完整藏文原文 · 德格版页 当前仅加载第 65 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
རྩོམ་ཞིང་ནན་ཏན་དུ་བགྱིད་པ་ནས་འབྲས་བུ་ལ་གནས་པའི་བར་གྱི་གང་ཟག་རྗེས་སུ་སྲུང་ཞིང་མཐུ་སྟོབས་བསྟང་བ་དང་། ཞུ་ཞིང་འདྲི་བ་དང་། ཉན་ཅིང་འཛིན་པ་དང་། དགའ་བཞིན་དུ་གཏམ་ཟེར་ཞིང་གླེང་བ་དང་། ཚུལ་ཁྲིམས་ཉམས་པ་སྡིག་པ་སྤྱོད་པའི་དགེ་སློང་རིང་དུ་སྤོང་བ་དང་།
D239.065.0160b01.01ཕྱོགས་བཞིའི་དགེ་འདུན་གྱི་ནོར་ལ་ཕ་རོལ་པོ་གཞན་ཆུད་གཟོན་དུ་མི་གཞུག་ཅིང་ཤིན་ཏུ་སྲུང་བ་དང་། ཕྱོགས་བཞིའི་དགེ་འདུན་གྱི་ནོར་དང་། མཆོད་རྟེན་གྱི་ནོར་ལ་བདག་ཀྱང་མི་རྐུ། གཞན་ཡང་རྐུར་མི་འཛུད་པ་དང་། བདག་མི་སྤྱོད། གཞན་ཡང་སྤྱོད་དུ་མི་འཛུད་པ་དང་། ཐེག་
D239.065.0160b02.01པ་རྣམ་གསུམ་གྱི་ཆོས་སྨྲ་བ་ལ་བསྟི་སྟང་དང་བཅས་པས་མཆོད་ཅིང་མཐུས་བསྟང་བ་དང་། ཕ་རོལ་པོ་གཞན་དག་འཕྱ་ཞིང་སྐུར་པ་དང་སྨོད་དུ་མི་འཛུད་པ་དང་། དེ་ལ་རིམ་གྲོ་བགྱིད་ཅིང་སྤྲོ་བ་སྐྱེད་པ་དང་། གང་རབ་ཏུ་བྱུང་བ་དག་དང་། སངས་རྒྱས་ཀྱི་བསྟན་པའི་ཆོས་ལ་དད་པས་
D239.065.0160b03.01སྲུང་ཞིང་རྗེས་སུ་འཛིན་པ་དང་། མཆོད་རྟེན་མི་འཇིག་པ་དང་། དགེ་འདུན་གྱི་གནས་དང་། གཙུག་ལག་ཁང་ཡང་ཤིན་ཏུ་སྲུང་བ་དང་། སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་གྱོན་པའི་རབ་ཏུ་བྱུང་བའི་གང་ཟག་ལ་མི་བརྙས་མི་སྨོད་པ་དང་། སྡིག་པའི་འཁོར་ལོ་རྣམ་པ་བཅུ་ལ་བདག་
D239.065.0160b04.01མི་སྤྱོད། ཕ་རོལ་པོ་གཞན་སྡིག་པའི་འཁོར་ལོ་བཅུ་ལས་རིང་དུ་གྱུར་ཅིང་རྒྱལ་པོ་སྔ་མའི་ཆོས་དང་ལུགས་ཀྱིས་རྒྱལ་པོའི་སྲིད་འཚོ་བ་དང་། དཀོན་མཆོག་གསུམ་གྱི་གདུང་འཚོབ་ཅིང་དད་ཅིང་རྒྱས་པར་བྱེད་པ་དང་། རྟག་ཏུ་དགེ་བའི་བཤེས་གཉེན་ལ་སྟེན་ཅིང་བྱམས་པའི་སེམས་ཀྱིས་མི་
D239.065.0160b05.01ཡོངས་ལ་སྐྱོང་བ་དང་། ཐམས་ཅད་ལ་ཅི་དང་ཅིས་འདུལ་བ་བཞིན་དུ་དེ་དང་དེའི་ཆོས་ཀྱིས་འདུལ་ཞིང་སྟོན་ཏོ། །ངན་པར་ལྟ་བ་སྤངས་ནས་ཡང་དག་པའི་ཆོས་ལ་ནན་ཏན་བྱེད་དུ་འཛུད་པའི་རྒྱལ་རིགས་དགེ་བ་ནས་བྲམ་ཟེ་དགེ་བའི་བར་དུ་དགེ་བ་དེ་དག་བསོད་ནམས་ཇི་སྙེད་ཅིག་ཐོབ་ཅིང་། སྡིག་
D239.065.0160b06.01པ་ཇི་སྙེད་ཅིག་འབྱང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གལ་ཏེ་གང་ཟག་མཐུ་ཆེན་པོ་དང་ལྡན་པ་གཅིག་འཇིག་རྟེན་དུ་མངོན་པར་བྱུང་སྟེ། སྔ་དྲོའི་དུས་སུ་ཡང་རིན་པོ་ཆེ་སྣ་བདུན་གྱིས་འཛམ་བུ་གླིང་ཡོངས་སུ་བཀང་ནས་སངས་རྒྱས་དང་དགེ་འདུན་ལ་
D239.065.0160b07.01