完整藏文原文 · 德格版页 当前仅加载第 65 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཆགས་པ་ནི་ནམ་མཁའ་ལྟ་བུའོ། །འབྲས་བུ་དམ་པའི་རྒྱུ་དང་ཉེ་བ་ནི་མེ་ཏོག་རྒྱས་པ་ལྟ་བུའོ། །མུ་སྟེགས་ཅན་འདུལ་བ་ལ་སེང་གེའི་རྒྱལ་པོ་ལྟ་བུའོ། །ལྷའི་བདུད་ཡོངས་སུ་འཇོམས་པ་ནི་ཀླུའམ་གླང་པོ་ཆེ་ལྟ་བུའོ། །ཉོན་མོངས་པའི་དགྲ་
D239.065.0103a01.01ཐམས་ཅད་གཅོད་པ་ནི་ལྷའི་རལ་གྲི་ལྟ་བུའོ། །འདུ་འཛི་མང་པོས་སྐྱོ་བ་ནི་རང་སངས་རྒྱས་ཀྱི་ཐེག་པ་པ་ལྟ་བུའོ། །ཉོན་མོངས་པའི་དྲི་མ་འཁྲུ་བ་ནི་ཆུ་དང་བ་ལྟ་བུའོ། །མི་གཙང་བའི་ཉལ་ཉིལ་སེལ་བ་ནི་རླུང་དྲག་པོ་ལྟ་བུའོ། །ཀུན་ནས་ཉོན་མོངས་པས་གླགས་པ་
D239.065.0103a02.01གཅོད་པ་ནི་མཚོན་རྣོན་པོ་ལྟ་བུའོ། །འཇིགས་པ་དང་བག་ཚ་བ་ཀུན་ལས་སྲུང་བ་ནི་གཉེན་ནམ་མཛའ་བོ་ལྟ་བུའོ། །ཕས་ཀྱི་རྒོལ་བའི་དགྲ་ལས་སྐྱོབ་པ་ནི་འོབས་སམ་མཁར་ལྟ་བུའོ། །ཉམ་ང་བ་ཐམས་ཅད་ལས་གྲོལ་བར་བྱེད་པས་ཕ་མ་ལྟ་བུའོ། །ཞན་ཅིང་ཉམ་ཆུང་བ་
D239.065.0103a03.01རྣམས་སྦེད་པ་ནི་ནགས་སྟུག་པོ་ལྟ་བུའོ། །དབྱར་ལམ་རིང་པོར་འགྲོ་བ་ལ་བསིལ་གྲིབ་ཀྱི་ཤིང་ཆེན་པོ་ལྟ་བུའོ། །ཚ་བ་དང་སྐོམ་གྱིས་གདུངས་པ་རྣམས་ལ་ཆུ་གྲང་ལྟ་བུའོ། །བཀྲེས་པ་རྣམས་ལ་འབྲས་བུ་ཞིམ་པོ་ལྟ་བུའོ། །གཅེར་བུ་རྣམས་ལ་བགོ་བའི་གོས་བྱེད་
D239.065.0103a04.01པའོ། །ཚ་བས་ཉེན་པ་རྣམས་ལ་སྤྲིན་སྟུག་པོར་གྱུར་པའོ། །དབུལ་ཕོངས་པ་ལ་ཡིད་བཞིན་གྱི་ནོར་བུ་རིན་པོ་ཆེར་གྱུར་པའོ། །འཇིགས་སྐྲག་པ་དག་ལ་སྐྱབས་དང་གནས་སུ་གྱུར་པའོ། །ལོ་ཏོག་རྣམས་ལ་ཆར་པར་གྱུར་པའོ། །ཆུ་རྙོག་མ་ཅན་རྣམས་ལ་ནོར་
D239.065.0103a05.01བུ་ཆུ་འདང་དུ་གྱུར་པའོ། །སེམས་ཅན་མང་པོའི་དགེ་བའི་རྩ་བ་མི་འགོང་བར་བྱེད་པས་སྤྱོད་ཡུལ་དམ་པ་སྟོན་ཅིང་འཁོར་སྤྲོ་བ་དང་ཚིམ་པར་བྱེད་པའོ། །སེམས་ཅན་རྣམས་ལྷག་པའི་འཛེམ་པ་དང་ངོ་ཚ་བ་ལ་སྐུལ་ཞིང་འཛུད་པའོ། །བསོད་ནམས་དང་ཡེ་ཤེས་ཀྱི་
D239.065.0103a06.01ཚོགས་སོགས་པ་ལ་དེའི་རྒྱན་དང་ལྡན་པར་བྱེད་པའོ། །ཉོན་མོངས་པ་ཡོངས་སུ་སེལ་བ་ལ་སྐྱུག་པ་དང་འཁྲུ་བའི་སྨན་ལྟ་བུར་གྱུར་པའོ། །སེམས་འཁྲུགས་པ་སྡུད་པ་ནི་མཉམ་པར་འཇོག་པའི་སྤྱོད་ཡུལ་ལྟ་བུར་གྱུར་པའོ། །སྤོབས་པ་ཐོགས་པ་མེད་པ་ནི་ཟོ་ཆུན་རྒྱུད་
D239.065.0103a07.01