完整藏文原文 · 德格版页 当前仅加载第 65 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མཁྱེན་པའི་རྒྱ་མཚོར་འཇུག་མི་ནུས་སོ། །འདི་ལྟ་སྟེ་གང་ཟག་དམུས་ལོང་དུ་གྱུར་པ་ནི་རིན་པོ་ཆེ་རྣམ་པ་སྣ་ཚོགས་བསྟན་པའི་གནས་སུ་མི་འགྱུར་རོ། །དེ་བཞིན་དུ་ང་རྒྱལ་གྱི་དབང་དུ་གྱུར་པ་བག་མེད་པ་སྟོང་པར་ལྟ་བ་ལ་ཆགས་ཤིང་ཐེག་པ་གཉིས་མི་སློབ་
D239.065.0184b01.01པའི་ཤེས་རབ་ཀྱི་མིག་མེད་པས་དམུས་ལོང་དུ་གྱུར་པ་ལ་ནི་བླ་ན་མེད་པའི་ཐེག་པ་ཆེན་པོའི་ཡོན་ཏན་རིན་པོ་ཆེ་བསྟན་པའི་གནས་སུ་མི་འགྱུར་རོ། །འདི་ལྟ་སྟེ་ལུས་ཤིན་ཏུ་མནམ་ཞིང་རུལ་བར་གྱུར་པ་ལ་བྱུག་པ་དྲི་ཞིམ་པ་རྣམ་པ་སྣ་ཚོགས་ཀྱིས་བྱུགས་ཀྱང་དྲི་ཞིམ་པར་
D239.065.0184b02.01མི་འགྱུར་རོ། །དེ་བཞིན་དུ་སེམས་ཅན་གླེན་པ་གཏི་མུག་ཅན་ང་རྒྱལ་གྱིས་མངོན་པར་ཟིན་པ། ཐེག་པ་གཉིས་ཀྱི་ཆོས་ལ་བརྩོན་པར་མ་དད་ཅིང་སྲོག་གཅོད་པ་མ་སྤངས་པ་ནས་ལོག་པར་ལྟ་བའི་བར་དུ་མ་སྤངས་པ་དེ་དག་ནི་བླ་ན་མེད་པའི་ཐེག་པ་ཆེན་པོ་ལ་ནན་ཏན་
D239.065.0184b03.01བྱེད་ཀྱང་ཤིན་ཏུ་ཟབ་མོའི་ཆོས་ཤེས་པར་མི་ནུས་སོ། །འདི་ལྟ་སྟེ་གྲམ་ཁྲོད་དུ་ས་བོན་བཟང་པོ་བཏབ་སྟེ་ཤིན་ཏུ་ལས་ཆེར་བྱས་ཀྱང་འབྲས་བུ་དང་ལོ་ཏོག་རྙེད་པར་མི་འགྱུར་རོ། །དེ་བཞིན་དུ་སེམས་ཅན་གང་ཐེག་པ་གཉིས་ཀྱི་ཆོས་ལ་ང་རྒྱལ་དང་། ལེ་ལོ་བྱེད་དེ་ནན་
D239.065.0184b04.01ཏན་མི་བྱེད་པ་དང་། འདོད་པ་ལྔ་ལ་ཆགས་ཏེ་མི་སྐྱོ་བ་དག་ལུས་དེ་ཉིད་ལ་ཐེག་པ་ཆེན་པོའི་རིགས་སུ་ཤིན་ཏུ་སྤྱད་དཀའ་བའི་བརྩོན་འགྲུས་བྱས་ཀྱང་ཅིར་ཡང་འགྲུབ་པའི་དོན་མེད་དོ། །འདི་ལྟ་སྟེ་རྫ་མ་སྔར་དུག་གི་སྣོད་བྱས་པའི་ནང་དུ་ཕྱིས་ཤ་ཁ་ར་{ཆུང་ཟད་,ཅུང་ཟད་}ཙམ་
D239.065.0184b05.01བཏབ་པས་སྤྱད་དུ་མི་རུང་ངོ་། །དེ་བཞིན་དུ་སེམས་ཅན་གང་ཐེག་པ་གཉིས་ཀྱི་ཆོས་ལ་ནན་ཏན་མི་བྱེད་པ་རྒྱུ་མེད་པར་སྨྲ་བ་ལ་ཐེག་པ་ཆེན་པོ་བསྟན་ཀྱང་བདག་དང་གཞན་ལ་ཕན་པའི་དོན་དུ་མི་འགྱུར་རོ། །འདི་ལྟ་སྟེ་སྔར་ཤ་ཁ་རའི་སྣོད་བྱས་པའི་རྫ་མའི་ནང་དུ་
D239.065.0184b06.01ཕྱིས་དུག་ཅུང་ཟད་བཏབ་ན་ཡང་སྤྱད་དུ་མི་རུང་ངོ་། །དེ་བཞིན་དུ་སེམས་ཅན་གང་ཐེག་པ་གཉིས་ཀྱི་ཆོས་ལ་ནན་ཏན་མ་བྱས་པར་ཐེག་པ་ཆེན་པོ་སྟོན་ན་གཉི་ག་ཉམས་ཤིང་འཁྱམས་པར་འགྱུར་རོ། །འདི་ལྟ་སྟེ་དཔེར་ན་སྨྱོས་ཤིང་སེམས་འཁྲུགས་པའི་མདུན་
D239.065.0184b07.01