完整藏文原文 · 德格版页 当前仅加载第 65 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་བཅུག་གོ། །སེམས་ཅན་གང་དཔའ་བར་འགྲོ་བའི་ཏིང་ངེ་འཛིན་གྱི་བར་བསྒོམས་པས་ཉོན་མོངས་པའི་ནད་ཞི་བར་འོས་པ་ཞིག་ན། དེ་ལ་དཔའ་བར་འགྲོ་བའི་ཏིང་ངེ་འཛིན་གྱི་སྨན་སྒོམ་དུ་བཅུག་གོ། །དེ་བས་ན་དེ་བཞིན་གཤེགས་པས་སེམས་ཅན་དག་ལ་དེ་ལྟ་བུའི་ཆོས་ཀྱི་སྨན་གྱི་སྦྱིན་པ་
D239.065.0130b01.01མཛད་དོ། །སྣོད་དུ་གྱུར་པའི་སེམས་ཅན་ཐམས་ཅད་བདུད་རྣམ་བཞིའི་དབང་དུ་འགྱུར་བར་མི་མཛད་དོ། །སྣོད་དུ་གྱུར་པའི་སེམས་ཅན་ཐམས་ཅད་ལྷ་དང་མིའི་ཐེག་པ་ལ་རྒྱབ་ཀྱིས་ཕྱོགས་ཤིང་ངན་སོང་དུ་གཞོལ་བར་མི་མཛད་དོ། །དེ་བཞིན་གཤེགས་པ་བླ་ན་མེད་པའི་ཆོས་ཀྱི་སྨན་དང་།
D239.065.0130b02.01དཀོན་མཆོག་གསུམ་གྱི་གདུང་མྱུར་དུ་མེད་པར་འགྱུར་བར་མི་མཛད་དེ། དེ་ལྟར་ན་དེ་བཞིན་གཤེགས་པས་སེམས་ཅན་རྣམས་ལ་དེ་ལྟ་བུའི་ཆོས་ཀྱི་སྨན་གྱི་སྦྱིན་པ་མཛད་དོ། །རིགས་ཀྱི་བུ་དེ་བཞིན་གཤེགས་པ་དེ་ལྟ་བུའི་སངས་རྒྱས་ཀྱི་འཁོར་ལོ་བདུན་པ་དང་ལྡན་ཏེ། འཁོར་ལོ་དེའི་
D239.065.0130b03.01དབང་གིས་བླ་ན་མེད་པ་ཀུན་དུ་འགྲོ་བའི་ཡེ་ཤེས་ཀྱི་སྤྱོད་པས་སེམས་ཅན་ཐམས་ཅད་ལ་ཆོས་ཀྱི་སྨན་རྣམ་པ་སྣ་ཚོགས་བྱིན་པ་དེ་སྒོམ་དུ་བཙུད་ན་ཉོན་མོངས་པའི་ནད་ཀུན་ཞི་ཞིང་འཇིགས་པ་མེད་པ་ལ་བདེ་བར་གནས་པར་འགྱུར་རོ། །འཇིགས་པ་མེད་པས་ང་ནི་དྲང་སྲོང་ཆེན་པོའི་གནས་སུ་
D239.065.0130b04.01བཞུགས་ཏེ་སངས་རྒྱས་ཀྱི་འཁོར་ལོ་བསྐོར་ནས་ལྷ་དང་བདུད་དུ་བཅས་པའི་མུ་སྟེགས་ཅན་ལོག་པར་སྨྲ་བ་ཐམས་ཅད་བཏུལ་ཏེ། འཁོར་མང་པོའི་དཀྱིལ་འཁོར་དུ་སེང་གེའི་སྒྲ་སྒྲོགས་སོ། །རིགས་ཀྱི་བུ་འདི་ལྟ་སྟེ། རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་
D239.065.0130b05.01པོ་ཆེན་པོ་བདག་དང་གཞན་གྱི་རིགས་དང་། ཐོག་མ་བཙས་པ་དང་། གཞོན་ནུའི་ཚེ་རྩེ་བ་ལ་སོགས་པ་ཐམས་ཅད་ལ་དྲན་པ་མངོན་པར་བཞག་ཞེས་སེམས་སོ། །འདི་ལྟ་སྟེ། གནས་གང་དུ་ཐོག་མ་བཙས་པ་དང་། ཁྲུས་བྱས་པ་དང་། པང་དུ་བླངས་ཤིང་ནུ་ཞོ་བསྣུན་པ་དང་ལུས་
D239.065.0130b06.01དང་ཡན་ལག་གི་ཚོགས་མཉེས་པ་དང་། དགའ་བཞིན་དུ་རྩེ་བ་དང་། ས་དང་བྱེ་མ་ལ་རྩེ་བ་དང་། འཁོར་དང་བཅས་ཏེ་བག་མེད་པ་རྣམ་པ་མང་པོས་རྩེ་བ་དང་། རྩལ་སྦྱོང་བ་དང་། དེ་མ་ཡིན་པའི་ལས་རྣམ་པ་གཞན་བྱེད་པ་དང་། རྒྱལ་པོ་གཞན་གྱི་ཡུལ་དུ་རྒྱུ་ཞིང་འགྲོ་བ་
D239.065.0130b07.01