完整藏文原文 · 德格版页 当前仅加载第 65 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
སྲུང་ལ་སོགས་པའི་སྲས་ཡང་དག་པ་བསྐལ་པ་བཟང་པོ་འདིར་མངོན་པར་འཚང་རྒྱ་བ། བྱང་ཆུབ་སེམས་དཔའ་ཐམས་ཅད་ཀྱི་ནང་ན་གཙོ་བོར་གྱུར་པ། ཡོན་ཏན་རྣམ་པ་སྣ་ཚོགས་ཀྱི་སྤོས་ཅན། ཞི་གནས་དང་ལྷག་མཐོང་གི་ཆུ་ཡོངས་སུ་དག་པས་ཁྲུས་བྱས་པ། ཁྲེལ་བ་དང་
D239.065.0121b01.01འཛེམ་པའི་གོས་གྱོན་པ། རྣམ་པར་དག་པའི་ཆོས་ཀྱི་དབྱིངས་གཙུག་གི་ནོར་བུར་ཐོགས་པ། སངས་རྒྱས་ཐམས་ཅད་ཀྱི་སྤྱོད་ཡུལ་རྒྱ་ཆེན་པོའི་མེ་ཏོག་གི་ཕྲེང་བའི་ཅོད་པན་ཐོགས་པ། རྣམ་པར་གྲོལ་བའི་སྲད་བུས་བཅིངས་པ། གཞན་ཡང་རྣམ་པ་ཐམས་ཅད་མཁྱེན་པའི་ཡེ་
D239.065.0121b02.01ཤེས་དང་། མི་སྐྱེ་བའི་བཟོད་པ་ལ་སོགས་པ་ཡོན་ཏན་གྱི་རིན་པོ་ཆེ་ས་ཡོངས་སུ་བརྒྱན་པ། བྱམས་པ་ཆེན་པོ་དང་། སྙིང་རྗེ་དང་། དགའ་བ་དང་། བཏང་སྙོམས་ཀྱི་ལྷམ་རིན་པོ་ཆེ་གྱོན་པ། ཁམས་གསུམ་ཡོངས་སུ་ཁེབས་པའི་སྤྱོད་པ་རྣམ་གསུམ་གྱིས་འཕགས་པའི་
D239.065.0121b03.01རྒྱུ་ཡོངས་སུ་རྫོགས་པར་འགྱུར་བའི་གདུགས་ཀྱིས་བཀབ་པ། སྔོན་གྱི་སངས་རྒྱས་དང་། ལྷ་དང་། དྲང་སྲོང་གིས་ཡོངས་སུ་བཟུང་བའི་རྡོ་རྗེ་ལྟ་བུའི་ཏིང་ངེ་འཛིན་གྱི་གདན་བཤམས་པ། ཉན་ཐོས་དང་། རང་སངས་རྒྱས་ཐམས་ཅད་ཀྱིས་བཀུར་སྟི་དང་བཅས་ཏེ་ཡོངས་སུ་བཟུང་བའི་དྲན་
D239.065.0121b04.01པ་ཉེ་བར་གཞག་པ་བཞི་ལ་བཞུགས་པ། སྔོན་གྱི་སངས་རྒྱས་ཐམས་ཅད་ཀྱིས་བཏིང་བའི་གདན་ལ་བཞུགས་ནས་བླ་ན་མེད་པའི་བྱང་ཆུབ་ཏུ་མངོན་པར་སངས་རྒྱས་སོ། །ཐམས་ཅད་མཁྱེན་པའི་ཡེ་ཤེས་སུ་གྱུར་པ་དཀོན་མཆོག་གསུམ་གྱི་གདུང་མི་གཅད་པའི་ཕྱིར་ཆོས་ཀྱི་འཁོར་
D239.065.0121b05.01ལོ་བསྐོར་ཏོ། །ཆོས་ཀྱི་རྔ་རབ་ཏུ་བརྡུངས་ནས་ཁམས་གསུམ་ཀུན་དུ་ཆོས་ཀྱི་སྒྲ་བསྒྲགས་ཏེ། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། གྲུལ་བུམ་དང་། འབྱུང་པོ་དང་། ཤ་ཟ་དང་།
D239.065.0121b06.01སྲུལ་པོ་དང་། ལུས་སྲུལ་པོ་དང་། མི་དང་མི་མ་ཡིན་པ་ལ་སོགས་པ་ཐམས་ཅད་འཕགས་པའི་བདེན་པ་བཞིས་གྲོལ་བར་བྱས་སོ། །ཡན་ལག་བཅུ་གཉིས་དང་ལྡན་པའི་ཆོས་ཀྱི་འཁོར་ལོ་གང་འཇིག་རྟེན་དུ་བཅས་པ་དགེ་སྦྱོང་དང་། བྲམ་ཟེ་དང་། ལྷ་དང་། བདུད་དང་། ཚངས་པ་
D239.065.0121b07.01