完整藏文原文 · 德格版页 当前仅加载第 65 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་དང་ཆ་ལུགས་དགེ་འདུན་དང་འདྲ་ཡང་། དགེ་འདུན་རྣམ་པར་དག་པ་སྨེ་བར་བྱེད་དེ། སྲུང་མའི་ལྷས་མ་གླེངས་ཀྱི་བར་དུ་དགེ་འདུན་གྱི་ནང་ན་གནས་ཏེ། སྡིག་པ་ཆེན་པོ་མངོན་སུམ་དུ་མི་སྣང་ན་དེའི་ཚེ་དགེ་འདུན་གྱིས་སྐད་ཅིག་ཞོག་ཤིག །གལ་
D239.065.0147a01.01ཏེ་ལྷ་སྲུང་མས་ཀྱང་བསྐུལ་ལ་དགེ་འདུན་གྱི་ནང་ན་ཉེས་པ་ཆེན་པོ་ཡང་མངོན་སུམ་དུ་སྣང་བར་གྱུར་ན། དེའི་ཚེ་དགེ་འདུན་དད་པ་དྲིས་ཏེ། སངས་རྒྱས་ཀྱི་ཆོས་ལས་ཕྱིར་སྐྲོད་ཅིག །ཨུ་པ་ལི་འདི་ལྟ་སྟེ། རྒྱ་མཚོ་ཆེན་པོར་ནི་རོ་ཞག་ལོན་པར་མི་འཇོག་གོ། །དེ་བཞིན་
D239.065.0147a02.01དུ་ངའི་ཉན་ཐོས་ཀྱི་དགེ་འདུན་གྱི་སློབ་མ་ཡང་ཚུལ་ཁྲིམས་ཉམས་པ། སྡིག་པ་སྤྱོད་པའི་དགེ་སློང་རོ་དང་འདྲ་བ་དང་ལྷན་ཅིག་མི་འགྲོགས་སོ། །ཨུ་པ་ལིས་ཡང་གསོལ་པ། བཅོམ་ལྡན་འདས་གལ་ཏེ་ཚུལ་ཁྲིམས་ཉམས་པ་སྡིག་པ་བྱེད་པའི་དགེ་སློང་དེ་དགེ་འདུན་དད་པ་དྲིས་
D239.065.0147a03.01ཏེ་བསྐྲད་ཀྱང་ནོར་རིན་པོ་ཆེའི་མཐུ་དང་། མང་དུ་ཐོས་པའི་མཐུ་དང་། སྨྲ་བཤགས་ཀྱི་མཐུ་དང་། ཐབས་རྣམ་པ་སྣ་ཚོགས་ཀྱིས་རྒྱལ་པོ་དང་། བློན་པོ་ཆེན་པོ་དགའ་བར་བགྱིས་ཏེ། ཐམས་ཅད་ཚུལ་ཁྲིམས་ངན་པ་ཅན་གྱི་གྲོགས་སུ་གྱུར་ན། མཐུ་ཆེན་པོས་ནན་གྱིས་ལྷན་
D239.065.0147a04.01ཅིག་ཏུ་བཞག་ནས། ཚུལ་ཁྲིམས་ཉམས་པའི་དགེ་སློང་དང་དགེ་འདུན་ལྷན་ཅིག་ཏུ་གནས་ན། དེའི་ཚེ་དགེ་འདུན་གྱིས་དེ་ཇི་ལྟར་བགྱི། བཅོམ་ལྡན་འདས་ཀྱིས་བཀའ་སྩལ་པ། དེའི་ཚེ་དགེ་འདུན་གྱི་ནང་ན་འཛེམ་པ་དང་། ངོ་ཚ་བར་ལྡན་པ་དང་། ཚུལ་ཁྲིམས་དང་
D239.065.0147a05.01ལྡན་པའི་དགེ་སློང་དག་ཚུལ་ཁྲིམས་བསྲུང་བའི་ཕྱིར། ཚུལ་ཁྲིམས་ཉམས་པའི་དགེ་སློང་དེ་ལ་ཞེ་སྡང་མི་བསྐྱེད་པ་དང་། རྒྱལ་པོ་དང་། བློན་པོ་ཆེན་པོ་ལ་གནོད་པར་མ་གྱུར་པར་གསོལ་བ་ཐོབ་སྟེ། གནས་དེ་སྤོངས་ལ་གནས་གཞན་དུ་སོང་ཤིག། །།བམ་པོ་བཞི་པ།
D239.065.0147a06.01དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གང་སངས་རྒྱས་ཀྱི་ཞིང་རྙོག་པ་ལྔ་ཅན་དེ་བཞིན་གཤེགས་པ་མི་བཞུགས་པ་ན། དེའི་ཚེ་དེ་ན་གནས་པའི་སེམས་ཅན་
D239.065.0147a07.01