完整藏文原文 · 德格版页 当前仅加载第 65 函德格 170a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བའི་ཕྱིར་བསྔགས་པ་འཆད་དོ། །གང་ཟག་གང་འདོད་ཆགས་ཀྱི་ནད་རྣམ་པ་སྣ་ཚོགས་ཀྱིས་ཡོངས་སུ་གཟིར་ཏེ། འདུས་བྱས་རྣམ་པ་སྣ་ཚོགས་ཀྱི་ལྟ་བས་མྱོས་པ་རྣམས་ལ་དེ་བཞིན་གཤེགས་པས་དེ་ལ་ཕན་གདགས་པའི་ཕྱིར་རྣམ་པར་གྲོལ་བ། ཚོལ་བ་ལ་ནི་འཁོར་བ་ལས་
D239.065.0170a01.01བྱུང་བར་བྱེད་པ་ཉན་ཐོས་ཀྱི་ཐེག་པ་འཕགས་པའི་བདེན་པ་བཞི་འཆད་དོ། །ཆད་པར་ལྟ་བ་ལ་ནི་རྟེན་ཅིང་འབྲེལ་པར་འབྱུང་བའི་ཆོས་ཀྱི་བསྔགས་པ་འཆད་དོ། །རྟག་པར་ལྟ་བ་ལ་ནི་ཁམས་གསུམ་གྱི་སྲིད་པའི་རྒྱུན་འདི་དག་ནས་ཤི་འཕོས་ནས་གཞན་དུ་སྐྱེ་སྟེ། རྫ་མཁན་གྱི་འཁོར་ལོ་ལྟར་རྒྱུན་མི་
D239.065.0170a02.01འཆད་པར་འཁོར་བ་དང་། མི་རྟག་པ་ལ་སོགས་པའི་ཆོས་འཆད་དོ། །རིགས་ཀྱི་བུ་དེ་བཞིན་གཤེགས་པས་ཇི་སྐད་དུ་མིང་དང་། བརྡ་དང་། ཡི་གེ་དང་། ཚིག་དང་། སྒྲ་སྐད་ཀྱིས་བསྟན་པ་ཐམས་ཅད་འབྲས་བུ་མེད་ཅིང་དོན་མེད་པ་མ་ཡིན་ཏེ། ཀུན་ཀྱང་སེམས་ཅན་ཡོངས་སུ་སྨིན་པར་བྱ་
D239.065.0170a03.01བའི་དོན་དུ་མ་བསྟན་པ་མེད་དོ། །དེ་བས་ན་དེ་བཞིན་གཤེགས་པས་གསུངས་པའི་ཆོས་ལ་འཕྱ་ཞིང་སྐུར་ན་སེམས་ཅན་རྣམས་ཀྱི་ཡང་དག་པའི་ཆོས་ཀྱི་མིག་བཅར་བའི་སྡིག་པ་ཡིན་པས་མཚམས་མེད་པ་ལས་འདས་པའམ། མཚམས་མེད་པ་དང་འདྲ་བའི་ཁ་ན་མ་ཐོ་བའི་སྡིག་པ་ཚད་མེད་པ་ཐོབ་
D239.065.0170a04.01པར་འགྱུར་རོ། །གང་གིས་ངས་སེམས་ཅན་ལ་ཕན་པ་དང་བདེ་བའི་ཕྱིར་གསུངས་པའི་དམ་པའི་ཆོས་ཉན་ཐོས་ཀྱི་ཐེག་པ་ལ་བརྟེན་ཏེ་གསུངས་སམ། རང་སངས་རྒྱས་ཀྱི་ཐེག་པ་ལ་བརྟེན་ཏེ་གསུངས་སམ། ཐེག་པ་ཆེན་པོ་ལ་བརྟེན་ཏེ་གསུངས་པ་གང་ལ་ཡང་རུང་། འཕྱ་ཞིང་སྐུར་པའམ། བར་
D239.065.0170a05.01ཆད་དང་བགེགས་བྱས་སམ། ཆུང་ངུ་ན་ཚིགས་སུ་བཅད་པ་གཅིག་ཙམ་འཆབ་པའི་ལས་བྱས་ན་དེ་ནི་དམ་པའི་ཆོས་ལ་སྐུར་པ་ཡིན་པར་རིག་པར་བྱ་སྟེ། འཕགས་པའི་ལམ་གྱི་ཡན་ལག་བརྒྱད་མེད་པར་བྱེད་པ། སེམས་ཅན་ཐམས་ཅད་ཀྱི་དམ་པའི་ཆོས་ཀྱི་མིག་ཉམས་པར་བྱེད་པ་ཡིན་པས་
D239.065.0170a06.01གང་ཟག་དེ་ནི་དེ་ལྟར་བདག་ཀྱང་དོན་མེད་པ་ཆེན་པོ་སྤྱོད་ལ། ཕ་རོལ་པོ་གཞན་དོན་མེད་པ་ཆེན་པོ་སྤྱོད་དུ་འཇུག་པའོ། །ཡང་གང་ཟག་དེ་ནི་ཁྲེལ་བ་དང་། ངོ་ཚ་བ་མེད་པའི་དགེ་འདུན་ལ་བརྟེན་ཅིང་དེ་བཞིན་གཤེགས་པའི་དམ་པའི་ཆོས་ལ་འཕྱ་ཞིང་སྐུར་པ་འདེབས་པའོ་ཞེས་བྱའོ། །རིགས་ཀྱི་
D239.065.0170a07.01