完整藏文原文 · 德格版页 当前仅加载第 65 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
ཚད་མེད་དཔག་ཏུ་མེད་པའི་བར་དུ་རྙོག་པ་ལྔའི་ཚེ་དེ་བཞིན་གཤེགས་པ་མི་བཞུགས་པའི་འཇིག་རྟེན་གྱི་ཁམས་སུ་སེམས་ཅན་ཡོངས་སུ་སྨིན་པར་བྱེད་དོ། །ཕྱི་མ་མ་འོངས་པའི་དུས་སུ་འཇིག་རྟེན་གྱི་ཁམས་ལ་ལར་གལ་ཏེ་མཚོན་གྱིས་འཇིགས་པ་བྱུང་སྟེ།
D239.065.0109a01.01སེམས་ཅན་དག་ཡོངས་སུ་གདུངས་པར་གྱུར་པ་ན། རིགས་ཀྱི་བུ་འདི་དེ་ལྟ་བུ་དག་མཐོང་ནས་སྔ་དྲོའི་དུས་ཀྱི་ཚེ་ཏིང་ངེ་འཛིན་རྣམས་ཀྱི་མཐུས་མཚོན་གྱིས་འཇིགས་པ་དེ་དག་ཡོངས་སུ་བཅིལ་ནས་སེམས་ཅན་རྣམས་གཅིག་ལ་གཅིག་བྱམས་པའི་སེམས་ཀྱིས་སྙིང་བརྩེ་བར་
D239.065.0109a02.01བྱེད་དོ། །འཇིག་རྟེན་གྱི་ཁམས་ལ་ལར་ནད་ཀྱིས་འཇིགས་པ་བྱུང་སྟེ། སེམས་ཅན་ཁ་བཏག་པ་ན་རིགས་ཀྱི་བུ་འདིས་དེ་ལྟ་བུ་དག་མཐོང་ནས་སྔ་དྲོའི་དུས་ཀྱི་ཚེ་ཏིང་ངེ་འཛིན་རྣམས་ཀྱི་མཐུས་ནད་ཀྱིས་འཇིགས་པ་ཡོངས་སུ་བཅིལ་ནས་སེམས་ཅན་རྣམས་རབ་ཏུ་བདེ་བ་ཐོབ་པར་
D239.065.0109a03.01བྱེད་དོ། །འཇིག་རྟེན་གྱི་ཁམས་ལ་ལར་གལ་ཏེ་མུ་གེས་འཇིགས་པ་བྱུང་སྟེ་སེམས་ཅན་ཁ་བཏག་པ་ན། རིགས་ཀྱི་བུ་འདིས་དེ་ལྟ་བུ་དག་མཐོང་ནས་སྔ་དྲོའི་དུས་ཀྱི་ཚེ་ཏིང་ངེ་འཛིན་གྱི་མཐུས་མུ་གེས་འཇིགས་པ་ཡོངས་སུ་བཅིལ་ཏེ། སེམས་ཅན་རྣམས་ཁ་ཟས་ཀྱིས་ཡོངས་
D239.065.0109a04.01སུ་ཚིམ་པར་བྱེད་དོ། །རིགས་ཀྱི་བུ་འདིས་དེ་ལྟར་ཏིང་ངེ་འཛིན་མང་པོའི་ཤུགས་ཀྱིས་དེ་ལྟ་བུ་ལ་སོགས་པ་ཚད་མེད་དཔག་ཏུ་མེད། བསམ་གྱིས་མི་ཁྱབ་པའི་ཕན་པ་དང་བདེ་བའི་དོན་གྱིས་སེམས་ཅན་གྱི་དབུགས་འབྱིན་ཏོ། །རིགས་ཀྱི་བུ་འདི་དེ་ལྟར་ནན་ཏན་གྱི་ཁྱད་པར་ཚད་མེད་གྲངས་
D239.065.0109a05.01མེད་པ། བསམ་གྱིས་མི་ཁྱབ་པ་དང་ལྡན་པས་སེམས་ཅན་ཐམས་ཅད་ལ་ཕན་པ་དང་། བདེ་བར་བྱེད་པའི་དོན་ལ་རབ་ཏུ་བརྩོན་པའོ། །སྔོན་འདས་པའི་དུས་ན་སྐྱེ་བོ་མང་པོ་ལ་ཕན་པ་དང་བདེ་བ་དང་ཡོངས་སུ་སྨིན་པར་བྱ་བའི་ཕྱིར་སངས་རྒྱས་བཅོམ་ལྡན་འདས་ཚད་མེད་གྲངས་མེད་
D239.065.0109a06.01པ་གང་གཱའི་ཀླུང་གི་བྱེ་མ་སྙེད་ལས་ཟད་མི་ཤེས་པའི་ཡི་དམ་ཆེན་པོ་བཅས་ཏེ། སྙིང་རྗེ་ཆེན་པོ་དང་མི་འཕྲོགས་པའི་བརྩོན་འགྲུས་ཆེན་པོ་རབ་ཏུ་བསྐྱེད་དོ། །དེ་ལྟར་སྙིང་རྗེ་ཆེན་པོ་དང་མི་འཕྲོགས་པའི་བརྩོན་འགྲུས་བསྐྱེད་དེ་ཟད་མི་ཤེས་པའི་ཡི་དམ་བཅས་པས་གོང་ནས་གོང་དུ་
D239.065.0109a07.01