完整藏文原文 · 德格版页 当前仅加载第 65 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་དག་པའི་ཞིང་སྤངས་ནས། །རྙོག་པ་ཅན་གྱི་སེམས་ཅན་དགྲོལ། །རྙོག་པའི་ཞིང་འདིར་དམ་བཅས་ཏེ། །ངན་འགྲོ་སེམས་ཅན་སྨིན་པར་མཛད། །ཡང་དག་བརྟན་པའི་རྩོལ་བ་ཡིས། །རིང་མོ་ཞིག་ནས་དཀའ་ཐུབ་སྤྱད། །ཡུན་{རིངས་,རིང་}དཀའ་ཐུབ་
D239.065.0104a01.01སྤྱད་པ་དག །ཐོས་ནས་འཇིགས་པའི་སེམས་ཀྱང་སྐྱེ། །སྦྱིན་པ་ཚུལ་ཁྲིམས་བཟོད་པ་དང་། །བརྩོན་འགྲུས་བསམ་གཏན་ཤེས་རབ་བསྐྱེད། །སངས་རྒྱས་བྱང་ཆུབ་སེམས་དཔའ་དང་། །ཚད་མེད་ཉན་ཐོས་བསྙེན་བཀུར་མཆོག །གཞན་ཡང་སྐྱེ་བོ་མང་པོ་དག །
D239.065.0104a02.01བཀྲེས་སྐོམ་ན་འཆི་ཀུན་ལས་བསྒྲལ། །སོ་སོའི་སྐྱེ་བོ་གཞན་གྱི་ཕྱིར། །ལུས་སྲོག་མ་ཆགས་མང་དུ་བཏང་། །ཡང་དག་དམ་པའི་ཆོས་ཚོལ་ཕྱིར། །ཤ་དང་རུས་པའང་མང་དུ་བཏང་། །བདག་གི་བདེ་བ་ཀུན་བཏང་ནས། །སྐྱེ་བོ་རྣམས་ལ་ཐུགས་བརྩེར་དགོངས། །
D239.065.0104a03.01སོ་སོའི་སྐྱེ་བོ་མང་པོའི་ཕྱིར། །ཐེ་ཙོམ་དྲ་བ་གཅོད་ལ་བརྩོན། །དབང་པོ་དྲུག་རྣམས་རབ་བསྡམས་ནས། །འདོད་པ་ཐམས་ཅད་རིང་དུ་སྤངས། །འདུས་བྱས་མི་རྟག་སྡུག་བསྔལ་ཏེ། །བདག་མེད་སྟོང་པ་ཉིད་དུ་རྟོགས། །སྡུག་བསྔལ་ལས་ཀུན་སྐྱེ་བ་ཡི། །རྒྱུ་ནི་འདོད་
D239.065.0104a04.01ཆགས་སྲེད་པའོ། །དེ་ཕྱིར་དབང་པོ་དྲུག་པས་སྔར། །འདོད་ཆགས་ཡོངས་སུ་གཅད་པར་བྱ། །སེམས་ཅན་གནས་པའི་ཁམས་ཀུན་དུ། །རྟག་པར་ཐུགས་རྗེ་ཆེན་པོས་གནས། །བྱང་ཆུབ་མཆོག་ཏུ་སངས་རྒྱས་ཀྱང་། །སྔོན་གྱི་སྨོན་ལམ་ཀུན་མི་གཏོང་། །སེམས་
D239.065.0104a05.01ཅན་གང་ཞིག་སྡུག་བསྔལ་གྱིས། །རྣམ་པར་གཟིར་བ་དག་གཟིགས་ནས། །ཤིན་ཏུ་འབབ་པའི་བརྩོན་འགྲུས་ཀྱིས། །དེ་ལས་སྒྲོལ་ཕྱིར་རབ་ཏུ་བརྩོན། །སྦྱིན་པ་ཚུལ་ཁྲིམས་བཟོད་བརྩོན་འགྲུས། །བསམ་གཏན་ཤེས་རབ་ཀུན་བསྒོམས་ནས། །ཇི་ལྟར་མ་ནི་བུ་
D239.065.0104a06.01གཅིག་ལ། །བྱམས་པའི་སེམས་ཀྱིས་གསོ་བཞིན་དུ། །སྔོན་ཡང་སེམས་ཅན་རིས་ཀུན་ལ། །རྟག་ཏུ་བྱམས་པའི་ཐུགས་བསྐྱེད་པས། །དེ་ཕྱིར་མྱུར་དུ་སངས་རྒྱས་ནས། །ཚད་མེད་པ་ཡི་འཁོར་རྣམས་སྒྲོལ། །ཇི་ཙམ་བྱང་ཆུབ་སྤྱོད་བསྒོམས་པ། །སེམས་ཅན་དོན་དུ་
D239.065.0104a07.01