完整藏文原文 · 德格版页 当前仅加载第 65 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ན་གནས་པའི་སེམས་ཅན་ཐམས་ཅད་ཡུན་རིང་པོར་འཚོ་བའི་ཡོ་བྱད་ཡིད་དུ་འོང་བ་རྣམ་པ་སྣ་ཚོགས་ལ་ལོངས་སྤྱོད་པ་དང་། བདེ་སྐྱིད་འཕེལ་ཞིང་སྐྱེ་བ་དང་། ཕས་རྒོལ་བའི་དགྲ་ཐམས་ཅད་ཀྱང་ཐུལ་བར་གྱུར་ཏོ། །ལས་ཀྱི་འཁོར་ལོ་རྣམ་པ་གསུམ་གང་ཞེ་ན། འདི་ལྟ་
D239.065.0122b01.01སྟེ། རྒྱལ་པོ་སྲིད་ཀྱི་ལས་ཀྱི་འཁོར་ལོ་རྣམ་པར་བཞག་པས་གང་དགྲ་ཐབས་མཁས་པར་བསླབས་ཤིང་རྩལ་སྦྱངས་ཏེ། ཕས་རྒོལ་བའི་དགྲ་འདུལ་ཞིང་མི་མང་པོ་སྲུང་བར་བྱེད་པ་དང་། ཞིང་དང་གནས་བྱེད་པའི་ལས་ཀྱི་འཁོར་ལོ་རྣམ་པར་བཞག་པས་གང་ཁང་ཁྱིམ་བརྩིགས་
D239.065.0122b02.01པ་དང་ཞིང་གི་ལས་ལག་བྱད་ཀྱིས་ཕྱིན་པར་བྱེད་དུ་འཇུག་ཅིང་བདེ་བར་བྱས་པས་བཟའ་བ་དང་བཏུང་བས་མི་བྲེལ་བར་བྱེད་པ་དང་། །ནོར་རིན་པོ་ཆེ་ཚོལ་བའི་ལས་ཀྱི་འཁོར་ལོ་རྣམ་པར་བཞག་པས་གང་ཚོང་སྤོགས་དང་། བཟོ་རྣམ་པ་སྣ་ཚོགས་སློབ་ཏུ་གཞུག་ཅིང་འཚོ་བའི་
D239.065.0122b03.01ཡོ་བྱད་རྣམ་པ་སྣ་ཚོགས་ཡིད་བཞིན་དུ་སྤྱད་དུ་ཡོད་ལ་བདེ་ཞིང་སྐྱིད་པ་འཕེལ་བར་བྱེད་པའོ། །རིགས་ཀྱི་བུ་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་རྒྱལ་པོའི་འཁོར་ལོ་གསུམ་པོ་འདི་དང་ལྡན་ན་འཁོར་ལོ་འདིའི་དབང་གིས་བདག་གི་ཡུལ་རབ་ཏུ་བདེ་
D239.065.0122b04.01ཞིང་སྐྱིད་པ་དང་། ཕས་རྒོལ་བའི་དགྲ་དང་གྲོགས་པོ་ངན་པ་བཏུལ་ཞིང་ལུས་སྲུང་བའི་ནན་ཏན་ལ་མཁས་པས་ཚེ་ཡང་རིང་བར་འགྱུར་རོ། །རིགས་ཀྱི་བུ་དེ་བཞིན་དུ་དེ་བཞིན་གཤེགས་པའི་ཡང་ཐོག་མ་མངོན་པར་སངས་རྒྱས་ཏེ་བླ་ན་མེད་པའི་ཡེ་ཤེས་ཐོབ་ནས་འདས་པ་དང་།
D239.065.0122b05.01མ་འོངས་པ་དང་། ད་ལྟར་གྱི་སངས་རྒྱས་ཐམས་ཅད་ཀྱི་ཆོས་ཀྱི་མིག་ལ་ཤིན་ཏུ་རྟོག་གོ། །དེ་ལྟར་ཤིན་ཏུ་བརྟགས་པས་ལས་དང་ཆོས་རྣམས་ཀྱི་རྒྱུ་དང་འབྲས་བུ་རབ་ཏུ་མཁྱེན་ཏེ། འདུལ་བར་འགྱུར་བའི་སེམས་ཅན་ཐམས་ཅད་ལ་ལས་ཀྱི་འཁོར་ལོ་རྣམ་པ་གསུམ་རྣམ་པར་གཞག་
D239.065.0122b06.01གོ། །ལས་ཀྱི་འཁོར་ལོ་དེའི་དབང་གིས་དཀོན་མཆོག་གསུམ་གྱི་གདུང་དང་། ཆོས་ཀྱི་མིག་ཡུན་རིང་དུ་གནས་པ་དང་། བླ་ན་མེད་པ་ཡང་དག་པའི་ཆོས་རྒྱ་ཆེར་ཀུན་དུ་ཁྱབ་པ་དང་། སྐྱེ་བོ་ཐམས་ཅད་རྟག་ཏུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་ཤིན་ཏུ་བདེ་
D239.065.0122b07.01