完整藏文原文 · 德格版页 当前仅加载第 65 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། ཉན་ཐོས་ཆེན་པོ་རྣམས་ཀྱང་ཐམས་ཅད་འཕགས་པས་བསྟན་པའི་གྲོང་ཁྱེར་བརྟན་པར་བཙུད་ནས། དེའི་འོག་ཏུ་བསམ་གཏན་མཆོག་དམ་པ་ལ་སྙོམས་པར་འཇུག་པ་ནས་བསམ་གཏན་
D239.065.0129a01.01བཞིའི་བར་དུ་སྙོམས་པར་འཇུག་པ་དང་། ནམ་མཁའ་མཐའ་ཡས་སྐྱེ་མཆེད་ཀྱི་ཏིང་ངེ་འཛིན་ལ་སྙོམས་པར་འཇུག་པ་ནས། དེ་བཞིན་དུ་རྒྱས་པར་འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་ཏིང་ངེ་འཛིན་གྱི་བར་དུ་སྙོམས་པར་འཇུག་པ་དང་། དེ་བཞིན་དུ་སངས་རྒྱས་ཐམས་
D239.065.0129a02.01ཅད་ཀྱི་སྤྱོད་ཡུལ་གྱི་ཏིང་ངེ་འཛིན་གྱི་བར་དུ་སྙོམས་པར་འཇུག་པར་འགྱུར་རོ། །ཏིང་ངེ་འཛིན་དེ་དག་ཏུ་ཞུགས་ནས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། འབྱུང་པོ་དང་། ཤ་ཟ་དང་། སྲུལ་པོ་
D239.065.0129a03.01དང་། ལུས་སྲུལ་པོ་ལ་སོགས་པ་སེམས་ཅན་ལ་གནོད་ཅིང་འཚེ་བ། བྱམས་པ་དང་། སྙིང་རྗེའི་སེམས་མེད་པ། འཇིག་རྟེན་ཕྱི་མའི་སྡུག་བསྔལ་གྱིས་མི་འཇིགས་པ་ཚད་མེད་པ་བྱེ་བ་བརྒྱ་སྟོང་སྙེད་ངས་སངས་རྒྱས་ཐམས་ཅད་ཀྱི་སྤྱོད་ཡུལ་གྱི་ཏིང་ངེ་འཛིན་དུ་ཞུགས་པ་མཐོང་ནས་ཐམས་
D239.065.0129a04.01ཅད་ང་ལ་ཤིན་ཏུ་དགའ་བའི་སེམས་བསྐྱེད་དེ། བསམ་པ་ཡོངས་སུ་དག་པས་དཀོན་མཆོག་གསུམ་ལ་མཆོག་དམ་པའི་དགའ་བ་དང་དང་བ་བསྐྱེད་ནས་བསྟི་སྟང་དང་བཅས། བཀུར་སྟི་དང་བཅས་ཏེ། ངོ་མཚར་རྨད་དུ་གྱུར་ནས་ཉེས་པ་ཐམས་ཅད་སོ་སོར་བཤགས་ཏེ་ཡོངས་སུ་གཅད་
D239.065.0129a05.01པར་དམ་བཅའོ། །དེའི་རྒྱུ་དེའི་རྐྱེན་གྱིས་སྐད་ཅིག་ཡུད་ཙམ་གྱིས་ཚད་མེད་དཔག་ཏུ་མེད་པའི་ཉོན་མོངས་པའི་སྒྲིབ་པ་དང་། ལས་ཀྱི་སྒྲིབ་པ་དང་། ཆོས་ཀྱི་སྒྲིབ་པ་ཀུན་བྱང་བར་འགྱུར་ཏེ། ཚད་མེད་དཔག་ཏུ་མེད་པའི་བསོད་ནམས་ཀྱི་ཚོགས་དང་། ཡེ་ཤེས་ཀྱི་ཚོགས་ཀུན་
D239.065.0129a06.01ཡོངས་སུ་རྫོགས་པར་གྱུར་ནས། འཁོར་བ་ལ་རྒྱབ་ཀྱིས་བལྟས་ཤིང་མྱ་ངན་ལས་འདའ་བ་ལ་ཕྱོགས་ནས། དེ་བཞིན་གཤེགས་པ་བླ་ན་མེད་པ་ཡང་དག་པའི་ཆོས་སྲུང་ཞིང་འཛིན་ཏོ། །རིགས་ཀྱི་བུ་ང་ཡང་དེ་ལྟར་སངས་རྒྱས་ཀྱི་འཁོར་ལོ་དྲུག་པ་འདི་དང་ལྡན་ཏེ། འཁོར་ལོ་དེའི་
D239.065.0129a07.01