི་ལམ་ལྟ་བུ་སྟོང་པ་ཅི་ཡང་མེད་པ། མཚན་མ་མེད་པ། སྨོན་པ་མེད་པ། བྱས་པ་མེད་པ། མ་བྱུང་བ། མ་སྐྱེས་པ། གཟུགས་མེད་པ། ཞི་བ་དང་། དབེན་པ་དང་། བྱུང་བ་དང་། སྐྱེ་བའི་གནས་མེད་པར་རྟོགས་སོ། །དེ་ལྟར་
D239.065.0123b01.01ཉེ་བར་ལེན་པའི་ཕུང་པོ་ལྔ་ལ་ཤིན་ཏུ་བརྟགས་པས་སྟོང་པ་ཉིད་དང་རྗེས་སུ་འཐུན་པའི་བཟོད་པ་དང་། མཚན་མ་མེད་པའི་རྗེས་སུ་འཐུན་པའི་བཟོད་པ་དང་། སྨོན་པ་མེད་པའི་རྗེས་སུ་འཐུན་པའི་བཟོད་པ་ལ་ཕྱོགས་སོ། །ཡང་ཉེ་བར་ལེན་པའི་ཕུང་པོ་ལྔ་ལ་རྗེས་སུ་བརྟག་པར་བྱ་བའི་ཕྱིར་གཞན་
D239.065.0123b02.01ཡང་ཐབས་མཁས་པས་དབུགས་ཕྱི་ནང་དུ་རྒྱུ་བ་ལ་རྟོག་སྟེ་ནང་དུ་རྒྱུ་བ་དང་། ཕྱིར་རྒྱུ་བའི་དྲན་པ་གོམས་པར་བྱེད་དོ། །དེ་ལ་ཇི་ལྟར་ན་དྲན་པའི་དབང་གིས་ཡང་དག་པ་ཇི་ལྟ་བ་བཞིན་དུ་དབུགས་ཕྱི་ནང་དུ་རྒྱུ་བ་ལ་རྟོག་ཅེ་ན། ཡང་དག་པ་ཇི་ལྟ་བ་བཞིན་དུ་བགྲང་བ་དང་། རྗེས་སུ་འབྲང་
D239.065.0123b03.01བ་དང་། ཞི་གནས་དང་། ལྷག་མཐོང་དང་། འཇུག་པ་དང་། ཡོངས་སུ་དག་པ་ལ་རྟོག་གོ། །དེ་ལ་བགྲང་བས་ནི་ལས་ཀྱི་དངོས་པོ་རྣམ་པ་གཉིས་བྱེད་པར་འགྱུར་ཏེ། རྟེན་དུ་གྱུར་པས་རྣམ་པར་རྟོག་པ་དང་། རྣམ་པར་དཔྱོད་པ་རྣམས་ཐུལ་བ་དང་། དབུགས་ཕྱི་ནང་དུ་རྒྱུ་བའི་
D239.065.0123b04.01མཚན་ཉིད་འཛིན་པར་ནུས་པའོ། །རྗེས་སུ་འབྲང་བས་ཀྱང་ལས་ཀྱི་དངོས་པོ་རྣམ་པ་གཉིས་བྱེད་པར་འགྱུར་ཏེ། ཡང་དག་པར་འབྱུང་བ་ལ་རྟེན་ཅིང་རྣམ་པར་རྟོག་པ་དང་། རྣམ་པར་དཔྱོད་པ་དང་བྲལ་བ་དང་། དབུགས་ཕྱི་ནང་དུ་རྒྱུ་བའི་འཇུག་པའི་མཚན་ཉིད་ལ་མཁས་པར་གྱུར་
D239.065.0123b05.01པའོ། །ཞི་གནས་ཀྱིས་ཀྱང་ལས་ཀྱི་དངོས་པོ་རྣམ་པ་གཉིས་བྱེད་པར་འགྱུར་ཏེ། དབུགས་ཕྱི་ནང་དུ་རྒྱུ་བ་བྲི་བར་མངོན་དུ་སྟོན་པ་དང་། ཏིང་ངེ་འཛིན་གྱི་མཆོག་ལ་གནས་པར་ནུས་པའོ། །ལྷག་མཐོང་གིས་ཀྱང་ལས་ཀྱི་དངོས་པོ་རྣམ་པ་གཉིས་བྱེད་པར་འགྱུར་ཏེ། དབུགས་ཕྱི་
D239.065.0123b06.01ནང་དུ་རྒྱུ་བ་ཟད་པར་མངོན་དུ་སྟོན་པ་དང་། སེམས་དང་སེམས་ལས་བྱུང་བའི་ཆོས་སོ་སོར་རྟོགས་པ་ལ་གནས་པའོ། །འཇུག་པས་ཀྱང་ལས་ཀྱི་དངོས་པོ་རྣམ་པ་གཉིས་བྱེད་པར་འགྱུར་ཏེ། ཉེ་བར་ལེན་པའི་ཕུང་པོ་སྤོང་བའི་སྦྱོར་བ་ལ་མཁས་པ་དང་། འཕགས་པའི་སར་འཇུག་
D239.065.0123b07.01