完整藏文原文 · 德格版页 当前仅加载第 65 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། མི་དང་མི་མ་ཡིན་པ་ལ་སོགས་པ་གང་གིས་ཀྱང་མ་བསྐོར་བ་དེ། འཇིག་རྟེན་དུ་བཅས་པ་ལྷ་དང་མི་ཚད་མེད་པ་དག་ལ་ཕན་པ་དང་བདེ་བའི་དོན་ཆེན་པོ་མཆོག་དམ་པ་ཐོབ་པར་བྱ་བའི་ཕྱིར་སྔོན་གང་གིས་ཀྱང་མ་བསྐོར་བ་དེ་རྣམ་པ་གསུམ་དུ་རབ་ཏུ་བསྐོར་ཏོ། །
D239.065.0122a01.01རིགས་ཀྱི་བུ་ང་དེ་ལྟ་བུའི་སངས་རྒྱས་ཀྱི་འཁོར་ལོ་གཅིག་པ་དེ་དང་ལྡན་ཏེ། འཁོར་ལོ་དེའི་དབང་གིས་ཡང་དག་པ་ཇི་ལྟ་བ་བཞིན་དུ་འཇིག་རྟེན་འདི་དང་འཇིག་རྟེན་ཕྱི་མ་དང་། གནས་དང་གནས་མ་ཡིན་པ་མངོན་སུམ་དུ་མཁྱེན་པས་འཇིགས་པ་མེད་པ་ཐོབ་སྟེ། བདེ་བར་གནས་
D239.065.0122a02.01ཤིང་ལྷ་དང་བདུད་དུ་བཅས་པའི་མུ་སྟེགས་ཅན་ལོག་པར་སྨྲ་བ་ཐམས་ཅད་ཤིན་ཏུ་བཏུལ་ནས་ཚངས་པ་ཆེན་པོའི་འཁོར་ལོ་བསྐོར་ཏེ། ཚངས་པ་ཆེན་པོའི་སྤྱད་པ་ཤིན་ཏུ་གྲུབ་པས་ང་ནི་རྙོག་པ་ལྔའི་སྡིག་པ་ཅན་གྱི་འཇིག་རྟེན་གྱི་ཁམས་འདིར་འཁོར་གྱི་དཀྱིལ་འཁོར་དུ་སེང་གེའི་སྒྲ་ཡང་
D239.065.0122a03.01དག་པར་བསྒྲགས་ཏེ། སེམས་ཅན་ཐམས་ཅད་ཀྱི་མཚམས་མེད་པ་ལྔའི་ལས་ཞི་བར་བྱས་སོ། །དེ་བཞིན་དུ་མི་དགེ་བའི་རྩ་བར་གཏོགས་པ་ཐམས་ཅད་བསལ་ནས་སྐྱེ་བོ་ཐམས་ཅད་ཀྱི་ཉོན་མོངས་པའི་རྒྱུན་རྡོ་རྗེ་ལྟར་སྲ་བདག་ཀྱང་ཞི་བར་བྱེད་དོ། །ཟག་པ་ཐམས་ཅད་ཡོངས་སུ་
D239.065.0122a04.01ཟད་པ་རྣམ་པར་གྲོལ་བའི་འབྲས་བུ་དམ་པ་ལ་རྣམ་པར་བཞག་ནས་ཅི་དང་ཅི་ལ་མོས་པ་བཞིན་དུ་ཐམས་ཅད་བདེ་བར་འཇོག་པ་དང་། མཐུ་དང་ལྡན་པའི་སེམས་ཅན་དག་ནི་ཐེག་པ་གསུམ་ལ་བཞག་སྟེ་ཕྱིར་མི་ལྡོག་པར་ཡང་མཛད་དོ། །རིགས་ཀྱི་བུ་འདི་ལྟ་སྟེ། རྒྱལ་རིགས་
D239.065.0122a05.01རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་ཐོག་མ་རྒྱལ་སར་ཞུགས་ནས་རྒྱལ་པོའི་སྲིད་བཟུང་མ་ཐག་ཏུ་འདས་པ་དང་། མ་འོངས་པ་དང་། ད་ལྟར་གྱི་རྒྱལ་པོ་ཐམས་ཅད་ཀྱིས་ཆོས་དང་ཁྲིམས་ལ་ཤིན་ཏུ་ལྟ་ཞིང་རྟོག་གོ། །དེ་ལྟར་རྒྱལ་པོ་ཀུན་གྱི་ལས་ཀྱི་འཁོར་
D239.065.0122a06.01ལོ་ཤིན་ཏུ་རྟོགས་ནས་རྒྱུ་དང་འབྲས་བུ་སྨིན་པ་ཡང་ཤེས་ཏེ། ཅི་དང་ཅིར་ལྡན་པ་བཞིན་དེ་དང་དེ་ལྟ་བུའི་ཐབས་བྱིན་ཏེ་ལས་སུ་བཅུག་པས། ཡུལ་དེ་ན་གནས་པའི་མཛངས་ངན་ལས་ལས་ཀྱི་འཁོར་ལོ་རྣམ་པ་གསུམ་བྱེད་དུ་བཅུག་གོ། །ལས་ཀྱི་འཁོར་ལོ་དེའི་དབང་གིས་
D239.065.0122a07.01