完整藏文原文 · 德格版页 当前仅加载第 65 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་སེམས་དཔའ་ཆེན་པོ་རྣམས་འབའ་ཞིག་གིས་ནན་ཏན་བྱེད་ནུས་པར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི་སེམས་ཅན་ཐམས་ཅད་ལ་ཕན་པ་དང་བདེ་བའི་དོན་དུ། བརྩོན་འགྲུས་ཀྱི་སྦྱོར་བས་ཆོས་ལ་དམིགས་པའི་བྱམས་པ་འདི་ལ་ནན་ཏན་བྱེད་དོ། །བྱང་ཆུབ་སེམས་
D239.065.0233b01.01དཔའ་སེམས་དཔའ་ཆེན་པོ་ནི་སེམས་ཅན་ཐམས་ཅད་ཡོངས་སུ་མྱ་ངན་ལས་བཟླ་བ་དང་། ཀུན་ནས་ཉོན་མོངས་པ་ཡོངས་སུ་གཅད་པའི་ཕྱིར་ཤིན་ཏུ་འབད་པའི་བརྩོན་འགྲུས་ཀྱིས་ཆོས་ལ་དམིགས་པའི་བྱམས་པ་ལ་ནན་ཏན་བྱེད་དོ། །དེ་བས་ན་བྱམས་པ་འདི་ནི་བྱམས་པ་ཆེན་པོའི་གོ་ཆ་ཆེན་
D239.065.0233b02.01པོ་ཞེས་བྱའོ། །གཞན་ཡང་བྱང་ཆུབ་སེམས་དཔའ་ཆོས་ལ་དམིགས་པའི་བྱམས་པ་ལ་ནན་ཏན་བྱེད་པ་ནི་ཕུང་པོ་ལ་མི་གནས། སྐྱེ་མཆེད་ལ་མི་གནས། ཁམས་ལ་མི་གནས། དྲན་པ་ཉེ་བར་གཞག་པ་རྣམས་ལ་མི་གནས་པ་ནས་བྱང་ཆུབ་ཀྱི་ལམ་གྱི་ཡན་ལག་གི་བར་དུ་མི་གནས་སོ། །
D239.065.0233b03.01འདོད་པའི་ཁམས་ལ་མི་གནས། གཟུགས་ཀྱི་ཁམས་ལ་མི་གནས། གཟུགས་མེད་པའི་ཁམས་ལ་མི་གནས། འཇིག་རྟེན་འདི་ལ་མི་གནས་འཇིག་རྟེན་ཕ་རོལ་ལ་མི་གནས། ཚུ་རོལ་གྱི་མུ་ལ་མི་གནས། ཕ་རོལ་གྱི་མུ་ལ་མི་གནས། དམིགས་པ་ལ་མི་གནས། མི་དམིགས་
D239.065.0233b04.01པ་ལ་མི་གནས་ཏེ། དེ་ལྟར་བྱང་ཆུབ་སེམས་དཔའ་ཆོས་ལ་དམིགས་པའི་བྱམས་པ་ལ་ནན་ཏན་བྱེད་པས་ཉན་ཐོས་དང་། རང་སངས་རྒྱས་ཐམས་ཅད་ཀྱི་ཐེག་པའི་ས་ལས་ཤིན་ཏུ་འདས་ཏེ། དེ་ནི་བྱང་ཆུབ་སེམས་དཔའི་ཆོས་ལ་དམིགས་པའི་བྱམས་པ་ཆེན་པོའི་གོ་ཆ་ཆེན་པོའི་འཁོར་ལོ་ཞེས་
D239.065.0233b05.01བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་བྱམས་པ་ཆེན་པོའི་གོ་ཆ་ཆེན་པོའི་འཁོར་ལོ་འདི་དང་ལྡན་ན་ཐོག་མ་སེམས་བསྐྱེད་ནས་འདོད་པ་རྣམ་པ་ལྔ་ཡོངས་སུ་བསལ་ཏེ། ཉན་ཐོས་དང་། རང་སངས་རྒྱས་ཐམས་ཅད་ལས་ཤིན་ཏུ་འདས་པ། ཉན་ཐོས་དང་། རང་
D239.065.0233b06.01སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་དུ་འགྱུར་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། སྲུང་བ་དང་། བསྙེན་བཀུར་བྱ་བར་འགྱུར་རོ། །དེ་ནས་བཅོམ་ལྡན་འདས་ཀྱིས་དོན་འདི་དག་གསལ་བར་བཟླས་པའི་ཕྱིར་ཚིགས་སུ་བཅད་
D239.065.0233b07.01