完整藏文原文 · 德格版页 当前仅加载第 65 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་འཁོར་མང་པོ་དང་བཅས་ཏེ་བདག་གིས་བཤད་པའི་གཟུངས་ཆེན་པོ་འདི་ལ་རྗེས་སུ་ཡི་རང་བར་མཛད་དུ་གསོལ། བཅོམ་ལྡན་འདས་ཀྱིས་ལེགས་ས་ལེགས་སོ་ཞེས་བཀའ་སྩལ་ཏོ། །འཁོར་
D239.065.0166a01.01མང་པོ་ཐམས་ཅད་ཀྱིས་ཀྱང་ལེགས་སོ་ལེགས་སོ་ཞེས་སྨྲས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ན་ཚེ་དང་ལྡན་པ་མཽད་གལ་ཡ་ན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་ཀྱིས་ཚངས་པ་ཆེན་
D239.065.0166a02.01པོ་ལྷའི་སྙིང་པོས་ཕུལ་བ་ཡུལ་ཡོངས་སུ་བསྲུང་བ་ལ་ཕྱིར་མི་ལྡོག་པའི་འཁོར་ལོའི་སྙིང་པོ་ཞེས་བྱ་བའི་གཟུངས་ཆེན་པོའི་ཚིག་འདི་དག་གཟུངས་སུ་ཟུང་ཤིག །མ་འོངས་པའི་དུས་ན་སངས་རྒྱས་ཀྱི་ཞིང་འདིར་རྒྱལ་རིགས་དགེ་བའི་རྒྱལ་པོ་ཐམས་ཅད་ལ་ཡང་རྒྱས་པར་སྟོན་ཅིག །དེའི་
D239.065.0166a03.01རྒྱུ་དེའི་རྐྱེན་གྱིས་ན་རྒྱལ་རིགས་དགེ་བའི་རྒྱལ་པོ་འཁོར་དང་བཅས་པ་ཐམས་ཅད་དང་། ཡུལ་དེ་ན་གནས་པའི་མི་ཐམས་ཅད་ལ་ཕན་པ་དང་། བདེ་བའི་དོན་དུ་འགྱུར་ཏེ། རྟག་ཏུ་ཆོས་ཀྱི་འཁོར་ལོ་སྐོར་བ་དང་། ཤིན་ཏུ་གྲགས་པ་ཆེ་བ་དང་། གཟི་བརྗིད་ཆེ་བར་འགྱུར་བ་དང་། ངན་པར་
D239.065.0166a04.01ལྟ་བ་འཇོམས་ཤིང་ཡང་དག་པའི་ལྟ་བ་འཛུགས་པ་དང་། ཆོས་ཀྱི་མིག་སྲུང་ཞིང་དཀོན་མཆོག་གསུམ་གྱི་གདུང་རྒྱུན་མི་འཆད་པར་འཚོབ་པ་དང་། སེམས་ཅན་ཚད་མེད་དཔག་ཏུ་མེད་པ་ཡོངས་སུ་སྨིན་པར་བྱེད་པ་དང་། ཐེག་པ་ཆེན་པོ་ལ་དད་པ་ཤིན་ཏུ་བརྟན་པ་དང་། ཡུན་རིང་པོ་ནས་
D239.065.0166a05.01ཕ་རོལ་དུ་ཕྱིན་པ་དྲུག་བསྒོམ་པ་ལ་གནས་ཤིང་སྒྲིབ་པ་ཐམས་ཅད་བཅད་ནས་མྱུར་དུ་མཐའི་གནས་བྱེད་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དོན་འདི་དག་གསལ་བར་བཟླས་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །དེ་ཚེ་ཚངས་ཆེན་ལྷ་ཡི་སྙིང་པོས། །རྐང་
D239.065.0166a06.01གཉིས་མཆོག་ལ་འདི་སྐད་ཞུས་སོ། །དབང་པོ་རྣོ་བའི་སྐྱེ་བོ་དག་ནི། །ཏིང་འཛིན་སྒོམ་ཞིང་བསོད་ནམས་བྱེད་མོས། །རྒྱལ་པོ་མཁས་པས་ཆོས་ལུགས་བྱས་པ། །ཤིན་ཏུ་འཁྱམ་པ་འདེག་ཅིང་བསྒྲལ་ཕྱིར། །སྤྱོད་པའི་དངོས་པོ་གསུམ་པོ་འདི་ལ། །གང་དག་ཐེ་ཙོམ་སེལ་ཅིང་མི་
D239.065.0166a07.01