完整藏文原文 · 德格版页 当前仅加载第 65 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་དང་ལྡན་པར་ཡིད་ལ་བྱས་ན་སེམས་ཅན་དང་། སེམས་ཅན་མ་ཡིན་པ་དང་། ཇི་སྙེད་གཟུགས་སུ་གཏོགས་པ་ཐམས་ཅད་སངས་རྒྱས་ཀྱི་སྐུ་དང་འདྲ་བར་མཚན་ཕུན་སུམ་ཚོགས་པར་མཐོང་གི་གཟུགས་གཞན་དུ་མི་མཐོང་ངོ་། །བྱང་ཆུབ་སེམས་དཔའ་དེའི་ཚེ་ཡང་
D239.065.0238a01.01འདི་སྙམ་དུ་ཆོས་ཐམས་ཅད་དང་། གཟུགས་ཐམས་ཅད་ནི་སྒྱུ་མ་དང་འདྲ་སྟེ། ཡང་དག་པ་མ་ཡིན་པས་བདག་གིས་ཚོར་བ་རྣམ་གསུམ་དང་། འདུ་བྱེད་གསུམ་ལ་སོགས་པ་ཆོས་ཐམས་ཅད་ལྷག་མ་མ་ལུས་པར་ཡོངས་སུ་གཅད་དོ་སྙམ་ནས་འགོག་པའི་ཏིང་ངེ་འཛིན་ལ་སྙོམས་
D239.065.0238a02.01པར་ཞུགས་སོ། །ཏིང་ངེ་འཛིན་དེ་ལ་གནས་ནས་བློ་སྔོན་དུ་བཏང་བ་བཞིན་དུ་ཐམས་ཅད་ཡོངས་སུ་བཅད་དེ་ཏིང་ངེ་འཛིན་གྱི་རོའི་ཟས་ཀྱིས་འཚོའོ། །གལ་ཏེ་ན་ཞག་བདུན་ནམ། ཞག་བདུན་གཉིས་སམ། བདུན་གསུམ་མམ། བཞིའམ། ལྔའམ། དྲུག་གམ། བདུན་ནམ།
D239.065.0238a03.01བརྒྱད་དམ། གལ་ཏེ་ན་བསྐལ་པ་ཚད་མེད་པ་བྱེ་བ་ཁྲག་ཁྲིག་བརྒྱ་སྟོང་གི་བར་དུ་ཅི་ནུས་སུ་གནས་ཏེ། ཏིང་ངེ་འཛིན་གྱི་ཟས་ཟའོ། །ཏིང་ངེ་འཛིན་དེ་ལས་ལངས་ནས་སེམས་རབ་ཏུ་ཞི་བས་ཅི་ལ་ཡང་མི་ཆགས་ཏེ་བདེ་བར་གནས་སོ། །གལ་ཏེ་དོན་དམ་པའི་མཐས་གཏུགས་པའི་
D239.065.0238a04.01ཏིང་ངེ་འཛིན་ལ་ཞུགས་ན་ཡང་སྔར་ཇི་སྐད་བཤད་པ་བཞིན་དུ་སངས་རྒྱས་ཀྱི་སྐུ་མཚན་དང་ལྡན་པ་ཡིད་ལ་བྱ་བ་ནས་ཆོས་ཐམས་ཅད་དང་། གཟུགས་ཐམས་ཅད་སྒྱུ་མ་དང་འདྲ་སྟེ་ཡང་དག་པ་མ་ཡིན་པའི་བར་དུ་ཆུད་པར་བྱེད་དོ། །རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་
D239.065.0238a05.01པོའི་ཚིག་སོ་སོ་ཡང་དག་པར་རིག་པ་ནམ་མཁའི་དབྱིངས་དང་མཉམ་པ། ཚད་མེད་པ། མཐའ་ཡས་པ། ཡངས་ཤིང་རྒྱ་ཆེ་བ་དང་ལྡན་པ་ཇི་སྙེད་སངས་རྒྱས་ཀྱི་ཆོས་ཐམས་ཅད་དེ། ཏིང་ངེ་འཛིན་ཐམས་ཅད་དང་། གཟུངས་ཐམས་ཅད་དང་། ཤིན་ཏུ་བརྟན་པའི་བཟོད་པའི་གོ་ཆ་ཆེན་
D239.065.0238a06.01པོའི་འཁོར་ལོ་ཞེས་བྱ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་དག་འཁོར་ལོ་འདི་དང་ལྡན་ནམ་མཁའི་མིག་དང་། སྤྱི་བོའི་ཏིང་ངེ་འཛིན་རྣམས་དང་། གཟུངས་རྣམས་ལས་ཤིན་ཏུ་ཐབས་མཁས་པ་ཐམས་ཅད་ལྷག་མ་མ་ལུས་པར་སྤངས་ཏེ་རྣམ་པར་སྨིན་པའི་འབྲས་བུ་
D239.065.0238a07.01