完整藏文原文 · 德格版页 当前仅加载第 65 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་བསྔལ་ཆེན་པོ་མྱོང་བ་དང་། ཚེ་འཕོས་ནས་གདོན་མི་ཟ་བར་མཚམས་མེད་པའི་སེམས་ཅན་དམྱལ་བར་ལྟུང་ཞིང་ངན་སོང་ཀུན་ཏུ་འཁོར་ལོ་བཞིན་དུ་འཁོར་ལ་སྡུག་བསྔལ་མང་པོ་ལེན་ཏེ་ཐར་བའི་དུས་མེད་དོ། །བསྐལ་པ་བརྒྱ་སྟོང་གི་བར་དུ་ཡང་མིའི་ལུས་
D239.065.0183b01.01ཐོབ་པར་དཀའོ། །གལ་ཏེ་བསྐལ་པ་ཚད་མེད་གྲངས་མེད་པ་འདས་ནས་མིའི་ལུས་ཐོབ་ན་ཡང་སངས་རྒྱས་མི་བཞུགས་པ་རྙོག་པ་ལྔའི་འཇིག་རྟེན་གྱི་ཁམས་སུ་སྐྱེ་སྟེ་དམུས་ལོང་དུ་འགྱུར་བ་དང་། འོན་པ་དང་། ལྐུགས་པ་དང་། ལྕེ་མེད་པ་དང་། ནད་
D239.065.0183b02.01རྣམ་པ་སྣ་ཚོགས་ཀྱིས་གཟིར་བ་དང་། ལུས་ཐུང་ཞིང་མི་སྡུག་པས་ཀུན་གྱི་ཡིད་དུ་མི་འོང་བ་དང་། སྨྲ་མི་མཁས་ཤིང་ཚིག་རྣར་མི་འོང་བ་དང་། སེམས་རྟག་ཏུ་མྱོས་ཤིང་ཅི་ཡང་མི་ཤེས་པ་དང་། དབུལ་ཕོངས་པའི་རིགས་སུ་སྐྱེས་ནས་ཅི་ཡང་མི་རྙེད་པ་དང་། དགེ་
D239.065.0183b03.01བའི་བཤེས་གཉེན་དང་མི་ཕྲད་པ་དང་། སྡིག་པའི་བཤེས་གཉེན་གྱི་རྗེས་སུ་སྡིག་པའི་ལས་བྱེད་པ་ལ་དགའ་བ་དང་། ངན་པར་ལྟ་བ་ལ་ཆགས་ཤིང་། མཚམས་མེད་པའི་སྡིག་པ་བྱེད་པ་ལ་དགའ་བས་ཕྱིར་ཡང་མཚམས་མེད་པའི་སེམས་
D239.065.0183b04.01ཅན་དམྱལ་བར་ལྟུང་བར་འགྱུར་ཏེ། ངན་སོང་ལས་ཤིན་ཏུ་ཐར་བར་དཀའོ། །དེ་ལྟར་གླེན་པ་གཏི་མུག་ཅན་ཆད་པ་དང་། འགོག་པར་སྨྲ་བ་དེས་ངའི་དམ་པའི་ཆོས་མ་རུང་བར་བྱས་ནས་ངའི་སློབ་མ་ཚུལ་ཁྲིམས་སྲུང་བ་དང་། ཚུལ་ཁྲིམས་ཉམས་པ་དང་།
D239.065.0183b05.01ཚུལ་ཁྲིམས་མེད་པ་ལ་ནན་ཏན་གྱིས་ཆད་པས་གཅོད་ཅིང་དགེ་བའི་ཕྱོགས་ལ་བདེ་བར་སྤྱོད་དུ་མི་སྟེར་ཏེ། དེའི་རྒྱུ་དེའི་རྐྱེན་གྱིས་བསྐལ་པ་བརྒྱ་སྟོང་གི་བར་དུ་ངན་སོང་དུ་ལྷུང་ནས་མུན་པ་ནས་མུན་པར་རྒྱུ་སྟེ། ཐར་བའི་དུས་མེད་དོ། །དེ་ལྟར་སེམས་ཅན་དེའི་སྡིག་པ་
D239.065.0183b06.01རྣམ་པར་སྨིན་པ་ནི་ཉན་ཐོས་དང་རང་སངས་རྒྱས་ཀྱི་ཐེག་པའི་ཆོས་མཉན་པ་ལ་ནན་ཏན་མ་བྱས་པར་ཤིན་ཏུ་ཟབ་པ་ཐེག་པ་ཆེན་པོའི་དམ་པའི་ཆོས་ལ་ཉན་ཅིང་ནན་ཏན་བྱེད་པ་ལ་རྩོལ་བའི་ཕྱིར་རོ། །དེ་ལྟར་གླེན་པ་གཏི་མུག་ཅན་ཆད་པར་ལྟ་བར་སྨྲ་བ་དེ་མི་མ་རབས་ཐ་མའི་
D239.065.0183b07.01