完整藏文原文 · 德格版页 当前仅加载第 65 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ལོ་བདུན་པ་དེ་དང་ལྡན་ཏེ། འཁོར་ལོ་དེའི་དབང་གིས་བདག་གི་ཡུལ་རབ་ཏུ་བདེ་ཞིང་སྐྱིད་པ་དང་། ཕས་རྒོལ་བའི་དགྲ་དང་། གྲོགས་པོ་ངན་པ་ཐམས་ཅད་བཏུལ་ཞིང་ལུས་བསྲུང་བའི་ནན་ཏན་ལ་མཁས་པས་ཚེ་ཡང་རིང་བར་འགྱུར་རོ། །རིགས་ཀྱི་བུ་དེ་ལྟར་
D239.065.0130a01.01དེ་བཞིན་དུ་དེ་བཞིན་གཤེགས་པ་ཡང་སངས་རྒྱས་ཀྱི་སྤྱན་གྱིས་ཡང་དག་པ་ཇི་ལྟ་བ་བཞིན་དུ་སེམས་ཅན་ཐམས་ཅད་ཀྱི་འདོད་ཆགས་དང་། ཞེ་སྡང་དང་། གཏི་མུག་གི་བསམ་པ་གང་དང་ལྡན་པ་རབ་ཏུ་མཁྱེན་ཏོ། །ཡང་དག་པ་ཇི་ལྟ་བ་བཞིན་དུ་ཉོན་མོངས་པ་རྣམ་པ་སྣ་ཚོགས་ཀྱི་ནད་མི་
D239.065.0130a02.01འཐུན་པ་ཡང་རབ་ཏུ་མཁྱེན་ཏོ། །དེ་བཞིན་གཤེགས་པས་དེ་ལྟར་མཁྱེན་པས་ཤིན་ཏུ་འབད་པའི་བརྩོན་འགྲུས་ཚད་མེད་པ་དང་། ཐབས་མཁས་པའི་ཤུགས་ཀྱིས་ཅི་དང་ཅིས་འདུལ་བ་བཞིན་དུ་ཏིང་ངེ་འཛིན་རྣམ་པ་སྣ་ཚོགས་སྒྲུབ་པའི་སྨན་དམ་པ་བྱིན་པས་སེམས་ཅན་དག་ཉོན་མོངས་
D239.065.0130a03.01པའི་ནད་བསལ་བ་ལ་ནན་ཏན་དང་བརྩོན་འགྲུས་བྱེད་དུ་བཅུག་གོ། །སེམས་ཅན་གང་མི་གཙང་བ་ལ་རྟོག་པའི་ཉོན་མོངས་པའི་ནད་ཞི་བར་འོས་པ་ཞིག་ན། དེ་ལ་མི་གཙང་བ་ལ་རྟོག་པའི་སྨན་སྒོམ་དུ་བཅུག་གོ། །སེམས་ཅན་གང་ཚངས་པའི་གནས་ལ་ནན་ཏན་བྱས་པས་ཉོན་མོངས་པའི་
D239.065.0130a04.01ནད་ཞི་བར་འོས་པ་ཞིག་ན་ཚངས་པའི་གནས་ཀྱི་སྨན་སྒོམ་དུ་བཅུག་གོ། །སེམས་ཅན་གང་རྟེན་ཅིང་འབྲེལ་ཏེ་འབྱུང་བ་བསྒོམས་པས་ཉོན་མོངས་པའི་ནད་སེལ་བར་འོས་པ་ཞིག་ན། དེ་ལ་རྟེན་ཅིང་འབྲེལ་ཏེ་བྱུང་བའི་སྨན་སྒོམ་དུ་བཅུག་གོ། །སེམས་ཅན་གང་དབུགས་འགྲང་བ་ཡིད་ལ་བྱས་
D239.065.0130a05.01པས་ནད་ཞི་བར་འོས་པ་ཞིག་ན། དེ་ལ་དབུགས་འགྲང་བ་ཡིད་ལ་བྱ་བའི་སྨན་སྒོམ་དུ་བཅུག་གོ། །སེམས་ཅན་གང་རྣམ་པར་ཐར་པའི་སྒོ་གསུམ་བསྒོམས་པས་ཉོན་མོངས་པའི་ནད་ཞི་བར་འོས་པ་ཞིག་ན། དེ་ལ་རྣམ་པར་ཐར་པའི་སྒོ་གསུམ་གྱི་སྨན་སྒོམ་དུ་བཅུག་གོ། །སེམས་ཅན་གང་
D239.065.0130a06.01བསམ་གཏན་བསྒོམས་པས་ཉོན་མོངས་པའི་ནད་ཞི་བར་འོས་པ་ཞིག་ན། དེ་ལ་བསམ་གཏན་གྱི་སྨན་སྒོམ་དུ་བཅུག་གོ། །སེམས་ཅན་གང་གཟུགས་མེད་པའི་བསམ་གཏན་བསྒོམས་པས་ཉོན་མོངས་པའི་ནད་ཞི་བར་འོས་པ་ཞིག་ན། དེ་ལ་གཟུགས་མེད་པའི་བསམ་གཏན་སྒོམ་
D239.065.0130a07.01