完整藏文原文 · 德格版页 当前仅加载第 65 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
ན་སེམས་ཅན་གང་འཚོ་བ་ཙམ་གྱི་ཕྱིར་ངའི་བསྟན་པ་ལ་ཕྱོགས་ཏེ་རབ་ཏུ་བྱུང་ངོ་། །རབ་ཏུ་བྱུང་ནས་སོ་སོར་ཐར་པའི་ཚུལ་ཁྲིམས་སྲུང་བ་ཐམས་ཅད་ཉམས་ཏེ་ཁྲེལ་བ་དང་ངོ་ཚ་བ་མེད་ལ་འཇིག་རྟེན་ཕྱི་མའི་སྡུག་བསྔལ་གྱི་འབྲས་བུ་ལ་མི་ལྟ། མི་འཇིགས། ཁོང་རུལ་ཅིང་བཙོག་པས་
D239.065.0171a01.01གང་བའི་སྲིན་ཀྭ་ལྭ་འདྲ་བ། དུང་གི་སྒྲ་ལ་ཁྱིའི་སྤྱོད་པ་དང་ལྡན་པ། རྟག་ཏུ་{བརྫུན་,རྫུན་}སྨྲ་ཞིང་བདེན་པའི་ཚིག་མེད་པ། སེར་སྣ་དང་ཕྲག་དོག་དང་། གཏི་མུག་དང་ང་རྒྱལ་གྱིས་མངོན་པར་ཟིན་ཏེ། ལས་ཀྱི་མཆོག་དམ་པ་གསུམ་ལས་རིང་དུ་གྱུར་པ་ཁེ་དང་། བཀུར་སྟི་དང་གྲགས་པ་ལ་ཆགས་ཏེ་ཡུལ་
D239.065.0171a02.01དྲུག་ལ་མོས་པ། འདོད་ཆགས་ཀྱིས་གཡེངས་པ། གཟུགས་དང་། སྒྲ་དང་། དྲི་དང་། རོ་དང་། རེག་བྱའི་ཡུལ་ལ་ཆགས་པའི་གང་ཟག་དེ་དག་ནི་ཁྲེལ་བ་དང་། ངོ་ཚ་བ་མེད་པ་དམ་པའི་ཆོས་ལ་འཕྱ་ཞིང་སྐུར་པའི་ནང་དུ་བསྡུས་ཏེ། དེ་ནི་ཁྲེལ་བ་དང་ངོ་ཚ་བ་མེད་པའི་དགེ་སློང་ཞེས་བྱའོ། །རིགས་
D239.065.0171a03.01ཀྱི་བུ་དོན་དམ་པའི་དགེ་སློང་ཞེས་བྱ་བ་ནི་ལ་ལ་འཕགས་པའི་ལམ་ལས་རྒྱལ་བའི་དགེ་སྦྱོང་གི་ནང་དུ་བསྡུ་བ་ཡང་ཡོད་དེ། ལམ་ལས་རྒྱལ་བ་ཞེས་བྱ་བ་ནི་གང་འཕགས་པའི་ལམ་གྱི་ཡན་ལག་བརྒྱད་ལ་གནས་ཤིང་བདག་ཀྱང་ཉོན་མོངས་པའི་ཆུ་བོ་ལས་སྒྲོལ་ལ་ཕ་རོལ་པོ་གཞན་དག་ཀྱང་སྒྲོལ་བའོ། །དེ་
D239.065.0171a04.01ཡང་ཇི་ལྟ་ཞེ་ན། སངས་རྒྱས་བཅོམ་ལྡན་འདས་དང་། རང་རྒྱལ་བ་དང་། དགྲ་བཅོམ་པ་སྟེ། གང་ཟག་རྣམ་པ་གསུམ་པོ་འདི་དག་ནི་སྲིད་པའི་ཡན་ལག་གི་འཁོར་ཐམས་ཅད་དང་རིང་དུ་གྱུར་པའི་ཕྱིར་འཕགས་པའི་ལམ་ལས་རྒྱལ་བ་ཞེས་བྱའོ། །གཞན་ཡང་བྱང་ཆུབ་སེམས་དཔའི་དགེ་འདུན་
D239.065.0171a05.01གཞན་གྱི་དྲིང་ལ་མི་འཇོག་པར་ཆོས་ཐམས་ཅད་ལ་ཡེ་ཤེས་ཀྱིས་ཐོགས་པ་མེད་པར་གཟིགས་ཤིང་སེམས་ཅན་ཐམས་ཅད་ལ་ཕན་པ་དང་། བདེ་བའི་དོན་གྱིས་སྡུད་པ་ཡང་ལམ་ལས་རྒྱལ་བའི་དགེ་སྦྱོང་གི་ནང་དུ་བསྡུའོ། །དོན་དམ་པའི་དགེ་སློང་དང་། ཀུན་རྫོབ་ཀྱི་དགེ་སློང་ཁ་ཅིག་ནི་ལམ་སྟོན་པའི་
D239.065.0171a06.01དགེ་སློང་གི་ནང་དུ་བསྡུའོ། །གང་སོ་སོར་ཐར་པའི་ཚུལ་ཁྲིམས་དང་ལྡན་ཞིང་། ཡང་དག་པའི་དགེ་བའི་སྐྱེ་བོ་ནས་འཇིག་རྟེན་གྱི་ཡང་དག་པར་ལྟ་བ་དང་ལྡན་པའི་བར་དུ་ཤེས་པ་བརྡ་སྤྲོད་པ་ལ་བརྟེན་ཏེ། ཆོ་འཕྲུལ་གྱི་མཐུས་གཞན་ལ་འཕགས་པའི་ལམ་གྱི་ཆོས་རྣམ་པར་ཕྱེ་སྟེ་སྟོན་ཅིང་འཆད་པའི་གང་
D239.065.0171a07.01