完整藏文原文 · 德格版页 当前仅加载第 65 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
ཐབས་སྤྱི་བོ་ནས་དབང་བསྐུར་བའི་གནས་སུ་གནས་པར་བྱས་ཏེ། ནོར་རིན་པོ་ཆེ་རྣམ་པ་སྣ་ཚོགས་ལ་ལོངས་སྤྱོད་ཅིང་བདག་ཉིད་ཆེན་པོའི་གནས་སུ་ལོངས་སྤྱོད་པར་ངས་གནང་གི་སེམས་ཅན་གཞན་ནི་མ་ཡིན་ནོ། །བྱང་ཆུབ་སེམས་དཔའ་རྡོ་རྗེའི་སྙིང་པོས་ཡང་བཅོམ་ལྡན་འདས་ལ་
D239.065.0200b01.01འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་གང་ཆོས་ཀྱི་བཟོད་པ་མ་ཐོབ་པར་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་གནས་སུ་གནས་ཏེ། ནོར་རིན་པོ་ཆེ་རྣམ་པ་སྣ་ཚོགས་ལ་སྤྱོད་པ་དང་། བདག་ཉིད་ཆེ་བའི་གནས་སུ་གནས་པར་ངེས་པར་མ་
D239.065.0200b02.01གནང་ངམ། འོན་ཏེ་གནང་བའི་སྐབས་ཀྱང་མཆིས། བཅོམ་ལྡན་འདས་ཀྱིས་བཀའ་སྩལ་པ། སེམས་ཅན་གང་ཆོས་ཀྱི་བཟོད་པ་མ་ཐོབ་ཀྱང་དགེ་བ་བཅུའི་ལས་ཀྱི་ལམ་སྤྱོད་ལ། སེམས་ཅན་གཞན་ཡང་སློབ་དུ་བཅུག་ན། དེ་ཡང་ངས་རྒྱལ་རིགས་རྒྱལ་ཐབས་སྤྱི་བོ་
D239.065.0200b03.01ནས་དབང་བསྐུར་བའི་གནས་སུ་ནོར་རིན་པོ་ཆེ་རྣམ་པ་སྣ་ཚོགས་དང་། གཞན་ཡང་བདག་ཉིད་ཆེ་བའི་གནས་སུ་འདུག་ཅིང་ལོངས་སྤྱོད་དུ་གནང་ངོ་། །སེམས་ཅན་གང་ཆོས་ཀྱི་བཟོད་པ་ཡང་མ་ཐོབ་ལ། དགེ་བ་བཅུའི་ལས་ཀྱི་ལམ་ཡང་མི་སྤྱོད་དེ། སེམས་ཅན་གཞན་ཡང་སློབ་
D239.065.0200b04.01པ་ལ་མི་འཛུད་ལ་དབང་ཆེན་པོ་དང་ནན་ཏན་གྱིས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་བྱེད་དེ། ནོར་རིན་པོ་ཆེ་རྣམ་པ་སྣ་ཚོགས་དང་། བདག་ཉིད་ཆེན་པོའི་གནས་སུ་ལོངས་སྤྱོད་པ་དག་ནི་རྒྱལ་རིགས་གདོལ་པ་ཅན་དང་། གཞན་ཡང་བདག་ཉིད་ཆེ་བའི་གནས་
D239.065.0200b05.01སུ་ལོངས་སྤྱོད་པའི་གདོལ་པ་ཅན་གྱི་བདག་པོ་ཞེས་བྱ་སྟེ། གླེན་པ་གཏི་མུག་ཅན་ང་རྒྱལ་གྱིས་མངོན་པར་ཟིན་པ། ངའི་དམ་པའི་ཆོས་ཤིན་ཏུ་ཟབ་མོ་འཇིག་པར་བྱེད་པ། དཀོན་མཆོག་གསུམ་གྱི་གདུང་གཅོད་ཅིང་དམ་པའི་ཆོས་ཀྱི་སྒྲོན་མ་མེད་པར་བྱེད་པ། ངའི་བསྟན་
D239.065.0200b06.01པ་ལ་རབ་ཏུ་བྱུང་བ་དག་ལ་གནོད་པ་དང་། འཚེ་བ་རྣམ་པ་སྣ་ཚོགས་བྱེད་པ། འཚོག་པ་དང་། གཞུ་བ་དང་། ཆད་པས་གཅོད་པ་དང་། ཆོས་གོས་དང་། ལྷུང་བཟེད་དང་། འཚོ་བའི་ཡོ་བྱད་འཕྲོག་པ་དང་། ཆོས་གོས་ཕྲོགས་ཏེ་ཁྱིམ་པར་ཕབ་ནས་ལས་རྣམ་པ་
D239.065.0200b07.01