完整藏文原文 · 德格版页 当前仅加载第 65 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། རྟག་ཏུ་ཡང་དག་པའི་སྨོན་ལམ་འདེབས་པ་དང་། སྡིག་པ་བྱས་མ་ཐག་ཏུ་ཡང་དང་ཡང་མཐོལ་ཅིང་འགྱོད་དེ་སྤོང་ན་ལས་ཀྱི་སྒྲིབ་པ་མང་པོ་ཞི་བར་འགྱུར་ཏེ། དེ་ལྟར་གང་ཟག་དེ་དཀོན་མཆོག་གསུམ་དང་། འཕགས་པའི་ཚུལ་ཁྲིམས་ལ་དད་པའི་ཤུགས་ཀྱིས་མུ་སྟེགས་ཅན་
D239.065.0172a01.01དགུ་བཅུ་རྩ་ལྔ་བས་བརྒྱ་སྟོང་སྙེད་ཀྱིས་ལྷག་གོ། །མྱུར་དུ་མྱ་ངན་ལས་འདའ་བའི་གྲོང་ཁྱེར་དུ་ཕྱིན་པ་ནི་མ་ཡིན་མོད་ཀྱི། འཁོར་ལོས་སྒྱུར་བའི་རྒྱལ་པོས་ཀྱང་མི་སྐུར་ན། དེ་མ་ཡིན་པ་སྐྱེ་བོ་གཞན་ལྟ་སྨོས་ཀྱང་ཅི་དགོས་དེ་བས་ན་དེ་བཞིན་གཤེགས་པས་སེམས་ཅན་ཐམས་ཅད་ཀྱི་ལས་དང་མྱོང་བའི་ཆོས་ཀྱི་
D239.065.0172a02.01མཚན་ཉིད་རྣམ་པ་ཐ་དད་པར་མཁྱེན་ཅིང་གཟིགས་པའི་ཕྱིར་གང་འདི་སྐད་དུ་ངའི་བསྟན་པའི་ཆོས་ལ་དད་ནས་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་གྱོན་པ་ལ་རྒྱལ་རིགས་ལ་སོགས་པ་གཤེ་ཞིང་སྤྱོ་བ་དང་། ཆད་པས་གཅད་དུ་མི་དབང་ངོ་ཞེས་གསུངས་ཏེ། གང་གིས་བརྙས་སྨད་དམ། རབ་ཏུ་བྱུང་བ་
D239.065.0172a03.01ཐམས་ཅད་ལ་གཤེ་ཞིང་སྤྱོས་སམ། ཆད་པས་བཅད་ན་ཁ་ན་མ་ཐོ་བའི་འབྲས་བུ་སྨིན་པ་ནི་ཇི་ལྟར་རྒྱས་པར་བཤད་པ་བཞིན་ནོ། །གཞན་ཡང་ངའི་བསྟན་པ་ལ་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་གྱོན་ན། དེ་ལ་ནི་འདས་པ་དང་། མ་བྱོན་པ་དང་། ད་ལྟར་བཞུགས་པའི་
D239.065.0172a04.01སངས་རྒྱས་བཅོམ་ལྡན་འདས་ཐམས་ཅད་ཀྱིས་ཐུགས་རྗེས་རྗེས་སུ་འཛིན་ཏོ། །སྤྱོད་ལམ་དང་། ཆ་ལུགས་དང་། ཆོས་གོས་གྱོན་པ་ལ་ཡང་འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་བཅོམ་ལྡན་འདས་ཐམས་ཅད་ཀྱིས་ཀྱང་ཐུགས་རྗེས་རྗེས་སུ་འཛིན་ཏོ། །དེ་བས་ན་སྐྲ་དང་ཁ་སྤུ་བྲེགས་
D239.065.0172a05.01ཏེ་གོས་ངུར་སྨྲིག་གྱོན་པའི་རབ་ཏུ་བྱུང་བ་ལ་བརྙས་སྨད་ན། དེ་ནི་འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་བཅོམ་ལྡན་འདས་ཐམས་ཅད་ལ་བརྙས་སྨོད་པ་ཡིན་ནོ། །དེའི་རྒྱུ་དེའི་རྐྱེན་གྱིས་མཁས་པས་བློ་ཅན་སྡུག་བསྔལ་གྱིས་སྐྱོ་ཞིང་འཇིགས་པ། ལྷ་དང་། མི་དང་། མྱ་ངན་
D239.065.0172a06.01ལས་འདའ་བའི་བདེ་བ་འདོད་པ་དག་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་གྱོན་པ་ལ་བརྙས་པ་དང་། སྨོད་པ་མི་བྱའོ། །གང་ངོ་ཚ་བ་མེད་པའི་དགེ་སྦྱོང་ཚུལ་ཁྲིམས་ཉམས་པ་ཐེག་པ་གསུམ་གྱི་འཕགས་པའི་ཆོས་ཀྱི་སྣོད་དུ་མ་གྱུར་པ་བདག་ཉིད་ལྟ་བ་ངན་པའི་སྡིག་པ་
D239.065.0172a07.01