完整藏文原文 · 德格版页 当前仅加载第 65 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་ཡོན་ཏན་ཕུལ་དུ་གྱུར་པ་ཐམས་ཅད་ཀྱི་གཏེར་དུ་གྱུར་པའོ། །རྣམ་པར་གྲོལ་བའི་རིན་པོ་ཆེའི་འབྱུང་གནས་ཡིན་ནོ། །བྱང་ཆུབ་སེམས་དཔའ་རྣམས་ཀྱི་མིག་ཡོངས་སུ་དག་པར་བྱེད་པའོ། །མྱ་ངན་ལས་འདའ་བར་འགྲོ་བའི་དེད་དཔོན་དུ་གྱུར་པའོ། །ཡིད་བཞིན་གྱི་ནོར་བུ་རིན་པོ་
D239.065.0102b01.01ཆེ་ལྟར་རིན་པོ་ཆེ་ཐམས་ཅད་ཆར་བཞིན་དུ་འབབ་པས་ཇི་ལྟར་རེ་ཞིང་འདོད་པ་ཐམས་ཅད་ཡོངས་སུ་ཚིམ་པར་བྱེད་པའོ། །ཚོང་པ་མང་པོའི་རིན་པོ་ཆེའི་གླིང་ལྟ་བུའོ། །དགེ་བའི་རྩ་བ་འཕེལ་ཞིང་སྐྱེ་བའི་ཕྱིར་ཞིང་གཤིན་པ་ལྟ་བུའོ། །རྣམ་པར་གྲོལ་བའི་བདེ་བ་ལ་འཇོག་པའི་
D239.065.0102b02.01ཕྱིར་སྣོད་ལྟ་བུའོ། །རིན་པོ་ཆེ་དམ་པའི་འབྱུང་གནས་སུ་གྱུར་པའི་ཕྱིར་ཡོན་ཏན་གྱི་བུམ་པ་བཟང་པོ་ལྟ་བུའོ། །དགེ་བའི་ནན་ཏན་ཅན་ལ་སྣང་བར་བྱེད་པའི་ཕྱིར་ཉི་མ་གསལ་བ་ལྟ་བུའོ། །ལམ་སྟོར་བ་རྣམས་ལ་སྣང་བར་བྱེད་པའི་ཕྱིར་སྒྲོན་མ་ལྟ་བུའོ། །ཉོན་མོངས་པའི་
D239.065.0102b03.01གདུང་བ་སེལ་བའི་ཕྱིར་ཟླ་བ་ལྟར་སིམ་པ་ལྟ་བུའོ། །རྐང་མེད་པ་ལ་ཐེག་པར་གྱུར་པ་ལྟ་བུའོ། །ལམ་རིང་པོར་འགྲོ་བ་ལ་ཚོགས་ཀྱི་སྟེགས་བུ་ལྟ་བུའོ། །འབྲོག་བསླད་པ་ལ་ལམ་སྟོན་པ་ལྟ་བུའོ། །སྨྱོས་ཤིང་འཁྲུགས་པ་ལ་སྨན་དམ་པ་ལྟ་བུའོ། །ནད་ཀྱིས་གཟིར་
D239.065.0102b04.01བ་ལ་སྨན་པ་མཁས་པ་དང་ཕྲད་པ་ལྟ་བུའོ། །རྒས་ཤིང་འཁོགས་པ་ལ་རྟེན་དང་ཁར་བ་ལྟ་བུའོ། །ངལ་བ་དང་དུབ་པ་ལ་ཁྲི་དང་སྟན་ལྟ་བུའོ། །ཆུ་བོ་བཞི་རྒལ་བ་ལ་ཟམ་པ་ལྟ་བུའོ། །ཕ་རོལ་དུ་འགྲོ་བ་ལ་གྲུ་དང་གཟིངས་ལྟ་བུའོ། །དགེ་བའི་རྩ་བ་རྣམ་གསུམ་
D239.065.0102b05.01གྱི་འབྲས་བུ་ཁྱད་པར་ཅན་སྨིན་པར་བྱེད་པའོ། །དགེ་བ་རྣམ་གསུམ་གྱི་གཞི་འདྲེན་ཅིང་རྒྱུན་དུ་འབེབས་པའོ། །སྦྱིན་པ་གཏོང་བའི་རྒྱུན་མི་འཆད་པ་འཁོར་ལོ་ལྟར་འཇུག་པའོ། །ཚུལ་ཁྲིམས་སྲུང་བ་བརྟན་པས་རི་རབ་ལྷུན་པོ་ལྟ་བུའོ། །བརྩོན་འགྲུས་གཞིག་པར་དཀའ་
D239.065.0102b06.01བ་ནི་རྡོ་རྗེ་རིན་པོ་ཆེ་ལྟ་བུའོ། །བཟོད་པ་མི་གཡོ་བ་ནི་ས་ཆེན་པོ་ལྟ་བུའོ། །བསམ་གཏན་ཟབ་པ་ནི་གཏེར་གསང་བ་ལྟ་བུའོ། །མཉམ་པར་འཇོག་པས་མཛེས་པ་ནི་མེ་ཏོག་གི་ཕྲེང་བ་དམ་པ་ལྟ་བུའོ། །ཤེས་རབ་ཟབ་ཅིང་ཡངས་པ་ནི་རྒྱ་མཚོ་ཆེན་པོ་ལྟ་བུའོ། །ཅིས་ཀྱང་
D239.065.0102b07.01