完整藏文原文 · 德格版页 当前仅加载第 65 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ལྷ་དང་། མི་ལ་སོགས་པ་ཀུན་དགའ་ཞིང་ཡིད་དུ་འོང་བ་དང་། དོགས་པ་མི་སྐྱེ་བ་དང་། ལུས་དང་སེམས་རབ་ཏུ་བདེ་ཞིང་ཡུན་རིང་དུ་འཚོ་བར་འགྱུར་རོ། །འཆི་འཕོ་བའི་དུས་བྱེད་པ་ན་ཡང་ལུས་དང་སེམས་སྡུག་བསྔལ་གྱིས་མི་གདུང་ཞིང་ཡིད་དུ་འོང་བའི་བུ་དང་།
D239.065.0205b01.01ཆུང་མ་དང་། འཁོར་ཐམས་ཅད་ཀྱིས་ཡོངས་སུ་བསྐོར་བས་འཆི་འཕོ་བའི་དུས་བྱེད་ཀྱི་ཤིན་ཏུ་འཇིགས་པ་གཤིན་རྗེའི་ཕོ་ཉ་མཐོང་བར་མི་འགྱུར་རོ། །གཞན་ཡང་ཡིད་དུ་འོང་བའི་དགེ་བའི་བཤེས་གཉེན་ཆོས་ཀྱིས་དུལ་བ་ཚུལ་ཁྲིམས་དང་ཡོན་ཏན་དུ་ལྡན་པ་བསོད་
D239.065.0205b02.01ནམས་ཀྱི་ཞིང་ཡང་དག་པ་དང་ཕྲད་དེ། ལུས་དང་སེམས་རབ་ཏུ་དགའ་བ་དང་། དེ་ལ་བཀུར་སྟི་དང་བཅས་པས་ཤིན་ཏུ་དད་པ་སྐྱེ་བར་འགྱུར་རོ། །ཡང་ཚེ་འཕོས་ནས་ཀྱང་ཕྱིར་མིའི་ནང་དུ་སྐྱེ་སྟེ། དབང་པོ་ཡོངས་སུ་རྫོགས་ཤིང་ཡན་ལག་དང་ལྡན་པ་དང་།
D239.065.0205b03.01གང་ནས་གང་དུ་སྐྱེས་པར་ནད་མེད་པ་དང་། ཚེ་རིང་བ་དང་། བྱད་གཟུགས་བཟང་བ་དང་། ཡིད་གཞུངས་པ་དང་། རབ་ཏུ་བདེ་ཞིང་སྐྱིད་པ་དང་། གཞན་ཡང་ཡིད་དུ་འོང་བའི་དགེ་བའི་བཤེས་གཉེན་ཆོས་ཀྱིས་དུལ་བ་ཚུལ་ཁྲིམས་དང་ཡོན་ཏན་དུ་ལྡན་པ་བསོད་ནམས་
D239.065.0205b04.01ཀྱི་ཞིང་ཡང་དག་པ་དང་ཕྲད་དེ། དེའི་རྗེས་སུ་སློབ་པ་དང་། སྲོག་གཅོད་པ་ཡོངས་སུ་སྤོང་བ་དང་། སྡིག་པ་མི་དགེ་བའི་ཆོས་ཐམས་ཅད་ཡོངས་སུ་གཅོད་པ་དང་། དགེ་བའི་ཆོས་ཁྱད་པར་ཅན་ཐམས་ཅད་ཡོངས་སུ་རྫོགས་པ་དང་། ཐེག་པ་ཆེན་པོའི་ཆོས་ཀྱི་རྣམ་
D239.065.0205b05.01གྲངས་ཐམས་ཅད་ཚོལ་བ་དང་། བྱང་ཆུབ་སེམས་དཔའི་སྨོན་ལམ་དང་སྦྱོར་བ་ཐམས་ཅད་ལ་རིམ་གྱིས་གཞོལ་ཞིང་ཤིན་ཏུ་ཡངས་པའི་ཡེ་ཤེས་ཀྱི་རྒྱ་མཚོ་ལ་འཇུག་པ་ནས་བླ་ན་མེད་པའི་བྱང་ཆུབ་ཐོབ་པའི་བར་དུ་འགྱུར་རོ། །སངས་རྒྱས་ཀྱི་ཞིང་མཚོན་ཆ་མེད་པ་དང་། དགྲ་
D239.065.0205b06.01དང་འཚེ་བའི་མིང་མི་གྲག་པ་དང་། འཇིགས་པ་ཐམས་ཅད་དང་བྲལ་ཏེ་རབ་ཏུ་བདེ་སྐྱིད་པ་དང་། ནད་མེད་པ་དང་། ཚེ་རིང་བའི་ཞིང་དུ་སེམས་ཅན་དག་སྐྱེ་བར་འགྱུར་རོ། །དེ་བཞིན་གཤེགས་པའི་ཚེའི་ཚད་ཀྱང་དཔག་ཏུ་མེད་དེ་སེམས་ཅན་དག་ཅིས་འདུལ་བའི་བཞིན་
D239.065.0205b07.01