完整藏文原文 · 德格版页 当前仅加载第 65 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
བཟེད་གོས་ཕྲོགས་ན། །ལྷ་དང་མི་ཡི་བདེ་བ་ཡུན་དུ་སྟོར། །དེ་བས་གང་ཞིག་མི་ལུས་ཐོབ་འདོད་ཅིང་། །འཆི་བའི་དུས་ན་ལྐུགས་པའི་སྐྱོན་སྤངས་ཤིང་། །རྟག་ཏུ་སངས་རྒྱས་ཀུན་དང་ཕྲད་འདོད་པ། །ཐེག་གསུམ་ཆོས་རྣམས་ཀུན་དུ་བསྲུང་བར་བྱོས། །ཐེག་པ་གསུམ་ལས་
D239.065.0191a01.01ཐེག་པ་མཆོག་འདོད་པ། །ཐེག་པ་གསུམ་ཆོས་རྟོག་ལ་མཁས་པ་སྟེ། །དགའ་ཞིང་སྤྲོ་བས་གཞན་ལ་རྒྱས་སྟོན་ན། །ངེས་པར་སངས་རྒྱས་འགྱུར་ལ་ཐེ་ཙོམ་སྤོངས། །ཚུལ་ཁྲིམས་ཉམས་ཤིང་འཇུངས་པ་ང་རྒྱལ་ཅན། །བདག་བསྟོད་གཞན་སྨོད་ཐེག་ཆེན་ཁས་འཆེ་བ། །དེ་དག་སྤངས་
D239.065.0191a02.01ཏེ་མཁས་ལ་བསྟེན་པར་བྱ། །ངེས་པར་འཚང་རྒྱ་ཁམས་གསུམ་འདའ་བར་འགྱུར། །ཐེག་པ་གསུམ་ལས་གང་དང་འཐུན་པ་བཞིན། །བྱམས་དང་སྙིང་རྗེས་ཐེག་པ་གསུམ་ཆོས་སྟོན། །མི་རེ་བཞིན་དུ་ཡོངས་སུ་རྫོགས་བྱས་ན། །ངེས་པར་འཚང་རྒྱར་འགྱུར་ལ་ཐེ་ཙོམ་སྤོངས། །
D239.065.0191a03.01ཕུང་པོ་ཁམས་དང་སྐྱེ་མཆེད་ཞི་བར་ཤེས། །ནམ་མཁའ་བཞིན་དུ་ཅི་ལའང་མི་གནས་ཏེ། །ཆོས་བསྟན་སེམས་ཅན་མང་པོ་ཀུན་ཡང་སྡུད། །དཔག་མེད་ཡེ་ཤེས་བློ་གྲོས་དམ་པ་ཐོབ། །ཚུལ་ཁྲིམས་ཉམས་པར་དགའ་ལ་སྡིག་པ་ཅན། །ཐེག་པ་ཆེན་པོའི་ཡོན་ཏན་མཆོག་
D239.065.0191a04.01ཐོས་ནས། །ཁེ་དང་གྲགས་ཕྱིར་ཐེག་ཆེན་ཁས་འཆེ་བ། །བོང་བུ་སེང་གེའི་པགས་པ་གྱོན་པ་བཞིན། །དེང་འདིར་ཐམས་ཅད་འཁོར་ལ་བཀའ་སྩལ་པ། །གང་ཞིག་མྱུར་དུ་བྱང་ཆུབ་མཆོག་འདོད་ན། །དགེ་བཅུའི་ལས་ཀྱི་ལམ་ལ་ནན་ཏན་བྱོས། །ང་ཡི་ཆོས་ལ་མི་སྨད་ཤིན་ཏུ་བསྲུང་། །ངས་
D239.065.0191a05.01སྔོན་མདོ་སྡེ་གཞན་དག་ལས་གསུངས་ལ། །བྱང་ཆུབ་ཆེན་པོ་འདོད་པས་ཐེག་ཆེན་སྤྱད། །ཉན་ཐོས་རང་རྒྱལ་ཐེག་པ་སྤོངས་ཤིག་པ། །དེ་ནི་རྣམ་དག་འཁོར་ལ་བསྟན་པའི་ཆོས། །སངས་རྒྱས་ཚད་མེད་བྱེ་བ་མཆོད་བྱས་པས། །སྡིག་པ་སྤངས་ནས་རྣམ་དག་སེམས་སྦྱོང་བ། །ཤིན་ཏུ་
D239.065.0191a06.01བརྩོན་པའི་སྐྱེ་བོ་དེ་དག་ལ། །གཉིས་སུ་མེད་དེ་ཐེག་པ་གཅིག་པུ་བཤད། །ད་ལྟའི་འཁོར་འདི་ཐེག་པ་གསུམ་སྣོད་ཅན། །ལ་ལ་ཉན་ཐོས་ཐེག་པའི་ཆོས་དང་ལྡན། །ལས་ཀྱི་དངོས་པོ་མང་པོས་འཇིགས་པ་དག །དེ་ནི་བྱང་ཆུབ་མཆོག་གི་སྣོད་མ་ཡིན། །ལ་ལ་དབེན་པར་དགའ་ཞིང་
D239.065.0191a07.01