完整藏文原文 · 德格版页 当前仅加载第 65 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་བསྐྱེད་ནས་འདོད་པ་ལྔ་ཡོངས་སུ་བསལ་བའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བྱའོ། །ཉན་ཐོས་དང་། རང་སངས་རྒྱས་ཀྱི་ས་ལས་ཤིན་ཏུ་འདས་ཤིང་ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་བ་དང་།
D239.065.0230a01.01ཉན་ཐོས་དང་། རང་སངས་རྒྱས་ཐམས་ཅད་ཀྱི་མཆོད་པ་དང་། བསྲུང་བ་དང་། བསྙེན་བཀུར་བྱ་བའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐབས་མཁས་པའི་གོ་ཆ་ཆེན་པོའི་འཁོར་ལོ་ཡོད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་གང་
D239.065.0230a02.01འཁོར་ལོ་འདི་དང་ལྡན་ན་ཐོག་མ་སེམས་བསྐྱེད་ནས་འདོད་པ་ལྔ་ཡོངས་སུ་བསལ་ཏེ། ཉན་ཐོས་དང་། རང་སངས་རྒྱས་ཐམས་ཅད་ལས་ཤིན་ཏུ་འདས་ནས་ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་བ་དང་། ཉན་ཐོས་དང་། རང་སངས་རྒྱས་
D239.065.0230a03.01ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། སྲུང་བ་དང་། བསྙེན་བཀུར་བྱེད་པར་འགྱུར་རོ། །དེ་ལ་ཇི་ལྟར་ན། ཐབས་མཁས་པའི་གོ་ཆ་ཆེན་པོའི་འཁོར་ལོ་ཞེ་ན། རིགས་ཀྱི་བུ་བྱང་ཆུབ་སེམས་དཔའི་ཐབས་མཁས་པ་ལ་རྣམ་པ་གཉིས་ཏེ། འཇིག་རྟེན་པ་དང་། འཇིག་རྟེན་
D239.065.0230a04.01ལས་འདས་པའོ། །དེ་ལ་ཇི་ལྟར་ན་བྱང་ཆུབ་སེམས་དཔའི་འཇིག་རྟེན་པའི་ཐབས་མཁས་པ་ཡིན་ཞེ་ན། འདི་ལྟ་སྟེ། བྱང་ཆུབ་སེམས་དཔའ་རྣམས་བདག་གི་དོན་ནམ་གཞན་གྱི་དོན་ནམ། གཉི་གའི་དོན་ལ་བདག་དང་གཞན་དུ་རྟོག་ཅིང་བཟོ་དང་སྒྱུ་རྩལ་རྣམ་པ་སྣ་ཚོགས་ཀྱིས་
D239.065.0230a05.01བདག་དང་གཞན་གྱི་དོན་ཡོངས་སུ་བསྒྲུབ་པའི་ཕྱིར་སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔའ་དང་། རང་སངས་རྒྱས་དང་། ཉན་ཐོས་ལ་མཆོད་པ་དང་། བསྙེན་བཀུར་བྱེད་པ་དང་། ཕ་དང་། མ་དང་། ནད་པ་དང་། ཉམ་ཐག་པ་དང་། མགོན་དང་རྟེན་མེད་པ་དང་།
D239.065.0230a06.01གནོད་པ་མང་པོས་སྡུག་བསྔལ་བར་གྱུར་པ་མཐོང་ན་ཤིན་ཏུ་ཐབས་མཁས་པས་སྒྲོལ་ཞིང་བསྡུ་བའི་དངོས་པོ་རྣམས་ཞེས་སེམས་ཅན་ཡོངས་སུ་སྨིན་པར་བྱེད་དོ། །བྱང་ཆུབ་སེམས་དཔའ་དེ་བདག་ཐེག་པ་ཆེན་པོ་ལ་གནས་པས་ཉན་ཐོས་ཀྱི་ཐེག་པ་པ་དང་། རང་སངས་རྒྱས་ཀྱི་ཐེག་པ་
D239.065.0230a07.01