完整藏文原文 · 德格版页 当前仅加载第 65 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་རྩ་བའི་སྡིག་ཀྱང་ཡིན་ལ་མཚམས་མེད་པ་མ་ཡིན་པ་ཡང་ཡོད་དོ། །ལ་ལ་ནི་མཚམས་མེད་པ་ཡིན་ལ་རྩ་བའི་སྡིག་པ་མ་ཡིན་པ་ཡང་ཡོད་དོ། །ལ་ལ་ནི་རྩ་བའི་སྡིག་ཀྱང་ཡིན་ལ་མཚམས་མེད་པའི་སྡིག་ཀྱང་ཡིན་པ་ཡོད་དོ། །ལ་ལ་ནི་རྩ་བའི་སྡིག་ཀྱང་མ་ཡིན་ལ་མཚམས་མེད་པ་ཡང་མ་ཡིན་
D239.065.0142a01.01པ་ཡོད་དོ། །དེ་ལ་ཇི་ལྟར་ན་རྩ་བའི་སྡིག་ཀྱང་ཡིན་ལ་མཚམས་མེད་པ་ཡང་ཡིན་པ་གང་ཞེ་ན། འདི་ལྟ་སྟེ། ངའི་བསྟན་པ་ལ་རབ་ཏུ་བྱུང་ནས་བསྙེན་པར་རྫོགས་པ་ལ་ཆེད་དུ་བསམས་ཏེ་བདེན་པ་མཐོང་བའི་ཕ་རོལ་ཏུ་ཕྱིན་པའི་གང་ཟག་བསད་པ་སྟེ། འདི་ནི་རྩ་
D239.065.0142a02.01བའི་སྡིག་ཀྱང་ཡིན་ལ་མཚམས་མེད་པ་ཡང་ཡིན་པས་ངས་བསྟན་པའི་འདུལ་བའི་ཆོས་ལས་མྱུར་དུ་བསྐྲད་དགོས་སོ། །དེ་ལ་ཇི་ལྟར་ན་རྩ་བའི་སྡིག་ནི་ཡིན་ལ་མཚམས་མེད་པ་མ་ཡིན་པ་ཞེ་ན། འདི་ལྟ་སྟེ་ངའི་བསྟན་པ་ལ་རབ་ཏུ་བྱུང་ནས་བསྙེན་པར་རྫོགས་པ་ལ་ཆེད་དུ་བསམས་ཏེ། གང་
D239.065.0142a03.01ཟག་ཕ་རོལ་པོ་གཞན་གྱི་སྲོག་བཅད་པ་དང་། ཆུང་ངུ་ན་དུག་བྱིན་པས་མངལ་ན་འདུག་པ་བསད་པ་སྟེ། དེ་དག་ནི་རྩ་བའི་སྡིག་ཡིན་ལ་མཚམས་མེད་པ་ནི་མ་ཡིན་ནོ། །གང་ཟག་དེ་དགེ་འདུན་དང་ཞག་ཏུ་ལྷན་ཅིག་ཏུ་གནས་ཤིང་ལོངས་སྤྱོད་དང་། ཕྱོགས་བཞིའི་དགེ་འདུན་གྱི་ནོར་ལ་སྤྱོད་དུ་མི་
D239.065.0142a04.01གནང་ངོ་། །དེ་ལ་ཇི་ལྟར་ན་མཚམས་མེད་པ་ནི་ཡིན་ལ་རྩ་བའི་སྡིག་མ་ཡིན་པ་གང་ཞེ་ན། འདི་ལྟ་སྟེ། གང་ཟག་གང་ཞིག་དཀོན་མཆོག་གསུམ་ལ་སྐྱབས་སུ་སོང་ངམ། ཁྲིམས་ལྔ་འཛིན་ཏམ། ཁྲིམས་བཅུ་འཛིན་པ་དག་མཚམས་མེད་པ་ལྔ་ལས་གཅིག་ཙམ་བྱས་པ་དག་ནི་
D239.065.0142a05.01མཚམས་མེད་པའི་སྡིག་ཡིན་ལ་རྩ་བའི་སྡིག་མ་ཡིན་པ་ཞེས་བྱའོ། །གང་ཟག་དེ་ནི་རབ་ཏུ་དབྱུང་ཞིང་བསྙེན་པར་རྫོགས་སུ་མི་རུང་སྟེ། གལ་ཏེ་རབ་ཏུ་ཕྱུང་ངམ་བསྙེན་པར་རྫོགས་པ་བྱིན་ན། དེའི་སློབ་དཔོན་སྡིག་པ་དང་བཅས་པ་ཡིན་ཏེ། ངའི་བསྟན་པ་ལས་བསྐྲད་པར་བྱའོ། །དེ་ལ་ཇི་ལྟར་ན་
D239.065.0142a06.01རྩ་བའི་སྡིག་ཀྱང་མ་ཡིན་ལ་མཚམས་མེད་པ་ཡང་མ་ཡིན་པ་ཞེ་ན། འདི་ལྟ་སྟེ། གང་ཟག་གང་ཞིག་དཀོན་མཆོག་གསུམ་ལ་སྐྱབས་སུ་སོང་ངམ། ཁྲིམས་ལྔ་བཟུང་བ་ལས་སངས་རྒྱས་དང་། ཆོས་དང་། དགེ་འདུན་ལ་ཐེ་ཙོམ་ཟ་བའི་སེམས་སྐྱེ་སྟེ། མུ་སྟེགས་ཅན་ལ་སྐྱབས་སུ་སོང་ནས་སྟོན་པའི་སློབ་
D239.065.0142a07.01