完整藏文原文 · 德格版页 当前仅加载第 65 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་ཏེ་མཆོད་པ་བྱས་ན། དེ་ཀུན་འདོད་ཆགས་ལ་སོགས་པ་དང་བྲལ་ཏེ་ལུས་དང་སེམས་རབ་ཏུ་བདེ་བ་དང་སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །
D239.065.0111a01.01གནས་གང་དག་ན་སེམས་ཅན་གང་དག་མེས་ཚིག་པར་གྱུར་པའམ། ཆུས་ཁྱེར་བའམ། རླུང་གིས་ཁྱེར་བའམ། རྦབ་ཏུ་ལྷུང་བའམ། ཤིང་ཀའམ། ཁང་ཐོག་ནས་ལྷུང་སྟེ་སེམས་དངངས་ཤིང་འཁུམས་པར་གྱུར་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་
D239.065.0111a02.01ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་པས་མཆོད་པ་བྱས་ན། དེ་ཀུན་མི་བདེ་བའི་བགེགས་དང་། གཡང་ས་དེ་དག་ཐམས་ཅད་ལས་ཐར་ཏེ་སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །
D239.065.0111a03.01གནས་གང་དག་ན་སེམས་ཅན་གང་དག་སྦྲུལ་གདུག་པའམ། གཅན་གཟན་གདུག་པས་ཟིན་ཏམ། དུག་རྣམ་པ་སྣ་ཚོགས་ཀྱིས་ཕོག་པར་གྱུར་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་བསྟི་སྟང་
D239.065.0111a04.01དང་བཅས་པས་མཆོད་པ་བྱས་ན། དེ་ཀུན་འཚེ་ཞིང་གནོད་པ་ཐམས་ཅད་དང་བྲལ་ཏེ་སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །གནས་གང་དག་ན་སེམས་ཅན་གང་འབྱུང་པོའི་གདོན་གྱིས་བཏབ་སྟེ། རྟག་པའི་རིམས་དང་།
D239.065.0111a05.01ཞག་གཅིག་པ་དང་། ཞག་གཉིས་པ་དང་། ཞག་གསུམ་པ་དང་། ཞག་བཞི་པ་དང་། སྨྱོས་ནས་ལུས་དང་སེམས་འདར་ཞིང་འཁྲུགས་ཏེ། དྲན་པ་ཉམས་ཤིང་ཤེས་པ་མེད་པར་གྱུར་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་
D239.065.0111a06.01མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་པས་མཆོད་པ་བྱས་ན། དེ་ཀུན་འཇིགས་པ་ལས་རྣམ་པར་གྲོལ་ཏེ་ལུས་དང་སེམས་རབ་ཏུ་བདེ་བ་དང་སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །གནས་གང་
D239.065.0111a07.01