完整藏文原文 · 德格版页 当前仅加载第 65 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཐོབ་པ་དང་། མུ་སྟེགས་ཅན་ལོག་པར་སྨྲ་བ་ཐམས་ཅད་ཀྱིས་མི་ཚུགས་ཤིང་ཡང་དག་པའི་ཆོས་ཀྱི་མིག་གིས་ཕས་རྒོལ་བ་ཐམས་ཅད་ཆོས་བཞིན་དུ་ཐུལ་བར་འགྱུར་རོ། །དེ་ལ་རིགས་ཀྱི་བུ་ལས་ཀྱི་འཁོར་ལོ་རྣམ་པ་གསུམ་གང་ཞེ་ན། འདི་ལྟ་སྟེ། ཏིང་ངེ་
D239.065.0123a01.01འཛིན་བསྒོམ་པའི་ལས་ཀྱི་འཁོར་ལོ་རྣམ་པར་གཞག་པ་དང་། ཁ་དོན་གོམས་པར་བྱ་བའི་ལས་ཀྱི་འཁོར་ལོ་རྣམ་པར་གཞག་པ་དང་། བསོད་ནམས་བྱ་བའི་ལས་ཀྱི་འཁོར་ལོ་རྣམ་པར་གཞག་པ་དང་གསུམ་མོ། །རིགས་ཀྱི་བུ་དེ་ལ་ཇི་ལྟར་ན་དེ་བཞིན་གཤེགས་པའི་ཏིང་ངེ་འཛིན་
D239.065.0123a02.01བསྒོམ་པའི་ལས་ཀྱི་འཁོར་ལོ་གང་ཞེ་ན། ཏིང་ངེ་འཛིན་རྣམ་པ་བཅུ་སྟེ། བཅུ་གང་ཞེ་ན། ཡང་དག་པ་ཇི་ལྟ་བ་བཞིན་དུ་རྣམ་པར་ཤེས་པ་དང་བཅས་པའི་ལུས་འདི་ལ་བརྟགས་ན་ཡུལ་དྲུག་དང་། བདག་དང་བདག་གིར་ཞེན་ཅིང་ཆགས་པའི་རྒྱུ་དང་། ལས་ཀྱི་ཞིང་དང་། མ་རིག་
D239.065.0123a03.01པས་བསྒྲིབས་པ་དང་། སྲེད་པའི་ཆུས་བརླན་པའི་དབང་མེད་པར་གཞན་གྱི་དབང་གིས་ཡོད་པར་གྱུར་པས་རྐྱེན་མང་པོ་ལ་རག་ལས་པའོ། །ལས་དང་ཉོན་མོངས་པ་དང་སྡུག་བསྔལ་གྱི་རྒྱུན་རྣམ་པ་གསུམ་པོ་དགག་པའི་ཕྱིར་དེ་ལྟར་བརྟག་གོ། །ལས་ཀྱི་རྒྱུན་གང་ཞེ་ན། གང་སེམས་
D239.065.0123a04.01ཅན་རྣམས་ཇི་སྙེད་ཀྱི་འདུ་བྱེད་མངོན་དུ་སྤྱོད་པ་དེ་མ་རིག་པ་དང་། སྲེད་པའི་རྒྱུ་ལས་སྲིད་པ་སྐྱེ་བས་ཉོན་མོངས་པའི་རྒྱུན་ཅེས་བྱའོ། །ཉོན་མོངས་པའི་དབང་གིས་རྣམ་པར་ཤེས་པའི་རྒྱུ་དང་རྐྱེན་མང་པོ་འདུས་པ་ལས་མིང་དང་གཟུགས་སྐྱེའོ། །མིང་དང་གཟུགས་ཀྱི་རྒྱུ་དང་རྐྱེན་མང་པོ་འདུས་
D239.065.0123a05.01པ་ལས་སྐྱེ་མཆེད་དྲུག་སྐྱེའོ། །སྐྱེ་མཆེད་དྲུག་གི་རྒྱུ་དང་རྐྱེན་མང་པོ་འདུས་པ་ལས་རེག་པ་དང་། ཚོར་བ་དང་། སྲིད་པ་ཕྱི་མའི་སྐྱེ་བ་དང་། རྒ་བ་དང་། འཆི་བ་ལ་སོགས་པ་རིམ་གྱིས་འབྱུང་བ་ནི་སྡུག་བསྔལ་གྱི་རྒྱུན་ཅེས་བྱའོ། །དེ་ལྟར་རྒྱུན་གསུམ་པོ་འདི་ནི་ལས་ཀྱི་ཞིང་ལ་མ་རིག་པའི་རྒྱུ་
D239.065.0123a06.01དང་། སྲེད་པའི་བརླན་གྱིས་སྐྱེ་བར་གྱུར་ཏོ། །འདི་ལྟར་ལས་ཀྱི་ཞིང་ལ་མ་རིག་པའི་རྒྱུ་དང་། སྲེད་པའི་བརླན་གྱིས་རྣམ་པ་གསུམ་པོ་བསྐམ་པའི་ཕྱིར་ཉེ་བར་ལེན་པའི་ཕུང་པོ་ལྔ་ལ་མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། བེམས་པོ་དང་། གཡོ་བ་མེད་པ་དང་། སྒྱུ་
D239.065.0123a07.01