完整藏文原文 · 德格版页 当前仅加载第 65 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ཚོགས་བྱེད་དུ་བཅུག་པ་དང་། བཅིངས་པ་དང་། བཙོན་དུ་བཟུང་བ་ནས་འཚོ་བའི་དབང་པོ་དང་ཕྲལ་བ་དང་ངའི་བསྟན་པ་དམ་པའི་ཆོས་ལ་འཕྱ་ཞིང་སྐུར་པ་དང་། བར་དུ་གཅོད་ཅིང་བགེགས་བྱེད་ཅིང་ཡོངས་སུ་རྒྱས་པར་མི་བྱེད་པ་དང་། མཆོད་
D239.065.0201a01.01རྟེན་དང་། དགེ་འདུན་གྱི་ནོར་འཕྲོག་པར་བྱེད་པའི་གང་ཟག་དེ་ནི་གདོན་མི་ཟ་བར་མཚམས་མེད་པའི་སེམས་ཅན་དམྱལ་བར་ལྟུང་སྟེ། སྡུག་བསྔལ་ཆེན་པོ་མྱོང་ཞིང་ངན་སོང་གི་གནས་སུ་འཁོར་ཞིང་ཐར་པའི་དུས་མེད་དོ། །དེ་ནས་བྱང་ཆུབ་སེམས་དཔའ་རྡོ་རྗེའི་སྙིང་པོས་
D239.065.0201a02.01ཡང་གསོལ་པ། བཅོམ་ལྡན་འདས་སེམས་ཅན་གང་ཆོས་ཀྱི་བཟོད་པ་ཡང་མ་ཐོབ། དགེ་བ་བཅུའི་ལས་ཀྱི་ལམ་ཡང་མི་སྤྱོད། སེམས་ཅན་གཞན་ཡང་སྤྱོད་པ་ལ་མི་སྐུར་བར་དབང་ཆེན་པོ་དང་ནན་གྱིས་རྒྱལ་ཐབས་སྤྱི་བོ་ནས་དབང་བསྐུར་བའི་གནས་སུ་རྒྱལ་པོ་
D239.065.0201a03.01བགྱིད་ཅིང་ནོར་རིན་པོ་ཆེ་རྣམ་པ་སྣ་ཚོགས་དང་། གཞན་ཡང་བདག་ཉིད་ཆེ་བའི་གནས་སུ་གནས་པ་ལ་རྒྱུ་གཞན་དང་ཐབས་གཞན་གྱིས་མཚམས་མེད་པའི་སེམས་ཅན་དམྱལ་བ་ལས་གདོན་ཅིང་ངན་སོང་གཞན་གྱི་སྡུག་བསྔལ་ལས་ཀྱང་ཐར་བར་བགྱི་བ་མཆིས་སམ།
D239.065.0201a04.01བཅོམ་ལྡན་འདས་ཀྱིས་བཀའ་སྩལ་པ། རྒྱུ་གཞན་དང་ཐབས་གཞན་གྱིས་གདོན་དུ་རུང་བ་ཡོད་དོ། །སེམས་ཅན་གང་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོར་ཞུགས་ལ་ལོངས་སྤྱོད་རྣམ་པ་སྣ་ཚོགས་ལ་སྤྱོད་པ་ཆོས་ཀྱི་བཟོད་པ་ཡང་མ་ཐོབ། དགེ་བ་བཅུའི་
D239.065.0201a05.01ལས་ཀྱི་ལམ་དང་ཡང་མི་ལྡན། ཡང་དད་པའི་མཐུ་དང་ལྡན་ཏེ། དཀོན་མཆོག་གསུམ་ལ་རིམ་གྲོ་དང་། བསྟི་སྟང་བྱེད་ཅིང་སངས་རྒྱས་ཀྱི་བསྟན་པའི་ཐེག་པ་གསུམ་དང་ལྡན་པའི་དམ་པའི་ཆོས་ལ་ཆུང་ངུ་ན་ཚིགས་སུ་བཅད་པ་གཅིག་ཙམ་ལ་ཡང་འཕྱ་ཞིང་སྐུར་བ་
D239.065.0201a06.01འམ། བར་དུ་གཅོད་པའམ། བགེགས་མི་བྱེད་ལ། སངས་རྒྱས་ཀྱི་བསྟན་པ་ལ་རབ་ཏུ་བྱུང་བའི་ཉེ་གནས་ཚུལ་ཁྲིམས་ཅན་ནམ། ཚུལ་ཁྲིམས་ཉམས་པའམ། ཚུལ་ཁྲིམས་མེད་ཀྱང་རུང་། སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་གྱོན་པ་ཐམས་ཅད་ལ་འཚེ་བ་
D239.065.0201a07.01