完整藏文原文 · 德格版页 当前仅加载第 65 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་མི་དེ་མཐོང་ནས་གཡས་ནས་བསྐོར་ཏེ། བསྟི་སྟང་དང་བཅས་པས་ཕྱག་བྱས་ནས་ཐལ་མོ་སྦྱར་ཏེ་ཚིགས་སུ་བཅད་པས་འདི་སྐད་ཅེས་སྨྲས་སོ། །དྲང་སྲོང་ཆེན་པོའི་རྒྱལ་མཚན་ན་བཟའ་འདི། །མཁས་པ་ཐམས་ཅད་ཤིན་ཏུ་བསྟོད་ཅིང་བསྔགས། །གང་ཞིག་
D239.065.0155a01.01འདི་ལ་མཆོད་པ་བྱེད་པ་ནི། །སྲིད་པའི་བཅིངས་པ་ཀུན་ལས་ངེས་པར་འགྲོལ། །དེའི་ཚེ་སྲིན་མོ་དེའི་བུ་རྣམས་ཀྱིས་མ་ལ་འདི་སྐད་ཅེས་སྨྲས་སོ། །མི་འདིའི་ལུས་ཀྱི་ཤ་དང་ཁྲག་ཀུན་ནི། །རྒྱལ་པོ་ཆེན་པོས་བདག་ཅག་རྣམས་ལ་བསྔོས། །བདག་ཅག་འདི་ལ་ཟ་ཞིང་འཐུང་དུ་གནོང་། །མཐུ་
D239.065.0155a02.01དང་ལྡན་ནས་མ་ཡི་གཡོག་ཀྱང་བགྱི། །དེ་ནས་སྲིན་མོས་བུ་རྣམས་ལ་འདི་སྐད་ཅེས་སྨྲས་སོ། །ཆོས་གོས་བཏགས་པ་གྱོན་པ་འདི་དག་ནི། །ཁྱོད་ཀྱིས་བཟའ་བའི་རིགས་པ་མ་ཡིན་གྱིས། །འདི་ལ་མི་དགེ་སྡིག་པའི་སེམས་བསྐྱེད་ན། །སྡུག་བསྔལ་ཆེན་པོའི་སྣོད་དུ་གྱུར་ཏ་རེ། །དེ་ནས་
D239.065.0155a03.01སྲིན་མོའི་བུ་རྣམས་འཁོར་དང་བཅས་པས་བསྐོར་ནས་བསྟི་སྟང་དང་བཅས་པས་ཕྱག་འཚལ་ཏེ་ཐལ་མོ་སྦྱར་ནས་ཚིགས་སུ་བཅད་དེ་སྨྲས་པ། ཁྱོད་ནི་དྲང་སྲོང་ཆེན་པོའི་གོས་གྱོན་ཏེ། །ཤིན་ཏུ་བསོད་ནམས་ཞིང་དུ་གྱུར་པ་ཡིན། །དེ་བས་བདག་ཅག་ཁྱོད་ལ་མཆོད་པས་ན། །སྲིད་
D239.065.0155a04.01པའི་བཅིངས་པ་ལས་ནི་ཐར་བར་ཤོག །དེའི་ཚེ་ན་ཡང་སྲིན་མོ་ཆེན་མོ་མཚོན་ཆའི་གདོང་ཞེས་བྱ་བ་ཡང་འཁོར་ལྔ་སྟོང་དང་བཅས་ཏེ་དུར་ཁྲོད་དེར་ལྷགས་སོ། །སྲིན་མོ་དེས་ཀྱང་མི་དེ་བཅིང་བ་ལྔས་བཅིངས་པ་སྐྲ་དང་ཁ་སྤུ་བྲེགས་པ་ཆོས་གོས་ཀྱི་ཚལ་བུ་མགུལ་དུ་བཏགས་པ་མཐོང་ནས་
D239.065.0155a05.01བསྐོར་ཏེ་བསྟི་སྟང་དང་བཅས་པས་ཕྱག་འཚལ་ནས་ཐལ་མོ་སྦྱར་ཏེ་ཚིགས་སུ་བཅད་པས་འདི་སྐད་ཅེས་སྨྲས་སོ། །ཁྱོད་ནི་བཏགས་པའི་ཆོས་གོས་གྱོན་པས་ན། །མྱ་ངན་འདའ་བའི་བདེ་བ་ཐོབ་ཏུ་ངེས། །དེ་བས་ཁྱོད་ལ་བདག་ཅག་གནོད་བྱེད་ན། །སངས་རྒྱས་ཀུན་གྱིས་རྣམ་པར་སྨོད་
D239.065.0155a06.01ཀྱིས་དོགས། །དེ་ནས་སྲིན་མོ་དེའི་བུ་རྣམས་ཀྱིས་མ་ལ་འདི་སྐད་ཅེས་སྨྲས་སོ། །བདག་ཅག་རྟག་ཏུ་མི་ཡི་མདངས་འཕྲོག་ཅིང་། །དེ་བཞིན་ཤ་དང་ཁྲག་ཀྱང་ཟ་འཐུང་བས། །གཟུགས་དང་མཐུ་ནི་ཡོངས་སུ་འཕེལ་བའི་ཕྱིར། །བདག་ཅག་འདི་ལ་ཅི་བདེར་འཚལ་དུ་གནོང་། །
D239.065.0155a07.01