完整藏文原文 · 德格版页 当前仅加载第 65 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
འབྲལ་བ་དང་། ཆོས་ཐོས་པ་དང་མི་འབྲལ་བ་དང་། དགེ་འདུན་མཆོད་པ་དང་བསྙེན་བཀུར་བྱེད་པ་དང་མི་འབྲལ་བ་དང་། དགེ་བའི་རྩ་བ་ཐམས་ཅད་ཚོལ་བ་ལ་བརྩོན་པས་སེམས་མི་ངོམས་པ་དང་། བྱང་ཆུབ་ཀྱི་སྤྱོད་པ་དང་། སྨོན་ལམ་རྣམ་པ་སྣ་ཚོགས་ཀྱིས་སེམས་མི་ངོམས་
D239.065.0211b01.01པར་འགྱུར་ཏེ། འབྲས་བུ་གཞན་འཐོབ་པ་ཡང་ཇི་སྐད་བཤད་པ་བཞིན་ནོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་ན་མ་འཚོའི་བར་དུ་ཞེ་གཅོད་པའི་ཚིག་ཐམས་ཅད་ཡོངས་སུ་སྤངས་ན་སེམས་ཅན་ཐམས་ཅད་ཀྱིས་བཀུར་ཞིང་བླ་མར་
D239.065.0211b02.01བྱེད་པ་དང་། ཚིག་ཏུ་སྨྲ་བ་ཀུན་ལ་ཕ་རོལ་པོ་ཀུན་དགའ་ཞིང་ཉན་པས་དོགས་པ་མེད་པར་འགྱུར་ཏེ། དེའི་དབང་གིས་དགེ་བའི་རྩ་བ་ཐམས་ཅད་ཡོངས་སུ་རྫོགས་པར་འགྱུར་རོ། །ཐོག་མ་མེད་པའི་མཐའ་ནས་རྒྱུད་ལྔར་འཁོར་བར་འཁོར་བའི་རྒྱ་མཚོར་འབྱིང་བ་
D239.065.0211b03.01ཡང་ཞེ་གཅོད་པའི་ཚིག་གི་དབང་གིས་ལུས་དང་། ངག་དང་། ཡིད་མི་དགེ་བའི་ལས་བདག་ཀྱང་བྱེད་ལ། གཞན་ཡང་བྱེད་དུ་འཛུད་ཅིང་མཐོང་བ་དང་ཐོས་པའི་རྗེས་སུ་ཡི་རང་བ་ལས་བྱུང་བ་ཉོན་མོངས་པའི་སྒྲིབ་པ་དང་། སེམས་ཅན་གྱི་སྒྲིབ་པ་དང་། ཆོས་ཀྱི་སྒྲིབ་པ་དང་། ཤིན་
D239.065.0211b04.01ཏུ་དུལ་བ་ལ་སྒྲིབ་པས་བསྒྲིབས་པར་གྱུར་ཏོ། །འདི་ལྟར་ཞེ་གཅོད་པའི་ཚིག་ཡོངས་སུ་སྤངས་པའི་འཁོར་ལོས་ལྷག་མ་མ་ལུས་པར་ཡོངས་སུ་བཅོམ་པའི་དབང་གིས་རྣམ་པར་སྨིན་པའི་འབྲས་བུ་ཡོངས་སུ་མི་ལེན་ཏེ། ལུས་འདི་ཉིད་ལ་ཡང་ལྷ་དང་མི་ལ་སོགས་པ་ཀུན་
D239.065.0211b05.01དགའ་བས་དོགས་པ་མི་སྐྱེ་བ་དང་། ལུས་དང་སེམས་རབ་ཏུ་བདེ་བ་དང་། ཚིག་ཏུ་སྨྲ་བ་ཐམས་ཅད་ཕ་རོལ་གྱི་ཡིད་དུ་འོང་བ་དང་སྙན་པར་འགྱུར་རོ། །ནམ་འཆི་འཕོ་བའི་དུས་བྱེད་པ་ན་ཡང་ལུས་དང་སེམས་ལ་སྡུག་བསྔལ་གྱིས་མི་གདུང་ཞིང་ཉོན་མི་མོངས་པ་དང་། ཡིད་དུ་
D239.065.0211b06.01འོང་བའི་བུ་དང་ཆུང་མ་དང་འཁོར་ཐམས་ཅད་ཀྱིས་ཡོངས་སུ་བསྐོར་བས་འཆི་འཕོ་བའི་དུས་བྱེད་པར་འགྱུར་གྱི་ཤིན་ཏུ་འཇིགས་པའི་གཤིན་རྗེའི་ཕོ་ཉ་མཐོང་བར་མི་འགྱུར་རོ། །ཡིད་དུ་འོང་བའི་དགེ་བའི་བཤེས་གཉེན་ཆོས་ཀྱིས་དུལ་བ། ཚུལ་ཁྲིམས་དང་ཡོན་ཏན་དུ་ལྡན་
D239.065.0211b07.01