完整藏文原文 · 德格版页 当前仅加载第 65 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པ་དང་། བར་བར་ནི་ངས་བསྟན་པ་ལ་རབ་ཏུ་བྱུང་བ་ཆོས་ཀྱི་སྣོད་དང་། ཆོས་ཀྱི་སྣོད་མ་ཡིན་པ་ལ་ཞེ་སྡང་སྐྱེད་ཅིང་གཤེ་བ་དང་། སྤྱོ་བ་དང་། སྨོད་པ་དང་། ཚིག་རྣམ་པ་སྣ་ཚོགས་ཀྱིས་གནོད་པར་གླགས་ལྟ་སྟེ། འཕྱ་ཞིང་སྐུར་པ་དང་། ཡོན་ཏན་བཅས་ནས་ཉེས་པ་
D239.065.0197b01.01བསྒྲགས་ཏེ། དེ་བཞིན་དུ་སྨོད་པའི་སེམས་ཀྱིས་འཚེ་བ་དང་། གནོད་པ་རྣམ་པ་སྣ་ཚོགས་བྱེད་དོ། །དེ་ལྟར་གང་ཟག་འཕགས་པའི་ཆོས་ཀྱི་སྣོད་དུ་མ་གྱུར་པ་དེ་ཡང་ཡང་དག་པར་གླེན་ཞིང་གཏི་མུག་གི་རང་བཞིན་ཅན་ཡིན་ཏེ། {ཆུང་ཟད་,ཅུང་ཟད་}ཙམ་གྱིས་ཤེས་པ་སྙེམས་
D239.065.0197b02.01པའི་ང་རྒྱལ་ཅན་དེ་འདི་ནས་ཚེ་འཕོས་མ་ཐག་ཏུ་ངན་སོང་གསུམ་དུ་ལྷུང་སྟེ། ཚད་མེད་པ་སྙེད་ཀྱིས་ཤིན་ཏུ་མི་བཟད་པའི་སྡུག་བསྔལ་ཆེན་པོ་མྱོང་བར་འགྱུར་རོ། །བསྐལ་པ་ཚད་མེད་པ་བྱེ་བ་ཁྲག་ཁྲིག་བརྒྱ་སྟོང་གི་བར་དུ་མིའི་ལུས་ཐོབ་པར་དཀའ་བ་ནས་དེ་བཞིན་དུ་རྒྱས་པར་གོང་
D239.065.0197b03.01དུ་བཤད་པ་བཞིན་ནོ། །རིགས་ཀྱི་བུ་སེམས་ཅན་དེ་མཚམས་མེད་པའི་སེམས་ཅན་དམྱལ་བ་ཆེན་པོ་ན་འདུག་སྟེ། སྡུག་བསྔལ་ཆེན་པོ་མྱོང་ཡང་སླའི་དེ་ལྟ་བུའི་ལུས་སྡིག་པ་ཅན་ང་རྒྱལ་གྱིས་མངོན་པར་ཟིན་པ། སྡིག་པའི་བཤེས་གཉེན་གྱི་རྗེས་སུ་འབྲང་ཞིང་།
D239.065.0197b04.01མི་དགེ་བའི་ལས་བྱེད་པ་ལས་འཁོར་བར་འཁོར་ཏེ། ཤིན་ཏུ་བསྒྲལ་དཀའ་བ་རྟག་ཏུ་འཁོར་བར་སྡུག་བསྔལ་གྱིས་གདུངས་པར་གྱུར་པ་ནི་མ་ཡིན་ནོ། །དེའི་ཚེ་འཁོར་གྱི་དཀྱིལ་འཁོར་དེའི་ནང་ན་བློ་གྲོས་ཆེན་པོ་ཅན་གྱི་སེམས་ཅན་ཚད་མེད་གྲངས་མེད་པ་སྙེད་སྟན་ལས་ལངས་
D239.065.0197b05.01ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་ཏེ་མཆི་མ་བླགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འདི་ལྟར་འཇིག་རྟེན་གྱི་སེམས་ཅན་འདི་དག་མིའི་ལུས་ཤིན་ཏུ་
D239.065.0197b06.01ཐོབ་པར་དཀའ་བ་རྙེད་ཀྱང་དད་པ་ཡོངས་སུ་སྤོང་ངོ་། །ཡང་དག་པའི་སྨོན་ལམ་ཡོངས་སུ་སྤོང་ངོ་། །ཡང་དག་པའི་མོས་པ་དང་། ཡང་དག་པའི་ལྟ་བ་ཡོངས་སུ་སྤོང་ངོ་། །དགེ་བའི་བཤེས་གཉེན་ཡོངས་སུ་སྤོང་ངོ་། །དུས་བཟང་པོ་དང་། གནས་བཟང་པོ་དང་། ཚུལ་ཁྲིམས་
D239.065.0197b07.01